РУССКИЙ  |  O'ZBEKCHA  |  ENGLISH                          

       O'zbekiston Respublikasi Moliya Vazirligi

KOʻMIRCHILIK TARMOGʻINI BARQAROR RIVOJLANTIRISH MASALALARI KOʻRIB CHIQILDI

06
Mart 2019
936 marta ko'rildi

KOʻMIRCHILIK TARMOGʻINI BARQAROR RIVOJLANTIRISH MASALALARI KOʻRIB CHIQILDI

Concrete

Oʻzbekiston Respublikasi Prezidenti Shavkat Mirziyoyev 5 mart kuni koʻmir qazib olish tarmogʻini barqaror rivojlantirish masalalari boʻyicha yigʻilish oʻtkazdi. 

Koʻmirchilik yoqilgʻi-energetika taʼminotining ajralmas qismi boʻlib, iqtisodiyot tarmoqlari, aholining ijtimoiy hayoti bilan bogʻliq muhim sohalardan biridir. 

Yurtimizda har yili aholi xonadonlariga 1 million tonna, ijtimoiy soha obyektlariga 400 ming tonna koʻmir yetkazib beriladi. Yangi Angren va Angren issiqlik elektr stansiyalarida energiya ishlab chiqarish uchun 4 million tonna koʻmir yoqiladi. 

Yigʻilishda konlarning salohiyati yuqori boʻlsa-da, keyingi yillarda koʻmir qazib chiqarish rejalari bajarilmayotgani, tarmoqdagi tizimli muammolar bartaraf etilmagani koʻrsatib oʻtildi. 

Masalan, konlardagi texnika va texnologiyalar eskirgan. Asosiy xomashyo bazasi boʻlgan Angren konida yangi shaxtalar ochish ishlari ortda qolgan. Karyerlarning qiyalik burchagi belgilangan meʼyordan oshib, qazish ishlari xavfli darajaga yetgan. 

Shu kabi masalalarni tez va samarali hal etish uchun “Oʻzbekkoʻmir” aksiyadorlik jamiyatini professional tashqi boshqaruvga berish moʻljallanmoqda. 

Yigʻilishda Angren konidagi holatni yaxshilashga qaratilgan ishlarni samarali tashkil etish chora-tadbirlari belgilandi. 

Iqtisodiyot tarmoqlari va aholining yaqin va uzoq istiqbolda koʻmirga boʻladigan talabini maksimal darajada qoplash uchun Angren konini rivojlantirish strategiyasini ishlab chiqish zarurligi taʼkidlandi. 

Prezidentimiz “Oʻzbekkoʻmir” aksiyadorlik jamiyatining moliyaviy barqarorligini mustahkamlash masalasiga ham alohida eʼtibor qaratdi. Moliya va Energetika vazirliklariga koʻmir narxi tariflarini optimallashtirish, tarmoqning rentabelligini oshirish, investitsiya xarajatlarini qoplash boʻyicha topshiriqlar berdi. 

Kon ochish ishlarini samarali tashkil etish uchun transport vositalari parkini yangilash lozimligi qayd etildi. Mutasaddilarga zarur samosval va boshqa maxsus texnika vositalarini eng maqbul takliflar asosida xarid qilish vazifasi qoʻyildi. 

Shuningdek, bugungi kunda qazib olish ishlarida foydalanilmayotgan texnikalardan voz kechib, ishlab chiqarish xarajatlarini kamaytirish choralarini koʻrish boʻyicha koʻrsatmalar berildi. 

Angren konining janubiy chegarasiga yaqin joyda yashayotgan aholi xavfsizligini taʼminlash masalalariga ham eʼtibor qaratildi. 

Vazirlar Mahkamasiga yuqorida qayd etilgan masalalar, xususan, “Oʻzbekkoʻmir” aksiyadorlik jamiyatini boshqarish samaradorligini oshirish, bu borada professional tashqi boshqaruvchini jalb etish, tarmoqqa zamonaviy texnologiyalarni joriy qilish va koʻmir sifatini oshirish boʻyicha kompleks chora-tadbirlar dasturini ishlab chiqish yuzasidan topshiriqlar berildi. 

Muhokama qilingan masalalar yuzasidan mutasaddilar axborot berdi. 

Ma'lumot manbai: president.uz

Oxirgi o'zgartirish Chorshanba, 06 Mart 2019 10:56

Izoh qoldiring

Make sure you enter the (*) required information where indicated. HTML code is not allowed.

Biz ijtimoiy tarmoqlarda

Ishonch telefoni bo'yicha murojaatlar statistikasi

O'zbekiston Respublikasi Moliya vazirligi ishonch telefoni orqali 2019 yil I chorak davomida jismoniy va yuridik shaxslardan kelib tushgan murojaatlarni ko'rib chiqish yuzasidan ma'lumot

Paris

Vazirlikka kelgan xatlar holatini ko'rish

Yangiliklar taqvimi

« Avgust 2019 »
Dush Sesh Chor Pay Jum Shan Yak
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Axborot-hisoblash markazining tezkor aloqa raqami (0-371) 239 15 62

Moliya vazirligi Axborot-hisoblash markazining "UzASBO va "DMBAT" dasturiy majmualari bo'yicha "Tezkor aloqasi"

Statistika

Hozir 559 mehmonlar va ro'yxatdan o'tgan foydalanuvchi yo'q saytda

Arxiv

Ishonch telefonlariga bo'lgan qo'ng'iroqlarni baholash statistikasi

Agar siz matnda xatoliklarni aniqlasangiz, sichqoncha bilan belgilab, administratorni xabardor qilish uchun Ctrl+Enter tugmalarini bosing

© 2019 O'zbekiston Respublikasi Moliya vazirligi. Barcha huquqlar himoyalangan. Saytdan olingan
ma'lumotlardan foydalanilganda O'zbekiston Respublikasi Moliya vazirligining rasmiy veb sayti 
www.mf.uz ko‘rsatilishi shart. Saytni ishlab chiqish va qo'llab-quvvatlash Moliya vazirligi AHM tomonidan amalga oshiriladi

DMC Firewall is a Joomla Security extension!