РУССКИЙ  |  O'ZBEKCHA  |  ENGLISH                          

       O'zbekiston Respublikasi Moliya Vazirligi

O'zbekiston yangiliklari

Avval xabar qilinganidek, O‘zbekiston Respublikasi Prezidenti Shavkat Mirziyoyev Turkmaniston Prezidenti Gurbanguli Berdimuhamedovning taklifiga binoan 6-7-mart kunlari davlat tashrifi bilan ushbu mamlakatda bo‘ldi. 

Tashrifning asosiy tadbirlari 6-mart kuni bo‘lib o‘tdi. Davlat rahbarlari avval yakkama-yakka, keyin ikki mamlakatning kengaytirilgan tarkibdagi rasmiy delegatsiyalari ishtirokida muzokara o‘tkazdilar. Ularda savdo-iqtisodiyot, neft-kimyo, transport kommunikatsiyalari, qishloq xo‘jaligi, madaniyat, turizm va boshqa sohalardagi hamkorlikni yanada rivojlantirish masalalari muhokama qilindi. 

Muzokaralar yakunida O‘zbekiston Respublikasi Prezidenti Shavkat Mirziyoyev va Turkmaniston Prezidenti Gurbanguli Berdimuhamedov Qo‘shma bayonotni, O‘zbekiston bilan Turkmaniston o‘rtasida strategik sheriklik to‘g‘risidagi shartnomani imzoladilar. Ikki mamlakat vazirlik va idoralari o‘rtasida iqtisodiyot, qishloq xo‘jaligi va kimyo sanoati, temir yo‘l transporti, madaniy-gumanitar sohalardagi hamkorlikni, hududlararo aloqalarni rivojlantirishga doir qator hujjatlar imzolandi. 

Oxirgi o'zgartirish Payshanba, 09 Mart 2017 12:22

Avval xabar qilinganidek, O‘zbekiston Respublikasi Prezidenti Shavkat Mirziyoyev Turkmaniston Prezidenti Gurbanguli Berdimuhamedovning taklifiga binoan 6-mart kuni davlat tashrifi bilan Ashxobodga keldi. 

Ta’kidlash joizki, bu Shavkat Mirziyoyevning O‘zbekiston Respublikasi Prezidenti sifatida xorijiy davlatga ilk tashrifidir. Shavkat Mirziyoyev o‘zining saylovoldi dasturida, O‘zbekiston Respublikasi Prezidenti lavozimiga kirishish marosimidagi nutqida O‘zbekiston barcha davlatlar, birinchi navbatda, qo‘shni mamlakatlar bilan o‘zaro manfaatli hamkorlik qilishini bayon etgan. Prezidentimizning mazkur davlat tashrifi O‘zbekiston tashqi siyosatda yaxshi qo‘shnichilik munosabatlariga alohida ahamiyat qaratayotganini yaqqol tasdiqladi. 

Xalqimiz turkman xalqi bilan ham azaldan yonma-yon, ahil-inoq yashab kelgan, bir daryodan suv ichgan. Savdo-sotiq qilgan, bir-birining madaniyatini boyitgan. 

Bu yaqinlik mamlakatlarimiz o‘rtasidagi hamkorlik rivojiga asos bo‘lmoqda. O‘zbekiston – Turkmaniston aloqalari 2007-yilda imzolangan Do‘stona munosabatlar va har tomonlama hamkorlikni yanada mustahkamlash to‘g‘risidagi davlatlararo shartnoma asosida izchil taraqqiy etmoqda. 

Oliy darajadagi tashriflar muntazamlik kasb etgani davlatlararo munosabatlar yuksak darajada ekanidan dalolatdir. O‘zbekiston va Turkmaniston Prezidentlarining bu galgi uchrashuvi Birinchi Prezidentimiz Islom Karimov asos solgan o‘zaro manfaatli va faol muloqotlarning mantiqiy davomi bo‘ldi. 

Oxirgi o'zgartirish Seshanba, 07 Mart 2017 10:01

O‘zbekiston Respublikasi Markaziy banki axboroti

2017-yilning 10-martidan boshlab O‘zbekiston Respublikasi Markaziy banki qiymati 10000 so‘m bo‘lgan banknot ko‘rinishidagi yangi pul belgilarini muomalaga chiqaradi. 

O‘zbekiston Respublikasi Markaziy bankining qiymati 10000 so‘m bo‘lgan pul belgilari 144 x 78 mm. o‘lchamdagi himoyalangan qog‘ozda tayyorlangan. 

Banknotning o‘ng tarafidagi keng oq rangli sathda O‘zbekiston Respublikasi Gerbi va “10000” raqami ko‘rinishida suv belgisi mavjud. 

Oq rangli sathning chap tarafidan qog‘oz qatlamida “Darcha” va “3D” effektli yuzaga chiqib, ichkariga botuvchi himoya ipi o‘tkazilgan

Banknot old tomonining yuqori qismida “O‘ZBEKISTON RESPUBLIKASI MARKAZIY BANKI” yozuvi mavjud. 

Chap qismida naqshinkor elementlar fonida O‘zbekiston Respublikasi Gerbi tasvirlangan. 

Gerbning pastki qismida yettita raqamli nomeri bilan ikki lotin harfidan iborat seriyasi joylashgan. 

Oxirgi o'zgartirish Seshanba, 07 Mart 2017 10:32

O‘zbekiston Respublikasi Oliy Majlisi Senatida Birlashgan Millatlar Tashkiloti Bosh kotibining siyosiy masalalar bo‘yicha yordamchisi Miroslav Yencha boshchiligidagi delegatsiya a’zolari bilan uchrashuv bo‘lib o‘tdi. 

O‘zbekiston Respublikasi Oliy Majlisi Senati raisining birinchi o‘rinbosari S.Safoyev bilan suhbatda O‘zbekiston va BMT o‘rtasida o‘zaro ishonch va manfaatdorlik hamda ochiq muloqotga asoslangan munosabatlar qaror topgani qayd etildi. 

Uchrashuvda O‘zbekistonning BMT bilan o‘zaro aloqalari tobora kengayib borayotgani, iqtisodiyot, ilm-fan, sog‘liqni saqlash, ekologiya, madaniyat va ta’lim yo‘nalishlaridagi hamkorlik samaralari alohida qayd etildi. 

O‘zbekiston Respublikasi Prezidenti Shavkat Mirziyoyev 1-mart kuni AQShning yetakchi kompaniyalaridan biri "Jeneral Elektrik" kompaniyasi vitse-prezidenti Ronald Jeyms Pollettni qabul qildi.  

Davlatimiz rahbari mehmonni qutlar ekan, O‘zbekiston va Amerika Qo‘shma Shtatlari ishbilarmon doiralarining uzoq muddatli va o‘zaro manfaatli hamkorlik munosabatlarini rivojlantirishga qiziqishi ortib borayotganini mamnuniyat bilan ta’kidladi. 

Yaqinda Toshkentda AQShning "Jeneral Elektrik", "SiEnEych Indastrial", "Katerpillar", "Xanivell", "Prokter end Gembl" va boshqa yetakchi kompaniyalari ishtirokida Amerika – O‘zbekiston savdo palatasining biznes-forumi muvaffaqiyatli o‘tdi. 

Ta’kidlash joizki, bugungi kunda O‘zbekiston korxonalarining iqtisodiyotning turli sohalarida jahondagi yetakchi texnologik kompaniyalardan biri bo‘lgan "Jeneral Elektrik" bilan hamkorligi energetika majmui, fuqaro aviatsiyasi va sog‘liqni saqlash sohalarini qamrab olgan. 

Oxirgi o'zgartirish Payshanba, 02 Mart 2017 10:01

Qoraqalpog‘iston Respublikasida hududni ijtimoiy-iktisodiy rivojlantirish dasturi asosida joriy yilda sanoatda 365, qishloq xo‘jaligida 686, xizmat ko‘rsatish sohasida 1 ming 184 loyiha amalga oshirilishi rejalashtirilgan. 

Bu borada o‘tgan yili 194,6 milliard so‘m va 7,5 million dollarlik investitsiyalar o‘zlashtirilib, 2 ming 17 loyiha amalga oshirildi. 9 ming 956 yangi ish o‘rni yaratildi. Nukus shahrida “Kardar ishlab chiqarish mahsulotlari” mas’uliyati cheklangan jamiyati tomonidan 500 million so‘m evaziga briket mahsulotlari ishlab chiqarish yo‘lga qo‘yildi. Ellikqal’a tumanidagi “El rozi Nur” mas’uliyati cheklangan jamiyatida 250 million so‘mlik investitsiya hisobidan vermikulit qayta ishlanib, issiqlik saqlovchi quruq qurilish materiallari tayyorlanmoqda. Mahalliy xomashyodan tayyorlanayotgan bu mahsulotga talab ortmoqda. 

Amudaryo tumanidagi "Jumurtau ideal" korxonasida umumiy qiymati 930 million so‘mlik investitsiya o‘zlashtirilib, qurilish ashyosi – shag‘al ishlab chiqarishni kengaytirish loyihasi amalga oshirildi. 

Oxirgi o'zgartirish Chorshanba, 01 Mart 2017 10:28

Prezidentimiz Shavkat Mirziyoyev Qarshi shahridagi Gulshan mahallasida fuqarolar yig‘ini xodimlari va profilaktika inspektori birgalikda ishlashi uchun yaratilgan sharoitlar bilan tanishdi. 

Mahallalarning hayotimizdagi o‘rni va ta’siri bugungi kunda ortib bormoqda. Davlatimiz rahbari tashabbusi bilan mahalla faoliyatining tashkiliy asoslarini takomillashtirish, uning vazifa va vakolatlarini kengaytirish, davlat hokimiyati va boshqaruv organlari tizimidagi rolini mustahkamlashga alohida e’tibor qaratilmoqda.  

Qarshi shahrida ham mahalla fuqarolar yig‘inlarining aholi bilan ishlash samaradorligini oshirish, ular uchun zamonaviy sharoit yaratish borasida izchil ishlar amalga oshirilmoqda. Yaqinda "Gulshan" mahalla fuqarolar yig‘inining yangi binosi foydalanishga topshirilgani buning dalilidir. 

Oxirgi o'zgartirish Seshanba, 28 Fevral 2017 10:25

Prezidentimiz Shavkat Mirziyoyev Qarshi shahridagi “Qarshi lezer” qo‘shma korxonasida bo‘lib, Qashqadaryo viloyatida charmpoyabzal sohasini yanada rivojlantirish dasturi, meva-sabzavot yetishtirish, yangi logistika markazi tashkil qilish, Yakkabog‘, Kitob, Shahrisabz tumanlarida tokzorlar barpo etish bo‘yicha qator istiqbolli loyihalar bilan tanishdi. 

Qashqadaryo viloyatida charm-poyabzal sanoatini rivojlantirish hududda yetishtiriladigan teri xomashyosini sifatli qayta ishlashni tashkil qilishda muhim o‘rin tutadi. Shu maqsadda viloyatda 2017-2018 yillarga mo‘ljallangan umumiy qiymati 12,9 million dollarlik 18 investitsiya loyihasini amalga oshirish bo‘yicha manzilli dastur ishlab chiqildi. 

Mazkur dasturga muvofiq Qarshi shahri, Dehqonobod, Kitob va Nishon tumanlarida 5 poyabzal, Kitob tumanida charm-attorlik mahsulotlari, “Qarshi lezer” korxonasida tayyor charm ishlab chiqarish loyihalari amalga oshiriladi. Bu viloyatda yiliga 1 million dona terini qayta ishlash, 460 ming juft poyabzal va 100 ming dona charm-attorlik mahsulotlari tayyorlash, 200 dan ortiq yangi ish o‘rni tashkil etish imkonini beradi.  

Oxirgi o'zgartirish Dushanba, 27 Fevral 2017 10:28

Toshkentdagi Xalqaro hamkorlik markazida O‘zbekiston va Qozog‘iston o‘rtasida ikki tomonlama hamkorlik bo‘yicha hukumatlararo qo‘shma komissiyaning navbatdagi majlisi bo‘lib o‘tdi. 

Tadbirda ikki mamlakatning tashqi iqtisodiy aloqalar, savdo-sanoat, sarmoya, energetika, neft-gaz, bojxona, transport va transport kommunikatsiyalari, temir yo‘l, aviatashuv, mashinasozlik, elektr texnikasi, qurilish, qishloq xo‘jaligi, oziq-ovqat sanoati, farmatsevtika sohalarida faoliyat ko‘rsatayotgan vazirlik va idoralari rahbar va vakillari ishtirok etdi. 

O‘zbekiston Respublikasi Bosh vazirining birinchi o‘rinbosari, komissiya hamraisi Ochilboy Ramatov mamlakatlarimiz o‘rtasidagi savdo, iqtisodiyot, transport va energetika sohalaridagi hamkorlik izchil rivojlanib borayotganini, bunda ikki davlat rahbarlarining uchrashuvlarida erishilgan kelishuvlar huquqiy asos bo‘layotganini alohida ta’kidladi. 

Oxirgi o'zgartirish Juma, 24 Fevral 2017 10:09

Milliy matbuot markazida «O‘zbekinvest» eksport-import milliy sug‘urta kompaniyasining 2016-yildagi faoliyati yakunlari va joriy yildagi vazifalariga bag‘ishlangan matbuot anjumani bo‘lib o‘tdi. 

Mamlakatimizda sug‘urta bozori rivojlanayotgani, jumladan, kichik biznes va xususiy tadbirkorlik faoliyati, fuqarolar sog‘lig‘i, ularning mol-mulki sug‘urtasi bo‘yicha xizmatlar tarmog‘i yuksalib borayotgani qayd etildi. Xususan, «O‘zbekinvest» kompaniyasi ham sug‘urta xizmatlari sifatini yaxshilash, hududiy filiallar va bo‘limlar ishini faollashtirish, kadrlar salohiyatini oshirish, mahalliy va xalqaro hamkorlikni rivojlantirish, mijozlar talab va ehtiyojlarini puxta o‘rganishga qaratilgan sa’y-harakatlar natijasida bir qator ijobiy natijalarga erishmoqda. 

2016-yilda kompaniya yuridik va jismoniy shaxslar bilan 207 mingdan ortiq sug‘urta shartnomasi imzolagan. Yig‘ilgan sug‘urta mukofotlari 104 milliard so‘mni, olingan sug‘urta majburiyatlari 58,5 trillion so‘mni, aholi, korxona, kichik biznes va xususiy tadbirkorlik subyektlariga to‘lab berilgan sug‘urta qoplamalari 15 milliard so‘mni tashkil etdi. 

Prezidentimizning 2017-yil 7-fevraldagi «O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida»gi farmoni mamlakatimiz taraqqiyotining yaqin besh yillikdagi muhim yo‘nalish va ustuvor vazifalarini belgilab berdi. 

Bugun mamlakatimizda barcha sohalarda yuksalish, taraqqiyot kuzatilmoqda, odamlarning turmush farovonligi muttasil oshib bormoqda. O‘zbekiston bir paytlardagi faqat xomashyo yetkazib berishga ixtisoslashgan agrar respublikadan sanoati jadal rivojlanayotgan, iqtisodiy qudrati va salohiyati yuksalib borayotgan zamonaviy davlatga aylandi. Farg‘ona viloyatining sanoat imkoniyatlari ham misli ko‘rilmagan darajada o‘sdi. Viloyat markazidan tortib, chekka tuman va qishloqlarda ham zamonaviy ishlab chiqarish quvvatlari, ta’lim va tibbiyot muassasalari barpo etildi. Muhtasham sport va madaniyat inshootlari qad rostladi. 

Bugungi kunda viloyatimizda xorijiy investorlar ishtirokida 150 dan ziyod korxona faoliyat ko‘rsatmoqda. O‘tgan yilning o‘zida iqtisodiyotda tarkibiy o‘zgarishlarni yanada kengaytirish, sanoatning yetakchi tarmoqlarini modernizatsiya qilish va faol diversifikatsiyalash maqsadlariga, jumladan, asosiy kapitalga 2 trillion 347 milliard so‘mlik investitsiyalar kiritilib, ularning qariyb 70 foizi ishlab chiqarishni yangilash, zamonaviy texnika va texnologiyalar sotib olishga yo‘naltirildi. Shuningdek, 194 milliard so‘mlik to‘g‘ridan-to‘g‘ri xorijiy investitsiya va kreditlar o‘zlashtirilib, ularning hajmi 2015-yilga nisbatan 2,2 barobar o‘sdi. 

Mamlakatimizda tadbirkorlik bilan bir qatorda sug‘urta xizmati izchil rivojlanmoqda. Bunday xizmatlar hajmi kun sayin kengayib, yuksalib bormoqda. Misol uchun, «O‘zbekinvest» eksport-import milliy sug‘urta kompaniyasi 2016-yilda 8 ming 250 dan ziyod sug‘urta da’vosi asosida 15 milliard so‘m sug‘urta badali to‘lab berdi. Shundan 10,6 milliard so‘mi yuridik shaxslar, 4,4 milliard so‘mi jismoniy shaxslar ulushiga to‘g‘ri keladi. 

Kompaniyaning axborot xizmatidan ma’lum qilishlaricha, amalga oshirilgan sug‘urta qoplamalarining 55 foizi yoki 8,3 milliard so‘mi majburiy sug‘urtaga, 45 foizi yoki 6,7 milliard so‘mi ixtiyoriy sug‘urta turlariga to‘g‘ri keladi. Agar raqamlarga murojaat qiladigan bo‘lsak, har oyda o‘rtacha qariyb 700 sug‘urta da’vosi ko‘rib chiqilganini kuzatish mumkin. To‘langan badallarning asosiy qismi avto sug‘urta, xavfli ishlab chiqarish obyektlari sug‘urtasi, ish beruvchining fuqarolik javobgarligi majburiy sug‘urtasi, ixtiyoriy tibbiy sug‘urta, ipoteka  sug‘urtasiga yo‘naltirilgan. 

O‘zbekiston Respublikasi Prezidentining farmoni

Qayd etib o‘tilsinki, mustaqillik yillarida xalqimizning boy madaniy merosini qayta tiklash, yuksak ma’naviyat, milliy o‘ziga xoslik va xalq an’analarining mavjud ko‘p asrlik sarchashmalarini butun choralar bilan rivojlantirish, jismonan sog‘lom, ma’nan yetuk va har tomonlama barkamol shaxslar jamiyatini barpo etish uchun zarur shart-sharoitlar yaratildi. 

Aholining madaniy va estetik ehtiyojlarini yanada to‘la qondirishga, teatr, musiqa, tasviriy san’at hamda boshqa san’at turlarini rivojlantirishga, xalqimiz tarixi va bugungi hayotining eng yorqin sahifalarini, mamlakatimizning erkin demokratik taraqqiyotini aks ettiruvchi asarlar yaratishda ijodiy jamoalarga har tomonlama yordam ko‘rsatishga alohida e’tibor qaratildi. Jismoniy tarbiya va ommaviy sportni rivojlantirish bo‘yicha tizimli va aniq maqsadga yo‘naltirilgan chora-tadbirlar amalga oshirildi. Nufuzli xalqaro musobaqalarda O‘zbekiston sharafini munosib himoya qilish va yuksak marralarni zabt etishga qodir mahoratli sportchilar tayyorlashning samarali tizimi yaratildi. 

Oxirgi o'zgartirish Juma, 17 Fevral 2017 10:53

O‘zbekiston Respublikasi Prezidenti Shavkat Mirziyoyev 15-fevral kuni Iqtisodiy hamkorlik bo‘yicha O‘zbekiston – Rossiya hukumatlararo komissiyasining navbatdagi majlisida ishtirok etish uchun mamlakatimizga kelgan Rossiya Federatsiyasi Hukumati raisining o‘rinbosari Dmitriy Kozakni qabul qildi. 

Davlatimiz rahbari mehmonni qutlar ekan, O‘zbekiston bilan Rossiya o‘rtasidagi strategik sheriklik munosabatlari ko‘plab yo‘nalishlarda, xususan, savdo-iqtisodiy sohada izchil rivojlanayotgani va mustahkamlanib borayotganini alohida ta’kidladi. 

O‘zbekiston Respublikasi Prezidenti Shavkat Mirziyoyev va Rossiya Federatsiyasi Prezidenti Vladimir Putinning 2016-yil 6-sentabr kuni Samarqandda bo‘lib o‘tgan uchrashuvi chog‘ida erishilgan kelishuvlar faol va samarali amalga oshirilayotgani qayd etildi. 

Bugungi kunda Rossiya O‘zbekistonning asosiy iqtisodiy sheriklaridandir. 2016-yil yakunlariga ko‘ra, o‘zaro savdo hajmi 4,2 milliard AQSh dollaridan ziyodni tashkil etgan. Tovar ayirboshlash hajmini yanada ko‘paytirish maqsadida O‘zbekistonda yetishtirilgan meva-sabzavot mahsulotlarini "yashil yo‘lak" orqali rossiyalik iste’molchilarga yetkazishni tashkil etishga doir kelishuvlar imzolangan. Joriy yilda Rossiya bozoriga 1 million tonnadan ortiq meva-sabzavotlar, shuningdek, ularni qayta ishlash asosida tayyorlangan keng turdagi mahsulotlar yetkazib berish mo‘ljallangan. 

Oxirgi o'zgartirish Payshanba, 16 Fevral 2017 10:12

Avval xabar qilinganidek, O‘zbekiston Respublikasi Prezidenti Shavkat Mirziyoyev joylarda ijtimoiy-iqtisodiy islohotlarning borishi, amalga oshirilayotgan bunyodkorlik va obodonlashtirish ishlari bilan yaqindan tanishish, xalq bilan muloqot qilish maqsadida 10-11-fevral kunlari Surxondaryo viloyatida bo‘ldi. 

Davlatimiz rahbari 10-fevral kuni qishloq xo‘jaligini rivojlantirish, meva-sabzavot va paxtani qayta ishlash, qurilish materiallari ishlab chiqarish korxonalari loyihalari bilan tanishdi, yangi namunaviy loyihalar asosida bunyod etilgan uy-joylarda bo‘lib, odamlar bilan suhbatlashdi. Surxondaryo viloyatini ijtimoiy-iqtisodiy rivojlantirish, aholi uchun munosib turmush sharoitlari yaratish bo‘yicha yig‘ilish o‘tkazdi. Ushbu tadbirlarda 2017-2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi hamda "Xalq bilan muloqot va inson manfaatlari yili" Davlat dasturidagi maqsad-vazifalar o‘z ifodasini topdi. 

Oxirgi o'zgartirish Chorshanba, 15 Fevral 2017 10:12

Farg‘ona politexnika institutida muddatli harbiy xizmatni o‘tab qaytgan yoshlar bandligini ta’minlash, ularga munosib ish o‘rinlari yaratish maqsadida bo‘sh ish o‘rinlari yarmarkasi o‘tkazildi. 

Viloyat hokimligi tomonidan tashkil etilgan yarmarkada 124 korxona va tashkilot 770 bo‘sh ish o‘rni bilan ishtirok etdi. 

Joylarda muddatli harbiy xizmatni o‘tab bo‘lgan fuqarolarning bandligini ta’minlash, ularni o‘z mutaxassisligi asosida ishga joylashtirish bo‘yicha keng ko‘lamli chora-tadbirlar amalga oshirilmoqda. Buni mazkur yarmarka misolida ham ko‘rish mumkin. 

Andijon viloyati Shahrixon tumanida “Aholining shaxsiy tomorqa va dehqon xo‘jaligiga asoslangan tadbirkorlik tashabbuslarini qo‘llab-quvvatlash va amalga oshirishga ko‘maklashish” mavzusida ochiq muloqot bo‘lib o‘tdi. 

Tadbirkorlar va ishbilarmonlar harakati – O‘zbekiston Liberal-demokratik partiyasi tashabbusi bilan tashkil etilgan tadbirda tomorqadan foydalanish samaradorligini oshirish va bu borada mavjud muammolarni bartaraf etish xususida so‘z yuritildi. Unda O‘zbekiston Respublikasi Oliy Majlisi Qonunchilik palatasi va mahalliy Kengashlar deputatlari, partiya faollari, soliq, bank, tuman “Yagona darcha” markazi xodimlari, mahalla fuqarolar yig‘inlari raislari, turli yo‘nalishlarda tadbirkorlik faoliyatini boshlamoqchi bo‘lgan aholi vakillari, kollej bitiruvchilari ishtirok etdi. 

O‘zbekiston Respublikasi Prezidenti Shavkat Mirziyoyev raisligida 9-fevral kuni ichki ishlar organlari faoliyati, tizimda mavjud muammo va kamchiliklar, istiqboldagi vazifalarga bag‘ishlangan videoselektor yig‘ilishi bo‘lib o‘tdi. 

Unda O‘zbekiston Respublikasi Ichki ishlar vazirligi, tegishli vazirlik va idoralar rahbarlari, Qoraqalpog‘iston Respublikasi Jo‘qorg‘i Kengesi raisi, viloyatlar, Toshkent shahri, shaharlar va tumanlar hokimlari ishtirok etdi. 

Prezidentimiz Shavkat Mirziyoyev istiqlolning dastlabki yillaridan yurtimizda xavfsizlik va barqarorlikni ta’minlash, jamoat tartibini saqlash vazifalariga ustuvor ahamiyat berilayotganini alohida ta’kidladi. Bu profilaktika, tezkor-qidiruv, tergov, yo‘l harakati xavfsizligi, yong‘in xavfsizligi, qo‘riqlash, patrul-post xizmatlari, alohida vazifalarni bajaruvchi safarbarlik otryadlari qayta tashkil etilganida, ichki ishlar organlarining moddiy-texnik bazasi muntazam mustahkamlab borilayotganida namoyon bo‘lmoqda. 

Ichki ishlar organlari xodimlari bilan aholi o‘rtasidagi munosabatlarda o‘zaro ishonch va ochiqlikni ta’minlash maqsadida profilaktika inspektorlari, militsiya tayanch punktlari, “Mahalla posboni” kabi institutlar tashkil etilgani yurtimizda tinch-osuda hayot ta’minlanishiga xizmat qilmoqda. 

Prezidentimiz Shavkat Mirziyoyev shu yil 20-21-yanvar kunlari Qoraqalpog‘iston Respublikasiga tashrifi chog‘ida “Qo‘ng‘irot – Mo‘ynoq” ichimlik suvi tarmoqlari qurilishi boshlanishi bilan tanishdi. 

101 kilometrlik ushbu yirik suv tarmog‘i ishga tushirilgach, bir kecha-kunduzda 7 ming kub metr suv uzatish va 25 mingdan ziyod aholini toza ichimlik suvi bilan ta’minlash imkoniyati yaratiladi. 

Prezidentimiz yurtimizning chekka hududlaridan bo‘lgan Mo‘ynoq tumanini ijtimoiy-iqtisodiy rivojlantirish, aholi bandligini ta’minlash va turmush farovonligini yuksaltirish bo‘yicha aniq topshiriqlar berdi. 

Davlatimiz tomonidan yaratilayotgan keng imkoniyatlar samarasida Qoraqalpog‘iston Respublikasida ham iqtisodiyot tarmoqlari, sanoat, kichik biznes va xususiy tadbirkorlik jadal rivojlanmoqda. Bugungi kunda yalpi hududiy mahsulotning qariyb yarmi, hududiy eksportning 75 foizi xususiy sektor hissasiga to‘g‘ri kelayotgani ham fikrimizni tasdiqlaydi. Ish bilan band aholining 75 foizi aynan shu sohada mehnat qilayotir. 

Oxirgi o'zgartirish Payshanba, 09 Fevral 2017 10:30

Prezidentimiz Shavkat Mirziyoyev 2017-yil 5-yanvar kuni sog‘liqni saqlash sohasi mutaxassislari bilan uchrashib, ushbu tizimni takomillashtirish, muammo va kamchiliklarni bartaraf etish bo‘yicha ko‘rsatmalar bergan edi. Xalqimiz salomatligi, ayniqsa, yosh avlod kelajagiga daxldor bu soha Prezidentning doimiy e’tiborida bo‘lishini alohida ta’kidlagandi. 

Davlatimiz rahbari mamlakatimiz hududlariga safari chog‘ida qishloq vrachlik punktlari va klinikalarda bo‘lib, shifokor va bemorlar bilan muloqot qilmoqda. Bu Prezidentimizning mazkur sohaga – xalqimiz salomatligiga doimiy e’tiboridan dalolat beradi. 

O‘zbekiston Respublikasi Prezidenti Shavkat Mirziyoyev raisligida 7-fevral kuni 5-yanvardagi majlisda belgilangan vazifalar ijrosi, sog‘liqni saqlash tizimidagi muammolar va sohaning rivojlanish istiqbollariga bag‘ishlangan videoselektor yig‘ilishi bo‘lib o‘tdi. 

Oxirgi o'zgartirish Payshanba, 09 Fevral 2017 10:10

Mamlakatimizning turli hududlarida erkin iqtisodiy zonalar tashkil etish va ularda zamonaviy yuqori texnologiyalarni keng joriy qilish borasida amalga oshirilayotgan izchil ishlar xalqaro bozor talablariga javob beradigan raqobatbardosh va eksportbop mahsulotlar ishlab chiqarish, mavjud xomashyoni chuqur qayta ishlash orqali tayyor mahsulotlar turi va ulushini ko‘paytirish, eng muhimi, yangi ish o‘rinlari yaratishda muhim ahamiyat kasb etayotir. 

Prezidentimiz Shavkat Mirziyoyevning joriy yil 12-yanvardagi “Urgut”, “G‘ijduvon”, “Qo‘qon” va “Hazorasp” erkin iqtisodiy zonalarini tashkil etish to‘g‘risida”gi farmoni ana shunday hujjatlardan bo‘ldi. Oziq-ovqat, yengil sanoat, qishloq xo‘jaligi mahsulotlarini qayta ishlash, qurilish materiallari ishlab chiqarish, mashinasozlik va avtomobilsozlik, kichik biznes va xususiy tadbirkorlik sohasida samarali mehnat qilayotgan hazorasplik tadbirkorlarni, ayniqsa, mamnun etdi. 

O‘zbekiston Respublikasi Prezidentining farmoni

Fuqarolarning o‘zini o‘zi boshqarish organlari faoliyati samaradorligini oshirish, mahalla institutini aholiga eng yaqin va xalqchil tuzilmaga aylantirish, fuqarolar yig‘inlarining mushtarak manfaatlarini ifoda etadigan uyushmaga birlashish huquqlarini ro‘yobga chiqarish, ularning moddiy-texnika bazasini mustahkamlash hamda davlat organlari va fuqarolik jamiyati institutlari bilan o‘zaro hamkorligini yanada rivojlantirish maqsadida: 

1. Quyidagilar mahalla institutini yanada takomillashtirishning ustuvor yo‘nalishlari etib belgilansin: 

fuqarolar o‘zini o‘zi boshqarish organlarining jamiyatdagi o‘rni va rolini kuchaytirish, ularni joylarda xalqning chinakam maslakdoshi va ko‘makdoshiga aylantirish; 

jamiyatimizda o‘zaro hurmat, mehr-oqibat va hamjihatlik muhitini shakllantirishda, milliy va umuminsoniy qadriyatlarni asrab-avaylash hamda rivojlantirishda mahallalarning ahamiyati va nufuzini yanada oshirish; 

yoshlarni ma’naviy boy va jismonan sog‘lom etib tarbiyalash, ularning bandligini ta’minlash, yosh avlodni mafkuraviy tahdidlardan himoya qilish, aholining ehtiyojmand qatlamlarini, keksa avlod vakillarini ijtimoiy qo‘llab-quvvatlash borasida fuqarolar o‘zini o‘zi boshqarish organlarining davlat va nodavlat tashkilotlari bilan o‘zaro hamkorligini mustahkamlash; 

jamoat tartibi va xavfsizligini ta’minlashda, huquqbuzarliklarning barvaqt oldini olishda, fuqarolarda qonunga hurmat hissini kuchaytirishda mahallalarning bevosita ishtirokini kengaytirish; 

fuqarolarning o‘zini o‘zi boshqarish organlari huquq va qonuniy manfaatlarini himoya qilishning hamda ular faoliyatini muvofiqlashtirishning samarali mexanizmlarini joriy etish, mahalla tizimida yagona huquqni qo‘llash amaliyotini ta’minlash. 

Oxirgi o'zgartirish Dushanba, 06 Fevral 2017 10:30

O‘zbekiston Respublikasi Prezidentining qarori

Ish haqi, pensiya, nafaqa va stipendiyalarni to‘lash tizimini tubdan takomillashtirish, pensionerlar, talabalar va aholining boshqa ijtimoiy ehtiyojmand qatlamlari huquq va qonuniy manfaatlari himoyasini so‘zsiz ta’minlash, ularning O‘zbekiston Respublikasining barcha hududida xarid qiladigan tovar va xizmatlar uchun to‘lovlarni to‘siqlarsiz amalga oshirishi uchun qulay sharoitlar yaratish maqsadida: 

1. O‘zbekiston Respublikasi Markaziy banki, Moliya vazirligi, Moliya vazirligi huzuridagi byudjetdan tashqari Pensiya jamg‘armasi rahbarlarining e’tibori O‘zbekiston Respublikasi Prezidentining Virtual qabulxonasiga ish haqi, pensiya, nafaqa va stipendiyalar o‘z vaqtida to‘lanmayotgani, to‘lov terminallari va bank apparatlari tizimi yetarli darajada rivojlanmagan holda to‘lovlar plastik kartochkalarga asossiz ravishda o‘tkazilayotgani to‘g‘risida ko‘plab murojaatlar kelib tushayotganiga qaratilsin. 

2. Belgilab qo‘yilsinki, 2017-yilning fevral oyidan boshlab: 

barcha turdagi pensiyalar butun mamlakat hududida hech qanday cheklovlarsiz to‘liq hajmda naqd shaklda beriladi; 

ilovada keltirilgan tog‘li va olis tumanlardagi byudjet tashkilotlari xodimlariga ish haqi to‘lash, ijtimoiy to‘lovlar hech qanday cheklovlarsiz to‘liq hajmda naqd shaklda amalga oshiriladi; 

oliy o‘quv yurtlari talabalariga stipendiyalarning kamida 50 foizi naqd shaklda beriladi. 

Oxirgi o'zgartirish Juma, 03 Fevral 2017 10:49

O‘zbekiston Respublikasi Prezidenti Shavkat Mirziyoyev 1-fevral kuni Amerika – O‘zbekiston savdo palatasi raisi Kerolin Lemmni qabul qildi. 

Davlatimiz rahbari mehmonni samimiy qutlab, AQSh yetakchi kompaniyalari vakillari delegatsiyasining tashrifi va hamkorlikda biznes-forum o‘tkazilgani tomonlarning O‘zbekiston bilan Amerika Qo‘shma Shtatlari o‘rtasida o‘zaro foydali savdo-iqtisodiy va investitsiyaviy hamkorlikni rivojlantirishdan manfaatdorligi va intilishi ortib borayotganidan dalolat berishini ta’kidladi. 

Yigirma yildan ko‘proq vaqt avval tashkil etilgan Amerika – O‘zbekiston savdo palatasi bugun iqtisodiyotning turli tarmoqlarida qo‘shma dastur hamda loyihalarni qo‘llab-quvvatlash va amalga oshirishning muhim mexanizmiga, ikki davlat ishbilarmon doiralari o‘rtasida ishonchli ko‘prikka aylandi. 

Ayni paytda AQShning «Boyeing», «General Motors», «General Electric», «CNH Industrial», «Hyatt», «Hilton» va boshqa ko‘plab jahonga mashhur kompaniyalari mamlakatimizda muvaffaqiyatli faoliyat yuritmoqda. 

Oxirgi o'zgartirish Payshanba, 02 Fevral 2017 09:59

Davlatimiz rahbari Islom Karimov qabrini ziyorat qildi. Qur’on tilovat qilindi. 

Samarqand dunyoga mashhur, ko‘pchilik bir ko‘rishni orzu qiladigan Registon, Bibixonim, Shohi Zinda, Hazrati Xizr ziyoratgohlari qatorida bugun O‘zbekiston Respublikasining Birinchi Prezidenti, mustaqilligimiz asoschisi Islom Karimov mangu qo‘nim topgan maskan sifatida ham e’tirof etilmoqda. 

Ziyoratchilar qadami uzilmaydigan bu joy bugun tabarruk maskanga aylangan. Mamlakatimizning turli hududlaridan kelayotgan yurtdoshlarimiz Islom Karimov xotirasini yod etib, u kishining Vatan, xalq oldidagi ezgu ishlarini  esga olmoqda. 

Avval xabar qilinganidek, O‘zbekiston Respublikasi Prezidenti Shavkat Mirziyoyev joylarda ijtimoiy-iqtisodiy islohotlarning borishi, amalga oshirilayotgan bunyodkorlik va obodonlashtirish ishlari bilan yaqindan tanishish, xalq bilan uchrashish va muloqot qilish maqsadida 27-28-yanvar kunlari Xorazm viloyatida bo‘ldi. 

Davlatimiz rahbari Xorazm viloyatiga tashrifining ikkinchi kuni Respublika ixtisoslashtirilgan kardiologiya markazining Xorazm filiali bilan tanishdi. 

Mazkur shifoxona aholiga davolash va profilaktika xizmati ko‘rsatib kelmoqda. Kardiologiya, kardioreabilitatsiya, kardioxirurgiya, intervension kardiologiya va fizioterapiya bo‘limlari, poliklinika faoliyat yuritmoqda. 

Ushbu tibbiyot maskani negizida Rossiya Federatsiyasining A.Bakulev nomidagi yurak-qon tomir jarrohligi ilmiy-amaliy markazi filialini tashkil etish rejalashtirilmoqda. Bu chaqaloqlarda uchraydigan yurak nuqsonlarini aniqlash va davolash, yiliga 3 mingdan ziyod bemorga ixtisoslashgan tibbiy yordam ko‘rsatishga imkoniyat yaratadi. Mazkur shifoxona Qoraqalpog‘iston Respublikasi, Xorazm, Buxoro viloyatlari aholisi uchun mintaqaviy markaz bo‘ladi. 

Oxirgi o'zgartirish Dushanba, 30 Yanvar 2017 12:02

25-yanvar kuni O‘zbekiston Respublikasi Oliy Majlisi Qonunchilik palatasining navbatdagi majlisi bo‘lib o‘tdi. 

Deputatlar O‘zbekiston Respublikasi Oliy Majlisi Qonunchilik palatasining 2016-yildagi faoliyati yakunlarini va jamiyat hayotining turli sohalarida amalga oshirilayotgan islohotlarni chuqurlashtirishga qaratilgan bir qator qonun loyihalarini ko‘rib chiqdilar. 

Parlament quyi palatasi majlisining kun tartibiga kiritilgan masalalar oldindan siyosiy partiyalar fraksiyalari va O‘zbekiston Ekologik harakati deputatlar guruhining majlislarida muhokama qilingan edi. 

Parlament quyi palatasi a’zolari o‘z ishlarini O‘zbekiston Respublikasi Oliy Majlisi Qonunchilik palatasining 2016-yildagi faoliyati yakunlarini muhokama qilishdan boshladilar. Palataning hisobot davridagi faoliyati tanqidiy baholandi, deputatlarning qonun ijodkorligi va parlament nazorati kabi muhim yo‘nalishlardagi faoliyatini yanada takomillashtirishga doir chora-tadbirlar belgilandi. 

Oxirgi o'zgartirish Payshanba, 26 Yanvar 2017 10:09

O‘zbekiston Respublikasi Prezidenti Shavkat Mirziyoyevning Respublika baynalmilal madaniyat markazi tashkil etilganining 25-yilligiga bag‘ishlangan uchrashuvdagi nutqi

Qadrli do‘stlar! 

Sizlarni va sizlarning timsolingizda ko‘p millatli butun O‘zbekiston xalqini qutlug‘ sana – Respublika baynalmilal madaniyat markazi tashkil etilganining 25-yilligi bilan chin qalbimdan samimiy tabriklayman. 

Ma’lumki, bizning qadimiy va saxovatli zaminimizda ko‘p asrlar davomida turli millat va elat, madaniyat va din vakillari tinch-totuv yashab kelgan. Mehmondo‘stlik, ezgulik, qalb saxovati va tom ma’nodagi bag‘rikenglik bizning xalqimizga doimo xos bo‘lgan va uning mentaliteti asosini tashkil etadi. 

Oxirgi o'zgartirish Chorshanba, 25 Yanvar 2017 11:05

Mamlakatimiz tadbirkorlari Germaniya poytaxti Berlin shahrida o‘tkazilayotgan “Yashil hafta – 2017” qishloq xo‘jaligi mahsulotlari xalqaro yarmarkasida o‘z mahsulotlari va xizmatlari bilan ishtirok etmoqda. 

O‘zbekiston Respublikasi Prezidenti Shavkat Mirziyoyevning 2016-yil 5-oktabrdagi “Tadbirkorlik faoliyatining jadal rivojlanishini ta’minlashga, xususiy mulkni har tomonlama himoya qilishga va ishbilarmonlik muhitini sifat jihatidan yaxshilashga doir qo‘shimcha chora-tadbirlar to‘g‘risida”gi farmoni tadbirkorlarga yanada keng yo‘l ochdi. Kichik biznes va xususiy tadbirkorlik subyektlarining eksport faoliyati har tomonlama qo‘llab-quvvatlanmoqda. Tadbirkorlarimiz chet ellarda o‘tkazilayotgan yirik xalqaro yarmarkalar, biznes-forum va kooperatsion birjalarda ishtirok etib, mahsulot va xizmatlarini sotmoqda. 

“Yashil hafta – 2017” qishloq xo‘jaligi sohasidagi yirik xalqaro yarmarkalardan biridir. Unda 66 mamlakatdan 1 ming 650 firma va kompaniya ishtirok etmoqda. Mazkur forumda qishloq xo‘jaligi mahsulotlari, ularni yetishtirish va qayta ishlashga oid eng so‘nggi yutuqlar namoyish etilayotir. 

Oxirgi o'zgartirish Seshanba, 24 Yanvar 2017 09:55

Avval xabar qilinganidek, O‘zbekiston Respublikasi Prezidenti Shavkat Mirziyoyev joylarda ijtimoiy-iqtisodiy islohotlarning borishi, xalqimizning hayot darajasi va sifatini yanada oshirishga qaratilgan bunyodkorlik va obodonlashtirish ishlari bilan yaqindan tanishish, xalq bilan uchrashish va muloqot qilish maqsadida 20-21-yanvar kunlari Qoraqalpog‘iston Respublikasida bo‘ldi. 

Davlatimiz rahbari Qoraqalpog‘iston Respublikasiga tashrifining ikkinchi kuni Nukus shahrida quriladigan polimer mahsulotlari zavodi uchastkasiga tashrif buyurdi. Ushbu zavodda yiliga 8 ming tonna polietilen truba, qadoqlash mahsulotlari ishlab chiqariladi. Zamonaviy texnologiya bilan jihozlanadigan korxonada yuzdan ortiq ish o‘rni yaratiladi. 

Prezidentimiz mazkur korxona bilan yonma-yon barpo etiladigan energiya tarmog‘i mahsulotlari ishlab chiqaradigan zavod loyihasi bilan ham tanishdi. Bu yerda Yaponiya, Shveytsariya, Italiya kabi mamlakatlarda tayyorlangan texnologiyalar asosida zamonaviy transformatorlar, fotoelektrostansiya detallari, avtomatik elektr hisoblagichlar ishlab chiqarish rejalashtirilgan. 

Oxirgi o'zgartirish Dushanba, 23 Yanvar 2017 10:08

O‘zbekiston Respublikasi Prezidenti Shavkat Mirziyoyev 19-yanvar kuni mamlakatimizga amaliy tashrif bilan kelgan Jahon bankining Yevropa va Markaziy Osiyo davlatlari bo‘yicha vitse-prezidenti Siril Myullerni qabul qildi. 

Davlatimiz rahbari mehmonni samimiy qutlar ekan, O‘zbekiston va Jahon banki hamkorligi izchil rivojlanib borayotganini alohida ta’kidladi. 

Bugungi kunda o‘zaro hamkorlik elektr-energetika, irrigatsiya va kommunal tarmoqlarni modernizatsiya qilish, suv ta’minoti, ishlab chiqarish, transport va ijtimoiy infratuzilmani rivojlantirish yo‘nalishlarida Jahon bankining 2,8 milliard dollar mablag‘i jalb etilgan 33 qo‘shma loyihani o‘z ichiga oladi. 

Oliy Majlis Qonunchilik palatasida Germaniya Federativ Respublikasining mamlakatimizdagi Favqulodda va muxtor elchisi Naytxart Xyofer-Vissing bilan uchrashuv bo‘lib o‘tdi. 

“O‘zbekiston – Germaniya” parlamentlararo guruhi rahbari Rustam Komilov mamlakatlarimiz o‘rtasidagi ijtimoiy-siyosiy, iqtisodiy va madaniy sohalardagi hamkorlik izchil rivojlanib borayotganini ta’kidladi. 

O‘zbekiston va GFR o‘rtasidagi parlamentlararo munosabatlar yildan-yilga mustahkamlanib bormoqda. Germaniya Federativ Respublikasi Bundestagi bilan “O‘zbekiston – Germaniya” parlamentlararo guruhi a’zolari malakatimizda o‘tkazilayotgan xalqaro tadbirlarda muntazam ishtirok etmoqda. 

Oxirgi o'zgartirish Payshanba, 19 Yanvar 2017 11:31

Prezidentimiz Shavkat Mirziyoyevning 2016-yil 26-oktabrdagi “Erkin iqtisodiy zonalar faoliyatini faollashtirish va kengaytirishga doir qo‘shimcha chora-tadbirlar to‘g‘risida”gi farmoni mamlakatimizda yanada qulay investitsiya muhiti yaratish, imkoniyatlar va imtiyozlar ko‘lamini kengaytirishda muhim dasturilamal bo‘lmoqda. 

Ushbu hujjat asosida mamlakatimizdagi erkin iqtisodiy zonalar yagona nomda yuritilishi, imkoniyat va imtiyozlar borasida bir xillik yuzaga keltirilishi xorijiy hamda mahalliy investorlarni jalb etish, sanoatni rivojlantirish samaradorligini yanada oshirishda katta ahamiyatga ega. 

Farmonga muvofiq, soliq va bojxona to‘lovlari uchun belgilangan imtiyozlar hamda xomashyo va butlovchi qismlar boj to‘lovlaridan ozod etilishi “Jizzax” erkin iqtisodiy zonasida ham sanoat ishlab chiqarishini yanada rivojlantirishda muhim omil bo‘lmoqda. 

Oxirgi o'zgartirish Chorshanba, 18 Yanvar 2017 10:01

Mamlakatimizda tadbirkorlikni rivojlantirishga bo‘lgan e’tibor tufayli bu soha yildan-yilga rivojlanib bormoqda. Bu tarmoq o‘zining iqtisodiyotimizdagi o‘ta muhim va salmoqli hissasi, roli va ta’siri bilan davlatimiz va jamiyatimiz taraqqiyotida tobora muhim o‘rin egallayotir. O‘zbekiston iqtisodiy o‘sish prognozlari bo‘yicha dunyodagi eng tez rivojlanayotgan beshta mamlakatdan biri sifatida tan olingani zamirida ham soha vakillarining munosib hissasi bor. 

Prezidentimiz Shavkat Mirziyoyevning mamlakatimizni 2016-yilda ijtimoiy-iqtisodiy rivojlantirishning asosiy yakunlari va 2017-yilga mo‘ljallangan iqtisodiy dasturning eng muhim ustuvor yo‘nalishlariga bag‘ishlangan Vazirlar Mahkamasining kengaytirilgan majlisidagi ma’ruzasida xususiy mulk va tadbirkorlikni yanada rivojlantirish va ularning ta’sirchan himoyasini ta’minlashga alohida e’tibor qaratildi. 

Davlatimiz rahbarining 2016-yil 5-oktabrdagi “Tadbirkorlik faoliyatining jadal rivojlanishini ta’minlashga, xususiy mulkni har tomonlama himoya qilishga va ishbilarmonlik muhitini sifat jihatidan yaxshilashga doir qo‘shimcha chora-tadbirlar to‘g‘risida”gi farmoni tadbirkorlar uchun yangi imkoniyatlar yaratmoqda. 

O‘zbekiston Respublikasi Adliya vazirligi tomonidan farmon ijrosi doirasida kichik biznes va xususiy tadbirkorlar duch kelayotgan muammolar bartaraf etilayotir. 

Oxirgi o'zgartirish Seshanba, 17 Yanvar 2017 10:44

2017-yil 14-yanvar kuni Vazirlar Mahkamasining mamlakatimizni 2016-yildagi ijtimoiy-iqtisodiy rivojlantirish yakunlarini har tomonlama tahlil qilish hamda respublika hukumatining 2017-yil uchun iqtisodiy va ijtimoiy dasturi eng muhim yo‘nalishlari va ustuvor vazifalarini belgilashga bag‘ishlangan kengaytirilgan majlisi bo‘lib o‘tdi. 

Majlis ishida Oliy Majlis Qonunchilik palatasi va Senati rahbarlari, O‘zbekiston Respublikasi Prezidentining Davlat maslahatchilari, hukumat a’zolari, xo‘jalik birlashmalari, jamoatchilik tashkilotlari rahbarlari, shuningdek, Qoraqalpog‘iston Respublikasi Jo‘qorg‘i Kengesi va Vazirlar Kengashi raislari, viloyat, shahar va tuman hokimlari qatnashdilar. Birinchi bor viloyat, shahar va tumanlar markazlarida tashkil etilgan studiyalar bilan videokonferensiya aloqasi orqali hukumat majlisida mahalliy hokimiyat, vazirlik, idoralar hududiy bo‘linmalari, korxonalarning rahbar xodimlari va tadbirkorlar ishtirok etdilar. 

Majlisda O‘zbekiston Respublikasi Prezidenti Shavkat Mirziyoyev ma’ruza qildi. 

Ma’ruzada O‘zbekiston Respublikasining Birinchi Prezidenti Islom Karimov boshchiligida ishlab chiqilgan taraqqiyotning “o‘zbek modeli”ni va mamlakatni o‘rta muddatli istiqbolda yanada isloh qilish, tarkibiy o‘zgartirish va modernizatsiya qilish Dasturini izchil amalga oshirishni davom ettirish 2016-yilda iqtisodiy o‘sishning barqaror va yuqori sur’atlarini saqlab qolishni va makroiqtisodiy muvozanatni, aholi hayot darajasi va sifati oshishini ta’minlaganligi qayd etib o‘tildi. 

Oxirgi o'zgartirish Seshanba, 17 Yanvar 2017 10:29

“O‘zbekiston” xalqaro anjumanlar saroyida 13-yanvar kuni Qurolli Kuchlarimiz tashkil etilganining 25-yilligi hamda 14-yanvar – Vatan himoyachilari kuniga bag‘ishlangan tantanali marosim bo‘lib o‘tdi. 

Tinchlik va osoyishtaligimiz posbonlari – harbiylar bayrami mamlakatimizda har yili keng nishonlanadi. Bu yurtimizda hukm surayotgan tinchlik-osoyishtalik va barqarorlik samarasidir. 

...13-yanvar kuni ertalab Mustaqillik maydonida Mudofaa, Ichki ishlar va Favqulodda vaziyatlar vazirliklari, Milliy xavfsizlik xizmati, Davlat bojxona qo‘mitasi vakillari saf tortdi. 

Vatan himoyachilari harbiy orkestr musiqa sadolari ostida hurriyatimiz, porloq istiqbolimiz va ezgu niyatlarimiz ramzi bo‘lgan Mustaqillik va ezgulik monumenti poyiga gullar qo‘ydi.

Oxirgi o'zgartirish Dushanba, 16 Yanvar 2017 10:12

O‘zbekiston Respublikasi Prezidentining farmoyishi

Mustaqillik yillarida mamlakatimizda ta’lim muassasalari uchun o‘quv adabiyotlari yaratish va o‘quvchilarga yetkazishning mustahkam tizimi yaratildi, bunda O‘zbekistonda ta’lim berilayotgan yettita tilda darslik va o‘quv qo‘llanmalari nashr etilmoqda. Axborot-resurs va axborot-kutubxona markazlarining moddiy-texnika bazasi yangilanib, zamonaviy elektron kutubxonalar tizimlari faoliyat ko‘rsatmoqda. 

Matbuot, noshirlik va axborot sohasida tegishli huquqiy asos yaratilgan bo‘lib, 10 dan ortiq qonun va 30 dan ortiq qonunosti hujjati qabul qilingan. 1 677 ta matbaa korxonasi, 118 ta nashriyot davlat ro‘yxatiga olingan. Zamonaviy texnologiyalar bilan jihozlangan Alisher Navoiy nomidagi O‘zbekiston Milliy kutubxonasi, 14 ta viloyat axborot-kutubxona markazi, tuman markazlari va shaharlardagi ta’lim muassasalarida 200 ga yaqin axborot-resurs markazi tomonidan aholiga axborot-kutubxona xizmatlari hamda “Kitob olami”, “Sharq ziyokori” va “O‘zdavkitobsavdota’minoti” majmualari tomonidan kitob savdosi xizmati ko‘rsatish yo‘lga qo‘yilgan. 

Yozuvchilar uyushmasi huzurida tashkil etilgan “Ijod” jamoat fondi tomonidan yozuvchi va shoirlar, ayniqsa, yosh ijodkorlarning birinchi kitoblari ko‘p ming nusxada nashr etilmoqda. 

Shu bilan birga, ushbu muhim soha rivoji bilan bog‘liq aholi, xususan, yoshlar o‘rtasida kitob mutolaasi va kitobxonlik madaniyatini oshirishda bir qator muammolar mavjudligini qayd etish lozim. 

Oxirgi o'zgartirish Juma, 13 Yanvar 2017 10:29

O‘zbekiston Respublikasi Oliy Majlisi Qonunchilik palatasi Axborot va kommunikatsiya texnologiyalari masalalari qo‘mitasi tomonidan “O‘zbekiston Respublikasining 2017-yilgi asosiy makroiqtisodiy ko‘rsatkichlari va davlat byudjeti parametrlari: axborot sohasining rivojlanish istiqbollari” mavzuida seminar o‘tkazildi. 

Seminarda O‘zbekiston Respublikasi Oliy Majlisi Qonunchilik palatasi deputatlari, Iqtisodiyot, Moliya, Axborot texnologiyalari va kommunikatsiyalarini rivojlantirish vazirliklari, Matbuot va axborot agentligining mas’ul xodimlari, biznes va fuqarolik jamiyati institutlari vakillari ishtirok etdi. 

Parlament quyi palatasi Axborot va kommunikatsiya texnologiyalari masalalari qo‘mitasi raisi I.Abdullayev va boshqalar O‘zbekiston Respublikasi Prezidentining 2016-yil 27-dekabrdagi “O‘zbekiston Respublikasining 2017-yilgi asosiy makroiqtisodiy ko‘rsatkichlari prognozi va davlat byudjeti parametrlari to‘g‘risida”gi qarori axborot sohasini yaqin va o‘rta muddatli istiqbolda rivojlantirishga xizmat qilishini ta’kidladi. 

Mamlakatimizdagi 132 farmatsevtika korxonasi tomonidan bugungi kunda 2 ming turdan ortiq dori vositalari ishlab chiqarilmoqda. 

Davlatimiz rahbari Shavkat Mirziyoyevning 2016-yil 31-oktabrdagi «Aholini dori-darmon vositalari va tibbiyot buyumlari bilan ta’minlashni yanada yaxshilashga doir chora-tadbirlar to‘g‘risida”gi qarori bu boradagi ishlar ko‘lamini kengaytirishda muhim omil bo‘layotir. 

Mazkur hujjatda mahalliy xomashyo, jumladan, dorivor o‘tlar asosida dori-darmon vositalari ishlab chiqarishni ko‘paytirish hisobidan farmatsevtika mahsulotlarini mahalliylashtirishni kengaytirish, aholiga sifatli va arzon dori-darmon vositalarini yetkazib berishga doir muhim yo‘nalishlar belgilangan. Qarorda ko‘zda tutilgan ustuvor vazifalar ijrosini ta’minlashda Toshkent farmatsevtika instituti tomonidan ham muayyan ishlar amalga oshirilayotir. 

Oxirgi o'zgartirish Chorshanba, 11 Yanvar 2017 10:26

Qoraqalpog‘iston Respublikasi Ellikqal’a tumanida o‘tkazilgan mehnat yarmarkasida 132 korxona, tashkilot va muassasa 386 bo‘sh ish o‘rni bilan ishtirok etdi. 

Qoraqalpog‘iston Respublikasi mehnat vaziri U.Saburov, Ellikqal’a tumani hokimi N.Xudoyberganov va boshqalar aholi, ayniqsa, yoshlar bandligini ta’minlash, ularni jismonan sog‘lom, ma’nan yetuk insonlar etib tarbiyalash, iste’dod va salohiyatini keng namoyon etishi uchun zarur sharoit yaratish, kasb-hunarga yo‘naltirish mamlakatimizda amalga oshirilayotgan islohotlarning ustuvor yo‘nalishlaridan ekanini alohida ta’kidladi. 

Mehnat yarmarkasida 50 ga yaqin kasb-hunar kolleji bitiruvchisiga mutaxassisligi bo‘yicha ishga yo‘llanma berildi. 

O‘zbekiston Respublikasi Prezidenti Shavkat Mirziyoyev 2017-yil 7-yanvarda Prokuratura organlari xodimlari kuni oldidan bir guruh soha xodimlari bilan uchrashdi. 

Uchrashuvda Oliy Majlis palatalari rahbarlari, hukumat a’zolari, davlat va jamoat tashkilotlari vakillari, prokuratura organlari mas’ul xodimlari va faxriylari ishtirok etdi. 

O‘zbekiston Respublikasi Davlat madhiyasi yangradi. 

O‘zbekiston Respublikasining 2016-yil 19-dekabrdagi qonuniga muvofiq, 8-yanvar O‘zbekiston Respublikasi prokuratura organlari xodimlari kuni etib belgilandi. Bu prokuratura organlari faoliyati samaradorligini yanada oshirishga, soha xodimlari mehnatini rag‘batlantirishga xizmat qiladi. 

Oxirgi o'zgartirish Dushanba, 09 Yanvar 2017 10:04

Aksiyadorlik tijorat “Qishloq qurilish bank” o‘z mijozlariga yangi – “Depozit Banking” mobil xizmatini taklif qilmoqda. Endilikda mazkur mobil dastur yordamida bank omonatchilari depozit hisob raqamlaridagi mablag‘lar doirasida naqdsiz amaliyotlarni bank muassasasiga kelmasdan, shaxsiy mobil telefonlari orqali bajarish, o‘z omonatlari bo‘yicha ma’lumot olish imkoniga ega bo‘ldi.

Mijozlar maxsus login va parol bilan ta’minlangandan so‘ng “Depozit Banking” mobil dasturi yordamida quyidagi amallarni bajarishi mumkin: 

- Omonatlarga hisoblangan foizlarni chiqim qilish; 
- Muddati to‘lgan omonatlarni to‘liq yoki qisman qayta rasmiylashtirish. Agar mijoz omonatini qisman rasmiylashtirmoqchi bo‘lsa, oradagi farq summa uning talab qilib olinguncha hisob raqamiga avtomatik tarzda o‘tadi; 
- Omonatni naqdsiz yopish; 
- Omonatni muddatidan oldin naqdsiz yopish. 

Oxirgi o'zgartirish Juma, 06 Yanvar 2017 10:37

O‘zbekiston Respublikasi Oliy Majlisi Qonunchilik palatasining Demokratik institutlar, nodavlat tashkilotlar va fuqarolarning o‘zini o‘zi boshqarish organlari qo‘mitasi O‘zbekiston Savdo-sanoat palatasi bilan hamkorlikda Oliy Majlis huzuridagi Tadbirkorlik subyektlarining hukuqlari va qonuniy manfaatlarini himoya qilish bo‘yicha vakil instituti (biznes ombudsman) faoliyatining huquqiy asoslariga bag‘ishlangan seminar o‘tkazdi. 

Oliy Majlis Senatining Qonunchilik va sud-huquq masalalari qo‘mitasi raisi B.Matmurodov, Qonunchilik palatasining Demokratik institutlar, nodavlat tashkilotlar va fuqarolarning o‘zini o‘zi boshqarish organlari qo‘mitasi raisi A.Saidov, Savdo-sanoat palatasi raisi A.Shayxov va boshqalar Oliy Majlis huzurida Tadbirkorlik subektlarining huquqlari va manfaatlarini himoya qilish bo‘yicha vakil instituti tashkil etilishi tadbirkorlarning huquqini qo‘llab-quvvatlash, normativ-huquqiy hujjatlardan foydalanish samaradorligini oshirish, amaldagi qonunchilik me’yorlariga to‘liq rioya etilishi yuzasidan ijro intizomini takomillashtirishda mustahkam kafolat bo‘lishini ta’kidladi. 

Prezidentimiz Shavkat Mirziyoyevning 2016-yil 5-oktabrdagi “Tadbirkorlik faoliyatining jadal rivojlanishini ta’minlashga, xususiy mulkni har tomonlama himoya qilishga va ishbilarmonlik muhitini sifat jihatidan yaxshilashga doir qo‘shimcha chora-tadbirlar to‘g‘risida”gi farmoni sohada yangi bosqichni boshlab berdi.

O‘zbekiston Respublikasi Prezidentining qarori

Maktabgacha ta’lim tizimini yanada takomillashtirish, moddiy-texnika bazasini mustahkamlash, maktabgacha ta’lim muassasalari tarmog‘ini kengaytirish, malakali pedagog kadrlar bilan ta’minlash, bolalarni maktab ta’limiga tayyorlash darajasini tubdan yaxshilash, ta’lim-tarbiya jarayoniga zamonaviy ta’lim dasturlari va texnologiyalarini tatbiq etish, bolalarni har tomonlama intellektual, axloqiy, estetik va jismoniy rivojlantirish uchun shart-sharoitlar yaratish maqsadida: 

1. Quyidagilarni o‘z ichiga olgan Maktabgacha ta’lim tizimini yanada takomillashtirish bo‘yicha 2017-2021-yillarga mo‘ljallangan dastur (keyingi o‘rinlarda Dastur deb yuritiladi): 

maktabgacha ta’lim tizimini yanada takomillashtirish bo‘yicha 2017-2021-yillarga mo‘ljallangan chora-tadbirlar rejasi 1-ilovaga muvofiq; 

2017-2021-yillarda maktabgacha ta’lim muassasalarini yangidan qurish, rekonstruksiya qilish va mukammal ta’mirlashning asosiy parametrlari, moliyalashtirish hajmi va manbalari 2, 3-ilovalarga muvofiq; 

2017-2021-yillarda maktabgacha ta’lim muassasalarida bolalarni maktab ta’limiga tayyorlash bo‘yicha qisqa muddatli guruhlarni tashkil qilishning asosiy parametrlari 4-ilovaga muvofiq tasdiqlansin. 

Aziz va muhtaram vatandoshlar! 

Betakror diyorimizga yangi – 2017-yil kirib kelmoqda. 

Siz, muhtaram otaxon va onaxonlar, mehribon opa-singillarimiz, navqiron yoshlarimiz, butun xalqimizni yangi yil bayrami bilan chin qalbimdan tabriklayman. 

Barchangizga sihat-salomatlik, baxt va quvonch tilayman. 

Poyoniga yetayotgan 2016-yilda yurtimiz hayotida yaxshi kunlar, ulkan yutuq va marralar ko‘p bo‘ldi. Shu bilan birga, afsuski, boshimizga og‘ir tashvish va sinovlar ham tushdi. 

Lekin bu sinovlar el-yurtimizni yanada birlashtirdi. Mard xalqimizning matonati tufayli biz bu sinovlardan ham munosib o‘tdik. 

Oxirgi o'zgartirish Seshanba, 03 Yanvar 2017 11:10

O‘zbekiston Respublikasi Prezidenti Shavkat Mirziyoyev Yangi yil arafasida – 2016-yil 30-dekabr kuni mamlakatimizning yetakchi ilm-fan namoyandalari bilan uchrashdi. 

Uchrashuvda hukumat a’zolari, vazirlik va idoralar, davlat va jamoat tashkilotlari, tijorat banklari rahbarlari, Fanlar akademiyasi a’zolari, yetakchi oliy o‘quv yurtlari rektorlari ishtirok etdi. 

Davlatimiz rahbari yig‘ilganlarni kirib kelayotgan Yangi yil bayrami bilan samimiy tabrikladi. Birinchi Prezidentimiz Islom Karimov rahnamoligida fan va ishlab chiqarish hamkorligini mustahkamlash, ta’lim tizimini rivojlantirish, innovatsion iqtisodiyot taraqqiyotiga alohida e’tibor qaratilganini ta’kidladi. 

Oxirgi o'zgartirish Shanba, 31 Dekabr 2016 10:14

Jizzax viloyatida 2016-yilning to‘qqiz oyida kichik biznes va xususiy tadbirkorlik subyektlarini moliyaviy qo‘llab-quvvatlash uchun tijorat banklari tomonidan 372,9 milliard so‘m, jumladan, sanoat sohasini rivojlantirish uchun 64,2 milliard so‘m kredit mablag‘lari ajratildi. 

Jizzax shahridagi “Jannati bibixonim” tikuvchilik korxonasi “Asakabank”ning 125 million so‘mlik kredit mablag‘i evaziga faoliyatini kengaytirdi. Korxonaga xorijdan zamonaviy dastgohlar keltirib o‘rnatildi. 

Oxirgi o'zgartirish Juma, 30 Dekabr 2016 10:48

2016-yil 27-28-dekabr kunlari Dushanbe shahrida O‘zbekiston Respublikasi bilan Tojikiston Respublikasi o‘rtasida savdo-iqtisodiy hamkorlik bo‘yicha hukumatlararo komissiyaning to‘rtinchi majlisi bo‘lib o‘tdi. 

O‘zbekiston delegatsiyasini Tojikiston Respublikasi Prezidenti Imomali Rahmon qabul qilib, O‘zbekiston Respublikasi Prezidenti Shavkat Mirziyoyevni o‘zi uchun qulay vaqtda Tojikiston Respublikasiga rasmiy tashrif bilan kelish taklif etilgan maktubini topshirdi. 

Hukumatlararo komissiya majlisi O‘zbekiston Respublikasi Bosh vazirining o‘rinbosari Rustam Azimov va Tojikiston Respublikasi Bosh vazirining birinchi o‘rinbosari Davlatali Said raisligida o‘tdi. 

Majlis natijalari tomonlar mamlakatlarimiz o‘rtasida teng huquqli va o‘zaro manfaatli aloqalarni rivojlantirishga katta ahamiyat qaratayotganini yaqqol tasdiqladi. 

Oxirgi o'zgartirish Payshanba, 29 Dekabr 2016 10:28

Mamlakatimizdagi madaniyat va istirohat bog‘lari, maydon va xiyobonlarida Yangi yil bayrami tadbirlari boshlandi. 

Mustaqillik maydoni, ko‘chalar, ko‘plab bog‘lar ko‘zni qamashtirguchi o‘yinchoqli zumrad archalar bilan bezatildi. 

Shayxontohur tumanidagi "Lokomotiv-Anhor" bog‘i yonidagi maydonda katta bayram tomoshalari tashkil etildi. Bu bayram tomoshalariga kelgan aholining maroqli dam olishi, bolajonlarning dildan quvnashi uchun ko‘proq qulayliklar yaratishda muhim ahamiyat kasb etdi. 

Oxirgi o'zgartirish Chorshanba, 28 Dekabr 2016 11:24

O‘zbekiston Respublikasi Prezidenti Shavkat Mirziyoyev 2016-yil 25-dekabr kuni Navoiy viloyatidagi yirik sanoat korxonalari faoliyati bilan tanishdi. 

Mamlakatimizning barcha joylarida bo‘lgani kabi Navoiy viloyatida ham keng ko‘lamli islohotlar izchil amalga oshirilmoqda. Shahar va qishloqlar obodonlashib, zamonaviy korxonalar, keng va ravon yo‘llar, ta’lim va tibbiyot muassasalari, bog‘ va xiyobonlar bunyod etilayotir. 

Istiqlol yillarida Navoiy viloyati mamlakatimizning sanoati rivojlangan hududlaridan biriga aylandi. Mahsulot va xizmatlar eksporti hajmi oshmoqda. Sanoat korxonalarini texnik va texnologik qayta jihozlash, modernizatsiya qilish ishlari tizimli ravishda amalga oshirilmoqda. 

Qirg‘iziston Respublikasi Prezidenti Almazbek Atamboyev 24-dekabr kuni amaliy tashrif bilan Samarqandga keldi. 

O‘zbek va qirg‘iz xalqlari azaldan yaqin qo‘shni sifatida tinch-totuv, ahil-inoq yashab kelgan. Xalqlarimiz tarixi, madaniy va diniy qadriyatlari mushtarak, an’ana va urf-odatlari o‘xshash. 

Mustaqillik yillarida O‘zbekiston va Qirg‘iziston o‘rtasidagi an’anaviy hamkorlik yangicha mazmun kasb etdi. Keyingi paytlarda o‘zaro aloqalar sezilarli ravishda faollashdi. Davlat rahbarlarining telefon orqali muloqotlari, hukumatlar va hududlar darajasida delegatsiyalar tashrifi amalga oshirildi. Mamlakatlarimiz jamoatchiligi Andijon va O‘sh shaharlariga delegatsiyalarning o‘zaro tashrifini mamnuniyat bilan qabul qildi.   

Ikki mamlakat vakillari O‘zbekiston va Qirg‘izistonda o‘tgan saylovlarda kuzatuvchi sifatida ishtirok etdi. 

Oxirgi o'zgartirish Dushanba, 26 Dekabr 2016 10:39

2016-yilning o‘tgan o‘n bir oyida tadbirkorlar O‘zbekiston Respublika tovar xomashyo birjasi orqali 5,5 trillion so‘mlik xomashyo va materiallarni xarid qildi. Ular tomonidan birja orqali sotilgan mahsulotlar 2,1 trillion so‘mni tashkil etdi. Ushbu savdolarda ishtirok etayotgan kichik biznes va xususiy tadbirkorlik subyektlari o‘tgan yilga nisbatan 14 foizga ko‘payib, 42 ming nafarga yetdi. 

Savdolarni ochiq-oydin va oshkora o‘tkazish mexanizmi, professional brokerlik korpusi, rivojlangan savdo infratuzilmasi va bitimlar ijrosi kafolatlanganligi tadbirkorlarning birja savdolariga qiziqishini oshirmoqda. 

– Ishbilarmonlarga yanada qulaylik yaratish maqsadida elektron tijoratning asosini tashkil etuvchi ko‘rgazma-yarmarka savdolari ham tashkil etilmoqda, – deydi «O‘zbekiston Respublika tovar xomashyo birjasi» aksiyadorlik jamiyati bosh makleri Islombek Ibrohimov. – Yarmarka savdolari internet tarmog‘ida o‘tkazilgani bois unda nafaqat mahalliy xaridorlar, balki xorijiy mijozlar ham ishtirok etmoqda. Bu mahalliy tovar ishlab chiqaruvchilarning eksport imkoniyatlarini kengaytirishga ko‘mak berayotir. 

Oxirgi o'zgartirish Juma, 23 Dekabr 2016 10:20

O‘zbekiston Respublikasi Oliy Majlisi Qonunchilik palatasining Agrar va suv xo‘jaligi masalalari qo‘mitasi hamda O‘zbekiston Fermerlari kengashi mamlakatimiz Prezidenti Shavkat Mirziyoyevning Konstitutsiyamiz qabul qilinganining 24-yilligiga bag‘ishlangan tantanali marosimdagi ma’ruzasidan kelib chiqadigan vazifalarga bag‘ishlab davra suhbati o‘tkazdi. 

Xalq bilan muloqot va inson manfaatlari yili deb e’lon qilingan 2017-yilda aholi bilan muloqot qilishning samarali tizimini yo‘lga qo‘yish borasida O‘zbekiston Fermerlari kengashi zimmasiga ham katta mas’uliyat yuklanadi. Zero, bugungi kunda fermerlik harakati aholining turmush darajasi va sifatini oshirishda, qishloqni jadal rivojlantirish va obodonlashtirishda, aholi bandligi va farovonligini ta’minlashda asosiy kuchga aylanib bormoqda. 

O‘zbekiston Respublikasi Iqtisodiyot vazirligida ijtimoiy-iqtisodiy islohotlar jarayonida aholining ish bilan bandligidagi sifat o‘zgarishlari hamda kichik biznes va xususiy tadbirkorlikni jadal rivojlantirish bo‘yicha amalga oshirilayotgan islohotlarning samaradorligiga bag‘ishlangan matbuot anjumani bo‘lib o‘tdi. 

Mehnatga layoqatli yoshga yetmaganlar 1990-yilda mamlakatimiz aholisining 42,9 foizini tashkil etgan bo‘lsa, 2015-yilga kelib bu ko‘rsatkich 30 foizni tashkil qilgan. Mehnatga layoqatli yoshdagilar esa mos ravishda 49 foizdan 61 foizgacha oshgan. 

Mehnat bozoridagi muvozanatning barqarorligini saqlash va fuqarolarning bandligini ta’minlash borasida tegishli chora-tadbirlar amalga oshirilmoqda. Aholi bandligini ta’minlashga qaratilgan vazifalarni samarali amalga oshirish maqsadida har yili Oliy Majlis palatalari tomonidan aholi bandligi dasturi tasdiqlanib, amalga tatbiq qilinmoqda. 

Oxirgi o'zgartirish Chorshanba, 21 Dekabr 2016 17:27

O‘zbekistonda xorijiy sarmoyadorlar, chet el kapitali ishtirokida tuzilgan korxonalar faoliyatini rag‘batlantirish uchun keng ko‘lamli huquqiy kafolat, imtiyoz va imkoniyatlar yaratilgan. Mamlakatimizda amalga oshirilayotgan ijtimoiy-iqtisodiy islohotlarga bag‘ishlab Toshkentda o‘tkazilgan xalqaro anjumanda ana shu haqda so‘z yuritildi. 

Tadbir O‘zbekiston Respublikasi Oliy Majlisi Senatining Xalqaro munosabatlar, tashqi iqtisodiy aloqalar va xorijiy investitsiyalar va turizm masalalari qo‘mitasi, Tashqi ishlar vazirligi, Savdo-sanoat palatasi tomonidan tashkil etildi. 

Oxirgi o'zgartirish Seshanba, 20 Dekabr 2016 10:30

O‘zbekiston Respublikasi Prezidenti Shavkat Mirziyoyev 16-dekabr kuni Buyuk Britaniya va Shimoliy Irlandiya Birlashgan Qirolligi tashqi ishlar vazirining o‘rinbosari Alan Dunkanni qabul qildi. 

Davlatimiz rahbari mehmonni qutlar ekan, O‘zbekiston Respublikasining Birinchi Prezidenti Islom Karimov vafot etgan qayg‘uli kunlarda O‘zbekiston xalqiga chuqur hamdartlik bildirgani va qo‘llab-quvvatlagani uchun Britaniya hukumatiga samimiy minnatdorlik izhor etdi. Alan Dunkan Samarqandga tashrifi chog‘ida Buyuk Britaniya rahbariyati nomidan Birinchi Prezidentimiz qabrini ziyorat qilib, uning xotirasiga hurmat bajo keltirgani O‘zbekistonda yuksak qadrlanadi. 

Oxirgi o'zgartirish Dushanba, 19 Dekabr 2016 10:15

Shavkat Mirziyoyevning O‘zbekiston Respublikasi Prezidenti lavozimiga kirishish tantanali marosimiga bag‘ishlangan Oliy Majlis palatalarining qo‘shma majlisidagi nutqi.

Assalomu alaykum, qadrli vatandoshlar! 

Muhtaram Senat Raisi va senatorlar! 

Hurmatli Spiker va deputatlar! 

Xonimlar va janoblar! 

Avvalo, siz, azizlarga, sizlarning timsolingizda butun xalqimizga murojaat qilib, menga yuksak ishonch bildirib, O‘zbekiston Respublikasi Prezidenti lavozimiga saylagan barcha vatandoshlarimga chin qalbimdan yana bir bor minnatdorlik izhor etishga ijozat bergaysiz. 

Bugun, mana shu yuksak minbardan turib, yurtimizda yashayotgan barcha millat va elat vakillariga, muhtaram otaxon va onaxonlarimizga, munis ayollarimiz, navqiron yoshlarimizga samimiy tashakkur bildiraman. Yuksak insoniy fazilatlar sohibi bo‘lgan, mehnatkash va bag‘rikeng xalqimiz oldida bosh egib ta’zim qilishni o‘zim uchun ham qarz, ham farz deb bilaman. 

Toshkentda 2016-yil 14-dekabr kuni O‘zbekiston Respublikasi Prezidenti lavozimiga kirishish tantanali marosimiga bag‘ishlangan Oliy Majlis Qonunchilik palatasi va Senatining qo‘shma majlisi bo‘lib o‘tdi. 

Tantanali marosimda O‘zbekiston Respublikasi hukumati a’zolari, vazirlik va idoralar rahbarlari, Markaziy saylov komissiyasi a’zolari, mamlakatimizdagi xorijiy davlatlar elchixonalari va xalqaro tashkilotlar vakolatxonalari rahbarlari, mamlakatimiz va xorijiy ommaviy axborot vositalari vakillari ishtirok etdi. 

Qo‘shma majlisni O‘zbekiston Respublikasi Markaziy saylov komissiyasi raisi M.Abdusalomov ochdi. U yurtdoshlarimiz o‘zining yuksak siyosiy madaniyati, Vatanimiz taqdiriga daxldorlik tuyg‘usini namoyon etib, 2016-yil 4-dekabr kuni bo‘lib o‘tgan O‘zbekiston Respublikasi Prezidenti saylovida faol qatnashganini ta’kidladi. Saylov jarayonini 5 xalqaro tashkilot va 46 davlatdan 600 ga yaqin kuzatuvchi kuzatib bordi. Bu O‘zbekiston Prezidenti saylovi demokratik talablarga to‘la mos tarzda, milliy saylov qonunchiligi va xalqaro standartlar doirasida, ochiq va oshkora o‘tganining yorqin dalilidir. 

Oxirgi o'zgartirish Payshanba, 15 Dekabr 2016 10:32

2016-yilning 13-dekabr kuni Toshkent shahrida O‘zbekiston Respublikasi Oliy Majlisi Senatining sakkizinchi yalpi majlisi ochildi. Majlisda Vazirlar Mahkamasining taklif etilgan a’zolari, vazirliklar va idoralar rahbarlari, boshqa tashkilotlar, ommaviy axborot vositalari vakillari ishtirok etdilar. 

Majlisni Oliy Majlis Senatining Raisi N.Yo‘ldoshev olib bordi. 

Senatorlar o‘z ishini O‘zbekiston Respublikasining 2017-yilgi Davlat byudjeti, davlat maqsadli jamg‘armalarining byudjetlari hamda soliq va byudjet siyosatining asosiy yo‘nalishlari to‘g‘risidagi masalani ko‘rib chiqishdan boshladilar. O‘zbekiston Respublikasining 2017-yilgi Davlat byudjeti, davlat maqsadli jamg‘armalarining byudjetlari hamda soliq va byudjet siyosatining asosiy yo‘nalishlari makroiqtisodiy muvozanatni va barqaror iqtisodiy o‘sishni saqlab qolish vazifalaridan kelib chiqqan holda ishlab chiqilganligi ta’kidlandi. Xususan, yalpi ichki mahsulotning 7,8 foizga, sanoat mahsulotlari ishlab chiqarish 6,9 foizga, qishloq xo‘jaligi mahsulotlari ishlab chiqarish 6,2 foizga, kapital qo‘yilmalar hajmi 9,6 foizga o‘sishi taxmin qilinmoqda. 

O‘zbekiston Respublikasi Konstitutsiyasi qabul qilingan kunning 24-yilligi munosabati bilan 7-dekabr kuni “O‘zbekiston” xalqaro anjumanlar saroyida tantanali tadbir bo‘lib o‘tdi. Unda davlat va jamoat arboblari, fan, madaniyat, san’at va sport namoyandalari, keng jamoatchilik, yurtimizda faoliyat ko‘rsatayotgan xorijiy davlatlarning elchixonalari va xalqaro tashkilotlar vakolatxonalari vakillari ishtirok etdi.

Yig‘ilishni Toshkent shahar hokimi R.Usmonov ochdi. 

O‘zbekiston Respublikasi Davlat madhiyasi yangradi. 

Oxirgi o'zgartirish Dushanba, 12 Dekabr 2016 12:38

Biz ijtimoiy tarmoqlarda

Ishonch telefoni bo'yicha murojaatlar statistikasi

O'zbekiston Respublikasi Moliya vazirligi ishonch telefoni orqali 2019 yil I chorak davomida jismoniy va yuridik shaxslardan kelib tushgan murojaatlarni ko'rib chiqish yuzasidan ma'lumot

Paris

Vazirlikka kelgan xatlar holatini ko'rish

Yangiliklar taqvimi

« Avgust 2019 »
Dush Sesh Chor Pay Jum Shan Yak
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Axborot-hisoblash markazining tezkor aloqa raqami (0-371) 239 15 62

Moliya vazirligi Axborot-hisoblash markazining "UzASBO va "DMBAT" dasturiy majmualari bo'yicha "Tezkor aloqasi"

Statistika

Hozir 453 mehmonlar va ro'yxatdan o'tgan foydalanuvchi yo'q saytda

Arxiv

Ishonch telefonlariga bo'lgan qo'ng'iroqlarni baholash statistikasi

Agar siz matnda xatoliklarni aniqlasangiz, sichqoncha bilan belgilab, administratorni xabardor qilish uchun Ctrl+Enter tugmalarini bosing

© 2019 O'zbekiston Respublikasi Moliya vazirligi. Barcha huquqlar himoyalangan. Saytdan olingan
ma'lumotlardan foydalanilganda O'zbekiston Respublikasi Moliya vazirligining rasmiy veb sayti 
www.mf.uz ko‘rsatilishi shart. Saytni ishlab chiqish va qo'llab-quvvatlash Moliya vazirligi AHM tomonidan amalga oshiriladi

DMC Firewall is a Joomla Security extension!