РУССКИЙ  |  O'ZBEKCHA  |  ENGLISH                          

       O'zbekiston Respublikasi Moliya Vazirligi

SUGʻURTA BOZORINI RIVOJLANTIRISH MASALALARI MUHOKAMA QILINDI

11
Iyul 2019
2155 marta ko'rildi

SUGʻURTA BOZORINI RIVOJLANTIRISH MASALALARI MUHOKAMA QILINDI

Concrete

Prezident Shavkat Mirziyoyev 10-iyul kuni sugʻurta xizmatlari bozorini rivojlantirish masalalari boʻyicha yigʻilish oʻtkazdi. 

Sugʻurta xizmatlari iqtisodiyotni turli xil moliyaviy xatarlardan himoya qiluvchi vositalardan biridir. Biroq mamlakatimiz moliya bozorida bu xizmatlarning oʻrni hozircha yetarli emas. 

Joriy yilning olti oyida sugʻurta tashkilotlari tomonidan yigʻilgan sugʻurta mukofoti oʻtgan yilning shu davriga nisbatan 1,5 barobar oshgan boʻlsa-da, sugʻurta tushumi aholi jon boshiga 50 ming soʻmdan toʻgʻri kelgan. 

Ushbu sohaning mamlakatimiz yalpi ichki mahsulotidagi ulushi atigi 0,4 foizni tashkil etmoqda. Qiyos uchun, bu koʻrsatkich Janubiy Koreyada 11 foiz, Germaniyada 6 foiz, Rossiyada 1,5 foizni tashkil etadi. 

Buning asosiy sabablaridan biri – sugʻurta xizmatlari yetarli darajada jozibador emasligi. Misol uchun, oʻtgan olti oyda umumiy sugʻurta tarmogʻida 887 milliard soʻm sugʻurta mukofoti yigʻilgan boʻlsa-da, ushbu davrda mijozlarga toʻlangan sugʻurta qoplamasining hajmi mukofotning atigi 11 foiziga toʻgʻri kelgan. Dunyoda esa bu koʻrsatkich oʻrtacha 50-60 foizdir. 

Yigʻilishda Moliya vazirligi huzuridagi Sugʻurta nazorati davlat inspeksiyasini bugungi kun talablaridan kelib chiqqan holda tubdan isloh qilish masalasi muhokama etildi. 

Sohaga nazoratchi emas, ilgʻor va zamonaviy standartlarni joriy etadigan, barcha ishtirokchilar oʻrtasida chinakam raqobat muhitini yaratib, sugʻurta bozorini rivojlantiradigan tuzilma kerak, dedi Shavkat Mirziyoyev. 

Shu bois ushbu inspeksiyani tugatib, Sugʻurta bozorini rivojlantirish agentligi tashkil etish taklif qilindi. Mutasaddilarga sugʻurta sohasini oʻrta va uzoq muddatli rivojlantirish strategiyasini ishlab chiqish, 2022-yilgacha aholi jon boshiga toʻgʻri keladigan sugʻurta mukofoti hajmini 3 baravar, sohaning yalpi ichki mahsulotdagi ulushini esa 2 baravar oshirish vazifasi qoʻyildi. 

Avvalo, aholi va tadbirkorlarning sugʻurtaga ishonchini oshirish zarurligi taʼkidlandi. Moliya vazirligi hamda Monopoliyaga qarshi kurashish qoʻmitasiga sugʻurta daʼvolarini koʻrib chiqish muddatlari va hujjatlarini qisqartirish, sugʻurta hodisasini adolatli baholash va toʻlovlarni tezkor toʻlash tizimini joriy qilish vazifasi topshirildi. 

Sugʻurta tashkilotlarining investitsiya faoliyatini qoʻllab-quvvatlash mexanizmlarini kengaytirish yuzasidan topshiriqlar berildi. Jumladan, sugʻurta kompaniyalarining lizing faoliyati bilan shugʻullanishini ragʻbatlantirish va lizing xizmatlari boʻyicha soliqqa tortish tizimini takomillashtirish vazifalari belgilandi. 

Iqtisodiyot tarmoqlarini sugʻurta xizmatlari bilan qamrab olish muhimligi qayd etildi. Moliya vazirligi hamda Investitsiyalar va tashqi savdo vazirligiga qishloq xoʻjaligi mahsulotlari eksportini sugʻurtalash xarajatlarining bir qismini davlat tomonidan subsidiyalash mexanizmlarini joriy etish boʻyicha koʻrsatma berildi. 

Milliy sugʻurta kompaniyalarining xalqaro moliya bozorlariga chiqishini taʼminlash, ilgʻor korporativ boshqaruv tizimini joriy qilish orqali xalqaro reytinglar olish boʻyicha ham aniq vazifalar belgilandi. 

Sugʻurta sohasida zamonaviy kadrlar tayyorlash, mutaxassislarni nufuzli xorijiy bilim yurtlarida oʻqitish va yetakchi kompaniyalarda malakasini oshirish masalalariga ham eʼtibor qaratildi. 

Mamlakatimizda majburiy tibbiy sugʻurta tizimini joriy qilish haqida soʻz borar ekan, davlatimiz rahbari bunga puxta tayyorgarlik koʻrish, tibbiy xizmatlarning minimal ijtimoiy paketini shakllantirish kerakligini taʼkidladi.

Ma'lumot manbai: uza.uz

Izoh qoldiring

Make sure you enter the (*) required information where indicated. HTML code is not allowed.

Biz ijtimoiy tarmoqlarda

Ishonch telefoni bo'yicha murojaatlar statistikasi

O'zbekiston Respublikasi Moliya vazirligi ishonch telefoni orqali 2019 yil I chorak davomida jismoniy va yuridik shaxslardan kelib tushgan murojaatlarni ko'rib chiqish yuzasidan ma'lumot

Paris

Vazirlikka kelgan xatlar holatini ko'rish

Yangiliklar taqvimi

« Avgust 2019 »
Dush Sesh Chor Pay Jum Shan Yak
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Axborot-hisoblash markazining tezkor aloqa raqami (0-371) 239 15 62

Moliya vazirligi Axborot-hisoblash markazining "UzASBO va "DMBAT" dasturiy majmualari bo'yicha "Tezkor aloqasi"

Statistika

Hozir 594 mehmonlar va ro'yxatdan o'tgan foydalanuvchi yo'q saytda

Arxiv

Ishonch telefonlariga bo'lgan qo'ng'iroqlarni baholash statistikasi

Agar siz matnda xatoliklarni aniqlasangiz, sichqoncha bilan belgilab, administratorni xabardor qilish uchun Ctrl+Enter tugmalarini bosing

© 2019 O'zbekiston Respublikasi Moliya vazirligi. Barcha huquqlar himoyalangan. Saytdan olingan
ma'lumotlardan foydalanilganda O'zbekiston Respublikasi Moliya vazirligining rasmiy veb sayti 
www.mf.uz ko‘rsatilishi shart. Saytni ishlab chiqish va qo'llab-quvvatlash Moliya vazirligi AHM tomonidan amalga oshiriladi

DMC Firewall is developed by Dean Marshall Consultancy Ltd