РУССКИЙ  |  O'ZBEKCHA  |  ENGLISH                          

       O'zbekiston Respublikasi Moliya Vazirligi

ZAMONAVIY TEXNOLOGIYALAR NAMOYISHI

24
May 2018
1095 marta ko'rildi

ZAMONAVIY TEXNOLOGIYALAR NAMOYISHI

Samarqandda “O‘zbekiston sanoat infratuzilmasi – Industrial Infrastructure Uzbekistan– 2018. Samarkand” xalqaro ko‘rgazmasi boshlandi. 

“Kongress Servis” mas’uliyati cheklangan jamiyati tomonidan Samarqand viloyati hokimligi, O‘zbekiston Savdo-sanoat palatasi va uning hududiy boshqarmasi, Tashqi savdo vazirligi, Investitsiyalar bo‘yicha davlat qo‘mitasi hamkorligida bu yil ikkinchi bor tashkil etilgan yarmarkada dunyoning 17 mamlakatidagi 30 dan ortiq firma va kompaniyalar vakillari o‘z mahsulotlarini namoyish etmoqda. 


Ko‘rgazmada sog‘liqni saqlash, qishloq xo‘jaligi va oziq-ovqat sanoati, qurilish, tikuv-ishlab chiqarish yo‘nalishlari bo‘yicha zamonaviy texnologiyalar, texnika va uskunalar namoyish etilib, ularni yetkazib berish bo‘yicha shartnomalar imzolanmoqda. 

– O‘n yildan buyon xorijdan zamonaviy tibbiy uskunalar keltirib, sotamiz, – deydi “Intermed innovation” kompaniyasi savdo menejeri Saidbek Fasxuddinov. – Birgina joriy yilning fevral-may oylarida Samarqand viloyatining xususiy va davlat tasarrufidagi tibbiyot muassasalariga 10 ga yaqin zamonaviy ultratovush apparati, laboratoriya va jarrohlik jihozlari, funksional diagnostika vositalari yetkazib berdik. Shuningdek, kompaniyamiz zamonaviy texnologiyalarni o‘rnatish va ulardan foydalanish bo‘yicha ham servis xizmati ko‘rsatadi. Bu kabi ko‘rgazmalar mahsulot va xizmatlarimizni taklif etish uchun qulay imkoniyatdir. 

Ko‘rgazmaning qishloq xo‘jaligi va oziq-ovqat sanoati yo‘nalishida dunyoga mashhur kompaniyalar tomonidan taqdim etilayotgan sut mahsulotlarini qayta ishlash, sharbat va suv ishlab chiqarish texnologiyalari, veterinariya dori vositalari, chorva uchun yem va boshqa qo‘shimchalar ham ishtirokchilar e’tiborini tortmoqda. 

Avstriya, Buyuk Britaniya, Rossiya, Germaniya, Turkiya davlatlari va mamlakatimiz qurilish kompaniyalarining mahsulot va xizmatlari, texnikalari ishtirokchilarda katta qiziqish uyg‘otdi. Jumladan, germaniyalik ishlab chiqaruvchilarning gorizontal yo‘nalishda 30 tonnadan 600 tonnagacha yuk tortish kuchiga ega burg‘ilash uskunalari va ehtiyot qismlari, rossiyalik ishlab chiqaruvchilarning elektron sanoat tarozilari va tarozi indikatorlari, o‘zbekistonlik ishlab chiqaruvchilarning foydalanish muddati uzaytirilgan metall konstruksiyalariga talabgorlar ko‘p. 

– Buyuk Britaniya bilan hamkorlikda tashkil etilgan qo‘shma korxonamiz bir yilda nafaqat yurtimiz, balki Markaziy Osiyo davlatlarida o‘z o‘rniga ega bo‘ldi, – deydi “Bektemir metall konstruksiyalari” qo‘shma korxonasi menejeri U.Do‘stboyev. – Chunki bizmintaqada birinchi bo‘lib metallga ruh bilan ishlov berish orqali undan foydalanish muddatini 65 dan 120 yilgacha uzaytiramiz. Bu, ayniqsa, bugungi zamonaviy shaharsozlik va keng miqyosli qurilish ishlarida har tomonlama qulay hisoblanadi. 

Uch kun davom etadigan ko‘rgazmada texnika va texnologiyalar, mahsulotlarni xarid qilish, shuningdek, investitsiyaviy hamkorlik bo‘yicha shartnomalar tuzish va kelishuvlarga erishish kutilmoqda. 

Ma'lumot manbai: uza.uz

Oxirgi o'zgartirish Payshanba, 24 May 2018 09:35

Izoh qoldiring

Make sure you enter the (*) required information where indicated. HTML code is not allowed.

Biz ijtimoiy tarmoqlarda

Ishonch telefoni bo'yicha murojaatlar statistikasi

O'zbekiston Respublikasi Moliya vazirligi ishonch telefoni orqali 2018 yil I yarim yilligida jismoniy va yuridik shaxslardan kelib tushgan murojaatlarni ko'rib chiqish yuzasidan ma'lumot

Yangiliklar taqvimi

« Dekabr 2018 »
Dush Sesh Chor Pay Jum Shan Yak
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Ishonch telefonlariga bo'lgan qo'ng'iroqlarni baholash statistikasi

Axborot-hisoblash markazining tezkor aloqa raqami (0-371) 239 15 62

Moliya vazirligi Axborot-hisoblash markazining "UzASBO va "DMBAT" dasturiy majmualari bo'yicha "Tezkor aloqasi"

Obuna bo'lish

Statistika

Hozir 866 mehmonlar va ro'yxatdan o'tgan foydalanuvchi yo'q saytda

Arxiv

Agar siz matnda xatoliklarni aniqlasangiz, sichqoncha bilan belgilab, administratorni xabardor qilish uchun Ctrl+Enter tugmalarini bosing

© 2018 O'zbekiston Respublikasi Moliya vazirligi. Barcha huquqlar himoyalangan. Saytdan olingan
ma'lumotlardan foydalanilganda O'zbekiston Respublikasi Moliya vazirligining rasmiy veb sayti 
www.mf.uz ko‘rsatilishi shart. Saytni ishlab chiqish va qo'llab-quvvatlash Moliya vazirligi AHM tomonidan amalga oshiriladi

DMC Firewall is a Joomla Security extension!