РУССКИЙ  |  O'ZBEKCHA  |  ENGLISH                          

       O'zbekiston Respublikasi Moliya Vazirligi

SHAVKAT MIRZIYOYEV BAVARIYA BOSH VAZIRI MARKUS ZYODER BILAN UCHRASHDI

23
Yan 2019
1018 marta ko'rildi

SHAVKAT MIRZIYOYEV BAVARIYA BOSH VAZIRI MARKUS ZYODER BILAN UCHRASHDI

Concrete

Oʻzbekiston Respublikasi Prezidenti Shavkat Mirziyoyev rasmiy tashrif bilan Germaniya Federativ Respublikasida boʻlib turibdi. 

Tashrifning ikkinchi kuni Oʻzbekiston Prezidenti Shavkat Mirziyoyev Myunxen shahrida Bavariya Bosh vaziri Markus Zyoder bilan uchrashdi. 

Davlatimiz rahbari faxriy mehmonlar kitobiga dastxat qoʻydi.

Germaniyaning janubi-sharqida joylashgan hamda 70,5 ming kvadrat kilometr maydonni egallagan Bavariyada 12,9 million aholi yashaydi. Ushbu oʻlka federativ respublikaning maydon boʻyicha eng yirik va aholi soni boʻyicha ikkinchi subyektidir. 

Bugungi kunda Bavariya mamlakatning iqtisodiy jihatdan eng rivojlangan hududlaridan biri hisoblanadi. Bavariyaning yalpi hududiy mahsuloti hajmi 600 milliard yevroga yaqin boʻlib, bu Yevropa Ittifoqiga aʼzo davlatlardan aksariyatining koʻrsatkichlaridan yuqori. Germaniyada ishlab chiqarilayotgan avia va aerokosmik texnikaning qariyb yarmi, toʻqimachilik mahsulotlarining 43 foizi, elektronika tovarlarining 27 foizi, mashinasozlikning 18 foizi, metallurgiya mahsulotlarining 12 foizi ushbu federal oʻlka hissasiga toʻgʻri keladi. 

Uchrashuv avvalida Shavkat Mirziyoyev Markus Zyoderni Germaniya Xristan-sotsial ittifoqi raisi etib saylangani bilan tabriklab, uning ushbu yuksak martabadagi faoliyati ikki tomonlama hamkorlikni yanada rivojlantirishga koʻmaklashishiga ishonch bildirdi. 
Uchrashuvda ikki tomonlama hamkorlikni yanada rivojlantirish istiqbollariga oid masalalar muhokama qilindi. Shuningdek, savdo-iqtisodiy hamkorlik masalalari boʻyicha ham fikr almashildi.

Prezidentimiz Federal Prezident Frank-Valter Shtaynmayer, Federal kansler Angela Merkel va Bundestag Raisi Volfgang Shoyble bilan muzokaralar davomida oʻzaro anglashuvga erishilgani va hamkorlik loyihalari qoʻllab-quvvatlanganini taʼkidladi. 

Germaniya bilan munosabatlar anʼanaviy ravishda ilgʻor va koʻp tarmoqli xususiyatga ega boʻlib, hamkorlik sohalarining keng koʻlamini qamrab oladi. Xususan, ikki davlat oʻrtasida salmoqli shartnoma-huquqiy baza shakllantirilgan.

Bavariya Bosh vaziri Markus Zyoder Prezident Shavkat Mirziyoyevni Myunxenda koʻrib turganidan mamnun ekanini bildirib, Germaniya bilan Oʻzbekiston oʻrtasida imzolangan hujjatlar ikki mamlakat manfaatlariga xizmat qilishi, savdo-iqtisodiy sohadagi samarali va oʻzaro manfaatli hamkorlik oʻzaro munosabatlarning eng muhim ustuvor yoʻnalishlaridan biri boʻlishini qayd etdi. 

Mamlakatimizning Bavariya bilan munosabatlari uzoq tarixga egaligi qayd etildi. Tarixchi Shilterbergning Amir Temur huzurida boʻlgani toʻgʻrisidagi yozma xotiralari xalqlarimiz oʻrtasidagi tarixiy aloqalar tilga olingan ilk hujjatli manbalardan biridir. 

Tomonlar savdo-iqtisodiy va investitsiyaviy hamkorlikni mustahkamlash, Oʻzbekiston iqtisodiyotining turli tarmoqlarida ilgʻor nemis texnologiyalarini yanada keng joriy etishdan manfaatdor ekanligini taʼkidladilar.

Madaniy-gumanitar aloqalar, oliy taʼlim, sogʻliqni saqlash va sport sohasidagi hamkorlikni kengaytirish masalalariga alohida eʼtibor qaratildi.

Uchrashuvda Germaniya kompaniyalari bilan Oʻzbekistonda yuqori texnologiyali korxonalar ochish, transport-logistika va turizm infratuzilmasini modernizatsiya qilish, savdo-sotiq va qoʻshma loyihalarni birgalikda moliyalashtirish boʻyicha amaliy hamkorlikni kengaytirish istiqbollari muhokama qilindi.

Bavariya Bosh vaziri Markus Zyoder Prezident Shavkat Mirziyoyevga Germaniya ishbilarmon doiralarining Oʻzbekistondagi loyihalari va takliflariga koʻrsatilayotgan har tomonlama koʻmak uchun samimiy minnatdorlik bildirdi. Oʻzbekiston bilan keng koʻlamli va oʻzaro manfaatli biznes sheriklikdan gʻoyat manfaatdor ekanini qayd etdi.

Prezidentimiz Bavariya Bosh vaziriga Germaniya muzeylarida saqlanayotgan Oʻzbekiston tarixiy yodgorliklari haqidagi kitob-albomni sovgʻa qildi.

Ma'lumot manbai: uza.uz

Oxirgi o'zgartirish Chorshanba, 23 Yanvar 2019 11:52

Izoh qoldiring

Make sure you enter the (*) required information where indicated. HTML code is not allowed.

Biz ijtimoiy tarmoqlarda

Ishonch telefoni bo'yicha murojaatlar statistikasi

Paris

Vazirlikka kelgan xatlar holatini ko'rish

Yangiliklar taqvimi

« Dekabr 2019 »
Dush Sesh Chor Pay Jum Shan Yak
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Axborot-hisoblash markazining tezkor aloqa raqami (0-371) 202 03 02

Moliya vazirligi Axborot-hisoblash markazining "UzASBO va "DMBAT" dasturiy majmualari bo'yicha "Tezkor aloqasi"

Statistika

Hozir 362 mehmonlar va ro'yxatdan o'tgan foydalanuvchi yo'q saytda

Arxiv

Ishonch telefonlariga bo'lgan qo'ng'iroqlarni baholash statistikasi

Agar siz matnda xatoliklarni aniqlasangiz, sichqoncha bilan belgilab, administratorni xabardor qilish uchun Ctrl+Enter tugmalarini bosing

© 2019 O'zbekiston Respublikasi Moliya vazirligi. Barcha huquqlar himoyalangan. Saytdan olingan
ma'lumotlardan foydalanilganda O'zbekiston Respublikasi Moliya vazirligining rasmiy veb sayti 
www.mf.uz ko‘rsatilishi shart. Saytni ishlab chiqish va qo'llab-quvvatlash Moliya vazirligi AHM tomonidan amalga oshiriladi

Our website is protected by DMC Firewall!