РУССКИЙ  |  O'ZBEKCHA  |  ENGLISH                          

       O'zbekiston Respublikasi Moliya Vazirligi

SHAVKAT MIRZIYOYEV FRANSIYA KOMPANIYALARINI OʻZBEKISTONDAGI INVESTITSIYA LOYIHALARIDA QATNASHISHGA CHAQIRDI

09
Okt 2018
146 marta ko'rildi

SHAVKAT MIRZIYOYEV FRANSIYA KOMPANIYALARINI OʻZBEKISTONDAGI INVESTITSIYA LOYIHALARIDA QATNASHISHGA CHAQIRDI

Concrete

Oʻzbekiston Respublikasi Prezidenti Shavkat Mirziyoyev Fransiyaning eng yirik kompaniyalari rahbarlari bilan uchrashuv oʻtkazdi. 

Unda “Total”, “Total Eren”, “Orano”, “Fivs Shteyn”, “Ranjis Semmaris”, “Vinchi”, “Sues”, “Sad”, “Idemia”, “Mersiye”, “Tales Aleniya Speys”, Yevropa tiklanish va taraqqiyot banki, Fransiya taraqqiyot agentligi kabi Yevropa va jahon bozorida yetakchi kompaniyalar, moliyaviy tuzilmalar rahbarlari ishtirok etdi. 

Uchrashuvda Oʻzbekistonda xorijiy investorlar uchun keng imkoniyatlar yaratilayotgani taʼkidlandi. Ular faoliyatini ragʻbatlantirish va himoya qilish uchun zarur normativ-huquqiy hujjatlar qabul qilindi. Biznesni rivojlantirish yoʻlidagi turli toʻsiqlarga barham berildi, tashqi savdo va bojxona-tarif nazorati sezilarli darajada qisqartirildi. 

Prezidentimiz tashabbusi bilan ishlab chiqilgan Soliq siyosatini takomillashtirish konsepsiyasi tadbirkorlar va investorlar uchun katta qulayliklar yaratadi. 

– Xorijiy investorlar bilan toʻgʻridan-toʻgʻri muloqot qilish uchun Oʻzbekiston Respublikasi Prezidenti huzurida Xorijiy investitsiyalar boʻyicha kengash tuzish toʻgʻrisida qaror qabul qildik. Uning vazifasi sarmoyadorlar fikrini inobatga olgan holda Oʻzbekiston investitsiya muhitini yaxshilash boʻyicha takliflar ishlab chiqishdan iborat boʻladi. Sizni kengash ishida faol ishtirok etishga taklif etamiz, – dedi Shavkat Mirziyoyev. 

Fransiyalik tadbirkorlar mamlakatimizda amalga oshirilayotgan iqtisodiy islohotlarni yuqori baholadi. Valyuta tizimining liberallashtirilgani, viza olish tartibining soddalashtirilgani oʻzaro manfaatli hamkorlikni kengaytirish uchun qulay imkoniyatlar yaratganini taʼkidladi. Bunday qulaylik va yengilliklar Oʻzbekiston iqtisodiyotiga qiziqishni kuchaytirdi. Davlatimiz rahbari tashrifi arafasida umumiy qiymati 5 milliard yevroga yaqin investitsiya loyihalari boʻyicha kelishuvlar imzolangani bundan dalolat beradi. 

Oʻzbekiston va Fransiya moliyaviy tashkilotlari, firma va kompaniyalari oʻrtasidagi sheriklikni yanada rivojlantirish masalalari, oʻzaro tovar yetkazish va xizmat koʻrsatish hajmini oshirish masalalari muhokama qilindi, deya xabar berdi Prezident Matbuot xizmati. 

Ma'lumot manbai: uza.uz

Oxirgi o'zgartirish Seshanba, 09 Oktyabr 2018 12:16

Izoh qoldiring

Make sure you enter the (*) required information where indicated. HTML code is not allowed.

Biz ijtimoiy tarmoqlarda

Ishonch telefoni bo'yicha murojaatlar statistikasi

O'zbekiston Respublikasi Moliya vazirligi ishonch telefoni orqali 2018 yil I yarim yilligida jismoniy va yuridik shaxslardan kelib tushgan murojaatlarni ko'rib chiqish yuzasidan ma'lumot

Ishonch telefonlariga bo'lgan qo'ng'iroqlarni baholash statistikasi

Axborot-hisoblash markazining tezkor aloqa raqami (0-371) 239 15 62

Moliya vazirligi Axborot-hisoblash markazining "UzASBO va "DMBAT" dasturiy majmualari bo'yicha "Tezkor aloqasi"

Yangiliklar taqvimi

« Oktyabr 2018 »
Dush Sesh Chor Pay Jum Shan Yak
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Obuna bo'lish

Statistika

Hozir 733 mehmonlar va ro'yxatdan o'tgan foydalanuvchi yo'q saytda

Arxiv

Agar siz matnda xatoliklarni aniqlasangiz, sichqoncha bilan belgilab, administratorni xabardor qilish uchun Ctrl+Enter tugmalarini bosing

© 2018 O'zbekiston Respublikasi Moliya vazirligi. Barcha huquqlar himoyalangan. Saytdan olingan
ma'lumotlardan foydalanilganda O'zbekiston Respublikasi Moliya vazirligining rasmiy veb sayti 
www.mf.uz ko‘rsatilishi shart. Saytni ishlab chiqish va qo'llab-quvvatlash Moliya vazirligi AHM tomonidan amalga oshiriladi

DMC Firewall is developed by Dean Marshall Consultancy Ltd