РУССКИЙ  |  O'ZBEKCHA  |  ENGLISH                          

       O'zbekiston Respublikasi Moliya Vazirligi

O'zbekiston yangiliklari

Mamlakatimizda keksalarning hayot darajasi va sifatini oshirish, pensiya ta’minoti va ijtimoiy qo‘llab-quvvatlashni takomillashtirish, yoshi ulug‘ insonlarga davlat xizmatlari ko‘rsatishning zamonaviy tizimini shakllantirish bo‘yicha keng ko‘lamli ishlar amalga oshirilmoqda. 

Prezidentimiz Shavkat Mirziyoyevning 2017-yil 13-martdagi “Pensiya va nafaqalar to‘lash mexanizmini yanada takomillashtirish chora-tadbirlari to‘g‘risida”gi qaroriga ko‘ra, Xalq banki pensiya va nafaqalarni to‘lash bo‘yicha yagona vakolatli moliya muassasasi qilib belgilandi. 

Ayni vaqtda pensiya va nafaqalarni pensionerlarning o‘zlari istiqomat qiladigan mahallalarda naqd pul shaklida tarqatish yo‘lga qo‘yildi. Mustaqil harakatlanish imkoniyatiga ega bo‘lmagan shaxslar, betob kishilarga pensiya va nafaqalar uylariga yetkazib berilayotgani yoshi ulug‘larimizni mamnun etmoqda. 

Concrete

O‘zbekiston Respublikasi Prezidenti Shavkat Mirziyoyev 2017-yil 8-9-iyun kunlari Shanxay hamkorlik tashkiloti Davlat rahbarlari kengashining Ostona shahrida o‘tadigan navbatdagi majlisida ishtirok etadi. 

ShHTga a’zo davlatlar rahbarlari tashkilotning bugungi holati va uni yanada rivojlantirish istiqbollarini muhokama etishi, mintaqaviy va xalqaro siyosatning dolzarb muammolari yuzasidan fikr almashishi, 2017-2018-yillarda tashkilotga raislik qiladigan davlat masalasini ko‘rib chiqishi kutilmoqda. 

ShHTning Toshkent sammiti qarorlarini amalga oshirish doirasida Ostona shahrida Hindiston va Pokistonni tashkilot a’zoligiga qabul qilish jarayoni nihoyasiga yetkaziladi. 

Oxirgi o'zgartirish Chorshanba, 07 Iyun 2017 09:36

Concrete

Prezidentimiz Shavkat Mirziyoyev Andijon shahrida bunyod etilayotgan ko‘p qavatli uylar qurilish uchastkasida bo‘ldi. 

Davlatimiz rahbarining 2016-yil 22-noyabrdagi qaroriga muvofiq Andijon shahrida ko‘p qavatli 37 zamonaviy uy-joy bunyod etilishi belgilangan. Jumladan, joriy yilda Sulton Jo‘ra nomidagi mahalla fuqarolar yig‘inida 294 xonadonga mo‘ljallangan yettita ko‘p qavatli turar joy qurilishi rejalashtirilgan. Buning uchun 2,46 gektar yer ajratilgan. Hozirgi kunda qurilish ishlari jadal olib borilmoqda. 

Bu turar joylar birinchi galda uyga muhtoj odamlarga beriladi. Yosh oilalarning oyoqqa turib olishi, mustaqil, emin-erkin yashashi uchun sharoit yaratadi. 

Prezidentimiz bunday uylarni ko‘proq qurish, ijtimoiy infratuzilmani rivojlantirish, bu yerni yangi massivga aylantirish, Mustaqilligimizning 26-yilligiga xalqqa tuhfa qilish, odamlarga barcha qulayliklar yaratish bo‘yicha zarur ko‘rsatmalar berdi. 

Oxirgi o'zgartirish Dushanba, 05 Iyun 2017 11:26

1-iyun kuni O‘zbekiston Respublikasi Oliy Majlisi Qonunchilik palatasining navbatdagi majlisi bo‘lib o‘tdi. Deputatlar parlament nazorati doirasida O‘zbekiston Respublikasi moliya vaziri tomonidan taqdim etilgan Davlat byudjetining va davlat maqsadli jamg‘armalari byudjetlarining 2016-yildagi hamda 2017-yilning birinchi choragidagi ijrosi to‘g‘risidagi hisobotni ko‘rib chiqdilar. 

Eslatib o‘tamizki, hisobot siyosiy partiyalar fraksiyalarining va O‘zbekiston Ekologik harakati deputatlar guruhining ilgari bo‘lib o‘tgan majlislarida dastlabki tarzda ko‘rib chiqilgan edi. 

Vazirlar Mahkamasining mamlakatimizni 2016-yilda ijtimoiy-iqtisodiy rivojlantirishning yakunlari va 2017-yilga mo‘ljallangan iqtisodiy dasturning eng muhim ustuvor yo‘nalishlariga bag‘ishlangan kengaytirilgan majlisidagi ma’ruzasida O‘zbekiston Respublikasi Prezidenti Shavkat Mirziyoyev respublikamizda boshlangan tizimli demokratik islohotlarning va mamlakatimizni modernizatsiya qilishning so‘zsiz davom ettirilishini, makroiqtisodiy barqarorlikni yanada mustahkamlashga hamda iqtisodiyotning yuqori sur’atlarda o‘sishini, shu jumladan Davlat byudjetining barcha darajalardagi mutanosibligini, milliy valyutaning va ichki bozordagi narxlar darajasining barqarorligini saqlab qolishga, iqtisodiyotda, birinchi navbatda, sanoatda va qishloq xo‘jaligida chuqur tarkibiy o‘zgarishlarni amalga oshirishga, xususiy mulk, tadbirkorlik va kichik biznesni jadal rivojlantirishga va ular manfaatlarini himoya qilishga qaratilgan vazifalarning bajarilishini 2017-yilga mo‘ljallangan eng muhim ustuvor yo‘nalishlar sifatida belgilab berdi. 

Oxirgi o'zgartirish Juma, 02 Iyun 2017 12:32

O‘zbekiston Respublikasi Prezidenti Shavkat Mirziyoyev 2017-yil 11-13-may kunlari davlat tashrifi bilan Xitoyda bo‘ldi. Ushbu tashrif davomida erishilgan natijalar izchillik bilan amalga oshirilmoqda. 

Xitoyning Shandun provinsiyasi Veyxay shahri ishbilarmon doiralari delegatsiyasining 28-30 may kunlari O‘zbekistonga tashrifi ham shu maqsadga qaratildi. O‘zbekistonlik va xitoylik sheriklar muzokaralarda to‘qimachilik, ko‘nchilik, kimyo, qurilish materiallari ishlab chiqarish sohalarida o‘zaro hamkorlik masalalarini muhokama qildi. 

Xususan, O‘zbekiston Respublikasi Tashqi iqtisodiy faoliyat milliy banki huzuridagi Kichik biznes va xususiy tadbirkorlik subyektlari eksportini qo‘llab-quvvatlash jamg‘armasi xodimlari Veyxay shahri import qiluvchilar palatasi  va  “ShinDaDong” kompaniyasi vakillari bilan muzokaralar o‘tkazdi. Xitoylik tadbirkorlar O‘zbekistonda ishlab chiqarilgan oziq-ovqat mahsulotlarini Xitoyga import qilishdan manfaatdor ekanligini bildirdi. 

Muzokaralar yakuniga ko‘ra Kichik biznes va xususiy tadbirkorlik subyektlari eksportini qo‘llab-quvvatlash jamg‘armasining Xitoyda vakolatxonasini ochish bo‘yicha bitim imzolandi. 

Shuni ta’kidlash kerakki, “ShinDaDong” kompaniyasi Xitoy bozoridagi yirik import qiluvchilardan biri bo‘lib, import hajmiga ko‘ra ushbu mamlakatning eng yaxshi 50 kompaniyasi qatoriga kiradi. Xitoyning yirik savdo tarmoqlari va riteyl-kompaniyalari bilan oziq-ovqat mahsulotlari, kundalik iste’mol tovarlarini yetkazib berish bo‘yicha hamkorlik qiladi. 

Toshkent shahrida 30-may kuni videoselektor yig‘ilishi o‘tkazildi. Unda 2017-yilgi Investitsiya dasturiga kiritilgan va O‘zbekiston Respublikasi Prezidenti Shavkat Mirziyoyevning mamlakatimiz hududlariga tashriflari davomida ishlab chiqilgan investitsiya loyihalarini amalga oshirish borasidagi ishlarning holatini tanqidiy tahlil qilish va baholash masalalari ko‘rib chiqildi. 

Yig‘ilishda Bosh vazir va uning o‘rinbosarlari, Prezidentning Davlat maslahatchilari, tegishli vazirlik va idoralar, xo‘jalik birlashmalari rahbarlari ishtirok etdi. Shuningdek, videokonferensiya orqali Toshkent va Nukus shaharlari, viloyatlar markazida tashkil etilgan studiyalarda Qoraqalpog‘iston Respublikasi rahbariyati, mahalliy hokimliklar, vazirlik va idoralarning hududiy tuzilmalari, korxonalar rahbarlari, tadbirkor va investorlar qatnashdilar. 

Yig‘ilishni O‘zbekiston Respublikasi Prezidenti Shavkat Mirziyoyev boshqardi. 

29-may kuni O‘zbekiston Respublikasi Prezidenti Shavkat Mirziyoyevning Turkmaniston, Qozog‘iston, Rossiya, Xitoy mamlakatlariga tashriflari davomida hamda Turkiya rahbari bilan o‘tkazilgan oliy darajadagi uchrashuvlari yakunlari bo‘yicha imzolangan bitimlar, shartnomalar va muayyan sohalarda o‘zaro sheriklikni rivojlantirishga doir loyihalarni amalga oshirish jarayonining holatini tahlil qilish va baholashga bag‘ishlangan yig‘ilish bo‘lib o‘tdi. 

Yig‘ilishda Bosh vazir, uning o‘rinbosarlari, tegishli vazirliklar va idoralar rahbarlari ishtirok etdi. 

Yig‘ilishni O‘zbekiston Respublikasi Prezidenti Shavkat Mirziyoyev boshqardi. 

Davlatimiz rahbari O‘zbekiston rasmiy delegatsiyasining Turkmaniston, Qozog‘iston, Rossiya va Xitoyga joriy yildagi tashriflari 2016-yilgi Prezident saylovidan keyingi ilk xorijiy safarlar bo‘lib, ularning natijalari strategik sheriklar bilan o‘zaro munosabatlarni rivojlantirish, savdo-iqtisodiy hamkorlik ko‘lamini yanada kengaytirishga xizmat qilayotganini ta’kidladi. 

Prezidentimiz Shavkat Mirziyoyev 26-may kuni poytaxtimizning Shayxontohur tumanida amalga oshirilayotgan bunyodkorlik ishlari bilan tanishdi.

Istiqlol yillarida poytaxtimiz o‘zgacha tarovat va zamonaviy qiyofa kasb etdi. Bir-birini takrorlamaydigan ma’muriy binolar, turar joylar, keng va ravon ko‘chalar, zamonaviy ko‘priklar, muhtasham savdo majmualari, bozorlar bunyod etildi. 

Prezidentimiz Shayxontohur tumanidagi “Suzuk ota” maqbarasi va jome’ masjidida bo‘ldi. 

Mamlakatimizda vijdon erkinligi, diniy bag‘rikenglik tamoyillarini ta’minlash, ularning qonuniy asoslarini yaratish va rivojlantirish masalalariga alohida ahamiyat berilmoqda. 

Prezidentimiz rahnamoligida milliy urf-odat va qadriyatlarimizni tiklash, muqaddas dinimizni, aziz avliyolar va ulamolarimizning boy merosini o‘rganish, ularning qadamjolarini obod qilish, tarixiy obidalarni asrab-avaylash yo‘lida ulkan ishlar amalga oshirilmoqda. 

Oxirgi o'zgartirish Dushanba, 29 May 2017 10:16

O‘zbekiston Respublikasi Prezidenti Shavkat Mirziyoyev 25-may kuni Savdo-iqtisodiy hamkorlik bo‘yicha hukumatlararo komissiyaning to‘rtinchi majlisida ishtirok etish uchun mamlakatimizga tashrif buyurgan Turkiya Respublikasi Bosh vaziri o‘rinbosari Yildirim Tug‘rul Turkeshni qabul qildi. 

Davlatimiz rahbari mehmonni qutlar ekan, siyosiy, savdo-iqtisodiy, investitsiyaviy va madaniy-gumanitar sohalardagi o‘zaro hamkorlik va muloqotlar faollashayotganini mamnuniyat bilan qayd etdi. 

Turkiya Prezidenti Rejep Tayyip Erdo‘g‘onning 2016-yil 17-18-noyabr kunlari Samarqand shahriga tashrifi chog‘ida va joriy yil 14-may kuni Pekin shahrida o‘tgan «Bir makon, bir yo‘l» xalqaro forumi doirasida oliy darajadagi samarali uchrashuvlar mamlakatlarimiz o‘rtasidagi keng ko‘lamli va o‘zaro manfaatli hamkorlikni yanada rivojlantirish uchun yuqori sur’at bag‘ishlagani va yangi imkoniyatlar yaratgani ta’kidlandi. 

Oxirgi o'zgartirish Juma, 26 May 2017 10:43

O‘zbekiston Respublikasi Prezidenti Shavkat Mirziyoyev 24-may kuni mamlakatimizga rasmiy tashrif bilan kelgan Birlashgan Arab Amirliklari (BAA) tashqi ishlar va xalqaro hamkorlik vaziri Shayx Abdulla bin Zoid Al Nahayonni qabul qildi. 

Davlatimiz rahbari mehmonni qutlar ekan, keng ko‘lamli o‘zaro amaliy hamkorlikni yanada rivojlantirish uchun katta salohiyat mavjudligini alohida ta’kidladi. 

Arab-musulmon mamlakatlari va AQSh sammiti doirasida 21-may kuni Ar-Riyod shahrida Abu Dabi Amirligi valiahdi, BAA Qurolli Kuchlari Oliy bosh qo‘mondoni o‘rinbosari Shayx Muhammad bin Zoid Al Nahayon bilan uchrashuv, shuningdek, turli darajadagi aloqalar faollashgani O‘zbekiston va Birlashgan Arab Amirliklari o‘rtasidagi munosabatlar sifat jihatidan yangi bosqichga ko‘tarilishidan ikki mamlakat ham manfaatdorligi va bunga tayyor ekanini tasdiqlashi qayd etildi. 

Oxirgi o'zgartirish Payshanba, 25 May 2017 11:36

O‘zbekiston Respublikasi Prezidenti Shavkat Mirziyoyev 23-may kuni mamlakatimizga amaliy tashrif bilan kelgan Rossiya Federatsiyasi ichki ishlar vaziri Vladimir Kolokolsevni qabul qildi. 

Davlatimiz rahbari mehmonni qutlar ekan, ikki mamlakat huquqni muhofaza qilish idoralarining terrorizm va ekstremizm, uyushgan jinoyatchilik, narkotrafik va qurol-yarog‘lar noqonuniy aylanishiga qarshi kurashish sohasidagi o‘zaro faol hamkorligini davom ettirish g‘oyat muhim ekanini ta’kidladi. 

Uchrashuvda Prezidentimizning shu yil 4-5-aprel kunlari Rossiya Federatsiyasiga oliy darajadagi tashrifi davomida qabul qilingan ikki tomonlama, shu jumladan, migratsiya sohasiga oid kelishuv va bitimlarni amalga oshirish masalalariga alohida e’tibor qaratildi. 
Huquqni muhofaza qilish tuzilmalari uchun kadrlar tayyorlash va ularning malakasini oshirish borasida tizimli va uzoq muddatli hamkorlikni rivojlantirish ustuvor yo‘nalishlardan biri sifatida qayd etildi. 

Oxirgi o'zgartirish Chorshanba, 24 May 2017 10:25

O‘zbekiston Respublikasi Prezidenti Shavkat Mirziyoyev 21-may kuni Saudiya Arabistonining Ar-Riyod shahrida bo‘lib o‘tgan Arab-musulmon mamlakatlari va AQSh sammitida ishtirok etdi. 

Sammitda Islom hamkorlik tashkilotiga a’zo mamlakatlar davlat rahbarlari va AQSh Prezidenti, BMT, Arab davlatlari ligasi, Fors ko‘rfazi arab davlatlari hamkorligi kengashi bosh kotiblari qatnashdi. 

Forumni Saudiya Arabistoni Podshohi Salmon bin Abdulaziz Ol Saud ochdi. 

Mazkur forum ekstremizm va terrorizmga qarshi kurashish, bag‘rikenglik g‘oyalarini ilgari surish, xavfsizlik, barqarorlik va hamkorlikni mustahkamlash masalalariga bag‘ishlandi. 

Bu borada mamlakatimizda mustaqillik yillarida keng ko‘lamli ishlar amalga oshirildi. Birinchi Prezidentimiz rahnamoligida amalga oshirilgan va bugun izchil davom ettirilayotgan tinchlikparvar siyosat bu ezgu intilishlarga tayanch bo‘lmoqda. Markaziy Osiyoning yadro qurolidan xoli hududga aylantirilishi tinchlik va xavfsizlikni mustahkamlash ishiga katta hissa bo‘lib qo‘shildi. Birinchi Prezidentimiz Islom Karimov Yevropada xavfsizlik va hamkorlik tashkilotining 1999-yilgi Istanbul sammitida BMT huzurida terrorizmga qarshi kurashish bo‘yicha xalqaro markaz tashkil etish g‘oyasini ilgari surdi. 2001-yil 28-sentabrda BMT Xavfsizlik kengashi doirasida terrorizmga qarshi kurash qo‘mitasining tashkil etilgani bu g‘oyaning amaldagi natijasi bo‘ldi. 

Oxirgi o'zgartirish Seshanba, 23 May 2017 10:08

O‘zbekiston Respublikasi Prezidenti Shavkat Mirziyoyev Saudiya Arabistoniga tashrifi davomida Islom taraqqiyot banki Prezidenti Bandar Hajar bilan uchrashdi. 

Uchrashuvda O‘zbekiston bilan ITB o‘rtasidagi munosabatlar izchil rivojlanib borayotgani, tomonlar ijtimoiy-iqtisodiy yo‘nalishdagi loyihalarni ishlab chiqish va amalga oshirish borasida keng ko‘lamli hamkorlik qilayotgani ta’kidlandi. Islom taraqqiyot banki tomonidan O‘zbekistonda sog‘liqni saqlash, ta’lim, irrigatsiya va melioratsiya, energetika, suv ta’minoti, kommunal xo‘jalik, yo‘l infratuzilmalarini rivojlantirish, kichik biznesni qo‘llab-quvvatlash kabi sohalarga mablag‘ ajratilgani buning yorqin tasdig‘idir. 

Hamkorlikni yanada taraqqiy ettirish, uni yangi bosqichga ko‘tarish uchun katta salohiyat mavjudligi qayd etildi. Yangi loyihalar tuzish, sheriklik ko‘lamini kengaytirish maqsadida turli darajadagi delegatsiyalar almashuvi bo‘yicha aniq harakat dasturini ishlab chiqishga kelishib olindi. 

Oxirgi o'zgartirish Dushanba, 22 May 2017 10:18

O‘zbekiston Respublikasi Prezidenti Shavkat Mirziyoyev 18-may kuni Butunxitoy xalq vakillari kengashi Doimiy qo‘mitasi raisining o‘rinbosari, bosh kotibi Van Chen rahbarligidagi Butunxitoy xalq vakillari kengashi delegatsiyasini qabul qildi. 

Davlatimiz rahbari mehmonni qutlar ekan, O‘zbekiston bilan Xitoy o‘rtasida har tomonlama strategik sheriklik munosabatlarini rivojlantirish va mustahkamlashda parlamentlararo hamkorlik muhim o‘rin tutishini alohida ta’kidladi. 

Suhbat chog‘ida Prezidentimizning yaqinda Xitoy Xalq Respublikasiga oliy darajadagi tashrifi davomida siyosiy, savdo-iqtisodiy, investitsiya va madaniy-gumanitar sohalarda erishilgan kelishuvlarni amalga oshirish masalalari ko‘rib chiqildi. 

Hududlararo hamkorlikni rivojlantirish, chunonchi, savdo, investitsiya va madaniy aloqalarni jadallashtirish, shuningdek, birodarlashgan qadimiy Samarqand va Sian, Buxoro va Loyan shaharlari o‘rtasida sayyohlar almashishga alohida e’tibor qaratildi. 

Oxirgi o'zgartirish Juma, 19 May 2017 11:08

Bu haqda Prezidentimiz Shavkat Mirziyoyev Sardoba suv ombori bilan tanishuvi chog‘ida ma’lum qildi. 

Shavkat Mirziyoyev tashabbusi bilan 2010-yilda Janubiy Mirzacho‘l kanalining markaziy tarmog‘i oqib o‘tgan hududda suv ombori bunyod etila boshlangan edi. Joriy yilda qurilishi yakunlanadigan gidroinshootda 922 million kub metr suv to‘planadi. Bu Sirdaryo va Jizzax viloyatlaridagi unumdor yerlardan foydalanish, qishloq xo‘jaligi ekinlari hosildorligini oshirish imkonini beradi. 

Ko‘p tarmoqli fermer xo‘jaliklarini rivojlantirmoqdamiz, odamlar takroriy ekin ekib, qo‘shimcha daromad topsin. Sardoba suv ombori hududdagi dehqon va fermerlarga bu borada katta imkoniyatlar yaratadi, dedi davlatimiz rahbari. 

Prezidentimizning Xitoy Xalq Respublikasiga davlat tashrifi chog‘ida gidroenergetika sohasida ham muhim kelishuvlarga erishildi. Ushbu mamlakat bilan hamkorlikda suv ombori yonida quvvati 15 megavatt bo‘lgan mini gidroelektrostansiya quriladi. 

Oxirgi o'zgartirish Payshanba, 18 May 2017 10:14

Prezidentimiz Shavkat Mirziyoyevning Xitoy Xalq Respublikasiga davlat tashrifi davomida umumiy qiymati 23 milliard dollardan ziyodni tashkil etgan 100 dan ortiq hujjatlar imzolandi. 

Azim Ahmadxo‘jayev, O‘zbekiston Investitsiyalar bo‘yicha davlat qo‘mitasi raisi: 

– O‘zbekiston bilan Xitoy o‘rtasidagi hamkorlik izchil rivojlanmoqda. O‘zaro manfaatli aloqalarni barcha sohalarda ko‘rish mumkin. Xitoy O‘zbekiston iqtisodiyotiga katta miqdorda investitsiya kiritayotgan davlatlardan biri. Mamlakatimizda Xitoy kapitali ishtirokidagi 700 dan ziyod kompaniya va korxona faoliyat ko‘rsatmoqda. Mamlakatlarimiz o‘rtasidagi tovar ayirboshlash yil sayin o‘sib bormoqda. 2016-yil yakunlari bo‘yicha o‘zaro savdo aylanmasi hajmi 4,2 milliard dollarni tashkil qildi. 

Yana bir muhim jihatni alohida ta’kidlash lozim. Odatda mamlakatga investitsiya jalb qilishda ikkita muhim ko‘rsatkich bo‘ladi: kreditlar va to‘g‘ridan-to‘g‘ri sarmoyalar. Prezidentimizning Xitoyga davlat tashrifi davomida Xitoyning turli bank va kompaniyalari bilan to‘g‘ridan-to‘g‘ri sarmoya kiritish bo‘yicha yirik kelishuvlarga erishildi. 

Paxtani chuqur qayta ishlash, yengil sanoat, qishloq xo‘jaligi va farmatsevtika sohalarida ishlar boshlab yuborildi. Xitoyning yirik kompaniyalari O‘zbekistonda dori vositalari ishlab chiqarishga ham qiziqish bildirdi. Kelgusida bu yo‘nalishda ham yangi kelishuvlarga erishamiz. 

O‘zbekiston Respublikasi Prezidenti Shavkat Mirziyoyev Xitoy ishbilarmon doiralari vakillari bilan uchrashdi. 

Uchrashuvda o‘zaro munosabatlarning bugungi holati va istiqbollari, O‘zbekiston va Xitoy o‘rtasidagi uzoq muddatli hamkorlikni mustahkamlash va izchil rivojlantirishning ustuvor yo‘nalishlari haqida so‘z bordi. 

Muloqotda O‘zbekistonda XXRning yetakchi sanoat kompaniyalari bilan uzoq muddatli va o‘zaro manfaatli aloqalar yo‘lga qo‘yilgani, neft-gaz va telekommunikatsiya tarmoqlari, transport, to‘qimachilik, sayyohlik, qurilish, kimyo sanoatida va boshqa yo‘nalishlarda qo‘shma loyihalar muvaffaqiyatli amalga oshirilayotgani qayd etildi. 

Bu yerda O‘zbekiston bilan hamkorlik qilib kelayotgan ishbilarmonlarni ko‘rayotganimdan xursandman, dedi davlatimiz rahbari. Biz xitoylik tadbirkorlar bilan birga ishlashdan mamnunmiz. 

O‘zbekiston Respublikasi Prezidenti Shavkat Mirziyoyevning Xitoy Xalq Respublikasiga davlat tashrifi doirasida siyosiy va iqtisodiy sohalarda muhim kelishuvlarga erishildi, hamkorlikning istiqbolli yo‘nalishlari bo‘yicha qator hujjatlar imzolandi. 

Ikki davlat rahbarlarining kengaytirilgan tarkibdagi uchrashuvidan so‘ng hujjat imzolash marosimi bo‘lib o‘tdi. 

Uchrashuvlarda o‘zaro hamkorlikni yangi bosqichga ko‘tarish, bunda ikki davlatning mintaqaviy va xalqaro ahamiyatga molik masalalar bo‘yicha pozitsiyasi bir xil yoki o‘xshashligi muhim ahamiyat kasb etishi qayd etildi. 

Oxirgi o'zgartirish Dushanba, 15 May 2017 10:18

O‘zbekiston Respublikasi Prezidenti Shavkat Mirziyoyev rafiqasi bilan Xitoy Xalq Respublikasi Raisi Si Szinpin taklifiga binoan 11-may kuni davlat tashrifi bilan Pekinga keldi. 

Ikki davlat bayroqlari bilan bezatilgan «Shoudu» xalqaro aeroportida oliy martabali mehmon sharafiga faxriy qorovul saf tortdi. Davlatimiz rahbarini Xitoy Xalq Respublikasining rasmiy shaxslari kutib oldi. 

Tashrifning asosiy voqealari 12-13-may kunlariga belgilangan. 

Davlatimiz rahbari Xitoy Xalq Respublikasi Raisi Si Szinpin, Davlat Kengashi Bosh vaziri Li Ketsyan, Xalq vakillari Umumxitoy Majlisi Doimiy qo‘mitasi Raisi Chjan Detszyan va boshqa rahbarlar bilan uchrashadi. Muzokaralarda o‘zaro munosabatlarning bugungi holati va istiqbollari, O‘zbekiston va Xitoy o‘rtasidagi uzoq muddatli hamkorlikni mustahkamlash va izchil rivojlantirishning ustuvor yo‘nalishlari muhokama etiladi. Tomonlar mintaqaviy va xalqaro dolzarb masalalar yuzasidan ham fikr almashadilar. 

Oxirgi o'zgartirish Juma, 12 May 2017 10:49

O‘zbekiston Respublikasi Prezidenti Shavkat Mirziyoyev 10-may kuni Birlashgan Millatlar Tashkiloti Inson huquqlari bo‘yicha Oliy komissari Zayd Raad al-Husaynni qabul qildi. 

Davlatimiz rahbari mehmonni qutlar ekan, O‘zbekiston va BMT, ushbu nufuzli universal xalqaro tashkilot institutlari, shu jumladan, BMT Inson huquqlari bo‘yicha Oliy komissari boshqarmasi o‘rtasida amaliy va ochiq muloqotni yanada rivojlantirish va mustahkamlash muhimligini alohida ta’kidladi. 

Inson huquqlarini har tomonlama himoya qilish mamlakatimizda amalga oshirilayotgan keng ko‘lamli tarkibiy islohotlarning ustuvor yo‘nalishi ekani qayd etildi. 

Oxirgi o'zgartirish Payshanba, 11 May 2017 10:19

O‘zbekiston Respublikasi Prezidenti Shavkat Mirziyoyev Xitoy Xalq Respublikasi Raisi Si Szinpinning taklifiga binoan 2017-yilning 11-13-may kunlari davlat tashrifi bilan Xitoyda bo‘ladi. 

XXR Raisi Si Szinpin, Davlat Kengashi Bosh vaziri Li Ketsyan, Xalq vakillari Umumxitoy Majlisi Doimiy qo‘mitasi Raisi Chjan Detszyan va boshqa rahbarlar bilan uchrashuvlarda o‘zaro munosabatlarning bugungi holati va istiqbollari, O‘zbekiston va Xitoy o‘rtasidagi uzoq muddatli hamkorlikni mustahkamlash va izchil rivojlantirishning ustuvor yo‘nalishlari muhokama etiladi. Tomonlar mintaqaviy va xalqaro dolzarb masalalar yuzasidan ham fikr almashadilar. 

Tashrif dasturida davlatimiz rahbarining Xitoyning yetakchi kompaniya va firmalari vakillari bilan uchrashuvi rejalashtirilgan bo‘lib, unda O‘zbekistonda zamonaviy texnologiyalarni jalb etgan holda o‘zaro foydali qo‘shma loyihalarni amalga oshirish imkoniyatlari ko‘rib chiqiladi. 

Assalomu alaykum, aziz vatandoshlar! 

Muhtaram faxriylar! 

Hurmatli mehmonlar! 

Avvalo, barchangizni 9-may – Xotira va Qadrlash kuni bilan, Ikkinchi jahon urushida qozonilgan buyuk G‘alabaning 72-yilligi bilan chin qalbimdan samimiy tabriklayman. 

Siz, azizlarga va sizlarning timsolingizda butun xalqimizga o‘zimning chuqur hurmat-ehtiromim va ezgu tilaklarimni izhor etaman. 

Barchamizga ma’lumki, Birinchi Prezidentimiz muhtaram Islom Abdug‘aniyevich Karimovning tashabbusi bilan 9-may sanasini yurtimizda Xotira va Qadrlash kuni sifatida keng nishonlash yaxshi an’anaga aylanib qoldi. 

Mana shu ulug‘ ayyom kunida hammamiz eng avvalo urush maydonlaridan qaytmagan ming-minglab yurtdoshlarimizning muqaddas xotirasi oldida bosh egib, ularning ruhi poklariga hurmat bajo keltiramiz. 

Ayni vaqtda jang maydonlarida mardlik va jasorat ko‘rsatgan, front ortida fidokorona mehnat qilib, bugun oramizda sog‘-salomat bo‘lib yurgan muhtaram faxriylarimizga ta’zim qilamiz. Hozirgi tinch-osoyishta hayotimiz, musaffo osmonimiz uchun ularga cheksiz minnatdorlik bildiramiz. 

Oxirgi o'zgartirish Chorshanba, 10 May 2017 12:20

Poytaxtimizda «O‘zbekiston Respublikasi eksport salohiyati: zarur sharoitlar va o‘sish imkoniyatlari» mavzuida ilmiy-amaliy konferensiya bo‘lib o‘tdi. Tadbir O‘zbekiston Respublikasi Markaziy banki, O‘zbekiston banklari assotsiatsiyasi hamda Bank-moliya akademiyasi hamkorligida tashkil etildi. 

Bank-moliya akademiyasi rektori vazifasini bajaruvchi A.Bekmurodov, Markaziy bank raisi o‘rinbosari Sh.Shoahmedov va boshqalar Prezidentimiz Shavkat Mirziyoyev rahnamoligida eksport salohiyatini oshirishga qaratilgan chora-tadbirlar mamlakatimizni ijtimoiy-iqtisodiy rivojlantirishda muhim omil bo‘layotganini ta’kidladi. 

2016-yil mamlakatimiz ishlab chiqaruvchilari tomonidan 11 milliard 100 million dollarlik mahsulot eksport qilingan, 877 korxona eksport faoliyatiga yangidan jalb etilgan. Eksport geografiyasini kengaytirish ustida olib borilayotgan izlanishlar natijasida o‘tgan yili mamlakatimiz ishlab chiqaruvchilari Yevropa, Osiyo va Afrika qit’alarida 60 yangi bozorga kirib borgan. 

Xorij mamlakatlari bilan aloqalarning chuqurlashuvi mamlakatimiz eksport salohiyatining ortishida qulay sharoit sifatida baholanmoqda. Davlatimiz rahbarining 4-5-aprel kunlari Rossiyaga davlat tashrifi davomida imzolangan umumiy qiymati 16 milliard dollarga teng ellikdan ziyod kelishuv buning yorqin dalilidir. 

Oxirgi o'zgartirish Shanba, 06 May 2017 10:37

Toshkent shahar bojxona boshqarmasida tashqi iqtisodiy faoliyat ishtirokchilarini qo‘llab-quvvatlash, bojxona sohasida ular duch kelayotgan muammolarni har tomonlama o‘rganish va bartaraf etish maqsadida ochiq muloqot tashkil etildi. 

Toshkent shahar bojxona boshqarmasi boshlig‘ining birinchi o‘rinbosari T.Rejapov va boshqalar mamlakatimizda samarali bojxona nazoratini yo‘lga qo‘yish, ishbilarmonlarga keng sharoit yaratish, ichki bozorni himoyalash borasida tizimli ishlar amalga oshirilayotganini ta’kidladi. 

Ochiq muloqotda ishbilarmonlar manfaatlarini ta’minlash, ularning to‘laqonli faoliyat yuritishiga to‘sqinlik qilayotgan omillarni aniqlash va hal etish masalalari ko‘rib chiqildi. 

Bugungi kunda tadbirkorlar eksport shartnomalari to‘g‘risidagi ma’lumotlarni elektron raqamli imzodan foydalangan holda Yagona interaktiv davlat xizmatlari portalida joriy etilgan «Tashqi savdo operatsiyalari yagona elektron axborot tizimi» orqali kiritmokda. Bojxona qo‘mitasi tomonidan 22 turdagi interaktiv xizmat amaliyotga joriy etilgan. 

Farg‘onada bo‘lib o‘tgan O‘zbekiston Respublikasi Prezidenti sovrini uchun “Tashabbus – 2017” ko‘rik-tanlovining viloyat bosqichida 55 tadbirkor, fermer va hunarmand ishtirok etdi. 

Prezidentimiz rahnamoligida kichik biznes va xususiy tadbirkorlikni, fermerlik harakati va milliy hunarmandlikni rivojlantirish borasida izchil islohotlar amalga oshirilmoqda. Buning natijasida yalpi ichki mahsulotda kichik biznes va xususiy tadbirkorlikning ulushi yil sayin oshayotir. Fermerlik qishloq xo‘jaligida hal qiluvchi kuchga aylandi. Sohada ishlab chiqarilayotgan mahsulotlarning qariyb barchasi fermer xo‘jaliklari hissasiga to‘g‘ri kelmoqda. 

Farg‘ona viloyatida faoliyat ko‘rsatayotgan 19 mingga yaqin kichik biznes subyektining yalpi hududiy mahsulot tarkibidagi ulushi 64,3 foizni, aholi bandligidagi ulushi 81 foizni tashkil etmoqda. 

An’anaviy “Tashabbus” ko‘rik-tanlovi faol va ishbilarmon yurtdoshlarimiz faoliyatini keng targ‘ib etish, ularni har tomonlama qo‘llab-quvvatlashga xizmat qilmoqda. Tanlovning tuman va shahar bosqichlarida 925 tadbirkorlik subyekti ishtirok etib, ular ishlab chiqargan sanoat va iste’mol tovarlari, oziq-ovqat mahsulotlari, hunarmandlik buyumlari ko‘rgazmasi tashkil etildi. Unda taqdim etilgan turli sanoat mahsulotlari, hunarmandlik buyumlari sifat jihatidan xorijnikidan aslo qolishmasligi bilan alohida e’tirofga loyiq. 

 

Oxirgi o'zgartirish Payshanba, 04 May 2017 10:11

Joriy yilning aprel oyidan boshlab tadbirkorlik subyektlari Yagona interaktiv davlat xizmatlari portalidagi tadbirkorlik subyektlarini davlat ro‘yxatidan o‘tkazish va hisobga qo‘yishning avtomatlashtirilgan tizimiga murojaat etish yo‘li bilan davlat ro‘yxatidan o‘tkazilmoqda. Bu esa o‘z biznesini boshlamoqchi bo‘lganlarga internet tarmog‘i orqali tadbirkorlik subyekti sifatida ro‘yxatdan o‘tish imkonini beradi. 

O‘zbekiston Respublikasi Adliya vazirligida “yagona darcha” markazlari faoliyatidagi yangiliklar, taqdim etilayotgan qulaylik va imkoniyatlarning tashkiliy-huquqiy asoslariga bag‘ishlangan matbuot anjumanida shular haqida ma’lumot berildi.  

Adliya vaziri o‘rinbosari A.Usmonov va boshqalar mamlakatimizda tadbirkorlik subyektlarini har tomonlama qo‘llab-quvvatlash Prezidentimizning doimiy e’tiborida ekanligini ta’kidladi. Davlatimiz rahbarining joriy yil 1-fevraldagi “Tadbirkorlik subyektlariga davlat xizmatlarini ko‘rsatish mexanizmlarini takomillashtirishga doir qo‘shimcha chora-tadbirlar to‘g‘risida”gi qarori bu boradagi ishlar ko‘lamini yanada kengaytirdi.  

Oxirgi o'zgartirish Chorshanba, 03 May 2017 10:37

O‘zaro kelishuvga muvofiq O‘zbekiston Respublikasi Prezidenti Shavkat Mirziyoyev bilan Turkmaniston Prezidenti Gurbanguli Berdimuhamedov o‘rtasida 1-may kuni telefon orqali muloqot bo‘lib o‘tdi. 

Davlat rahbarlari Prezidentimizning shu yil 6-7-mart kunlari Turkmanistonga davlat tashrifi chog‘ida erishilgan kelishuvlar va imzolangan hujjatlarni amalga oshirish jarayonini muhokama qildilar. 

Tomonlar siyosiy, savdo-iqtisodiy, transport-kommunikatsiya va madaniy-gumanitar sohalar bo‘yicha yuksak darajadagi aloqalar izchil rivojlanayotganini mamnuniyat bilan qayd etdilar. 

Bugungi kunda agrosanoat kompleksidagi, temir yo‘l tizimini ta’mirlash va modernizatsiya qilish va boshqa sohalardagi savdo shartnomalari va qo‘shma kooperatsiya loyihalari keng ko‘lamda amalga oshirilmoqda. 

Oxirgi o'zgartirish Seshanba, 02 May 2017 10:51

O‘zbekiston Respublikasi Prezidenti Shavkat Mirziyoyev 29-aprel kuni Janubiy Qozog‘iston viloyatiga tashrif buyurdi va Qozog‘iston Respublikasi Prezidenti Nursulton Nazarboyev bilan amaliy uchrashuv o‘tkazdi. 

O‘zbekiston va Qozog‘iston o‘rtasidagi hamkorlik yaxshi qo‘shnichilik, qardoshlik va o‘zaro hurmat ruhida izchil rivojlanmoqda. O‘zaro aloqalar barcha sohalarda faollashmoqda. 

Prezidentimiz Shavkat Mirziyoyevning shu yil 22-23-mart kunlari Qozog‘istonga davlat tashrifi mamlakatlarimiz o‘rtasidagi munosabatlarda yangi sahifalar ochdi. Ushbu tashrif chog‘ida imzolangan hujjatlar va erishilgan kelishuvlar izchil amalga oshirilmoqda. 

Janubiy Qozog‘iston viloyatidagi uchrashuvda Prezidentimizning shu yil mart oyida Qozog‘istonga davlat tashrifi davomida mamlakatlarimiz o‘rtasida erishilgan kelishuvlarni amalga oshirish jarayoni muhokama qilindi. 

Prezidentimiz Shavkat Mirziyoyev o‘zaro uchrashuvlar muntazamlik kasb etgani davlatlararo munosabatlar samaradorligini yanada oshirishda muhim omil bo'layotganini ta’kidladi. 

Oxirgi o'zgartirish Dushanba, 01 May 2017 10:00

Prezidentimiz Shavkat Mirziyoyev Zafarobod tumaniga tashrif buyurdi. Tumanning "Chimqo‘rg‘on" qishloq fuqarolar yig‘ini hududida Jizzax neftni qayta ishlash majmuasi qurilishiga tamal toshi qo‘yish marosimi bo‘ldi.  

2017-2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasida makroiqtisodiy barqarorlikni mustahkamlash, iqtisodiyotning yetakchi tarmoqlarini modernizatsiya qilish va diversifikatsiyalash, tarkibiy islohotlarni chuqurlashtirish orqali uning raqobatbardoshligini oshirish asosiy ustuvor yo‘nalishlar sifatida belgilangan. 

Energetika sohasini yanada rivojlantirishga qaratilgan chora-tadbirlarga muvofiq, Jizzax viloyatida zamonaviy neftni qayta ishlash kompleksi barpo etiladi. Qiymati 2,2 milliard dollar bo‘lgan loyiha yiliga 5 million tonna neft xomashyosini qayta ishlash imkonini beradi. 

Prezidentimizning Qozog‘iston va Rossiyaga davlat tashriflarida olib borilgan samarali muzokaralar natijasida majmua uchun xomashyo yaqinda barpo etiladigan neft quvuri orqali yetkazib kelinadi. Bu energiya resurslarini yetkazish xarajatlarini keskin kamaytiradi va loyihaning iqtisodiy samaradorligini oshiradi. Majmuaning geografik joylashuvi ishlab chiqarilgan mahsulotni mamlakatimizning barcha hududlariga va eksportga minimal xarajatlar bilan yetkazish imkoniyatini ta’minlaydi. 

Oxirgi o'zgartirish Juma, 28 Aprel 2017 10:23

O‘zbekiston Respublikasi Prezidenti Shavkat Mirziyoyev 26-aprel kuni mamlakatimizga amaliy tashrif bilan kelgan AQSh Qurolli Kuchlari Markaziy qo‘mondonligi qo‘mondoni, general Jozef Leonard Votelni qabul qildi. 

Suhbat chog‘ida ikki tomonlama o‘zaro manfaatli va serqirra hamkorlik, jumladan, harbiy va harbiy-texnik sohalardagi hamkorlikning dolzarb masalalari muhokama qilindi. 

Mintaqada xavfsizlik va barqarorlikni ta’minlash masalalari yuzasidan fikr almashildi. Afg‘onistonda yuzaga kelayotgan vaziyat va ushbu mamlakatda tinchlikka erishish istiqbollariga alohida e’tibor qaratildi.

Oxirgi o'zgartirish Payshanba, 27 Aprel 2017 10:27

Kichik biznes va xususiy tadbirkorlik mamlakatimizda yalpi ichki mahsulotni yuksaltirish barobarida aholi bandligini ta’minlash va uning daromadlari manbai, xalqimiz farovonligining muhim omiliga aylandi. Tadbirkorlik subyektlari tomonidan ishlab chiqarilayotgan mahsulotlar bozorlarimiz to‘kinligini ta’minlash, mamlakatimiz eksport salohiyatini oshirishda alohida ahamiyat kasb etmoqda. 

Prezidentimiz Shavkat Mirziyoyevning 2017-yil 17-martdagi “Qoraqalpog‘iston Respublikasi va Xorazm viloyatida tadbirkorlik faoliyatini olib borish uchun qo‘shimcha qulay sharoitlar yaratish chora-tadbirlari to‘g‘risida”gi qarori ishlab chiqarilayotgan mahsulotlar sifatini oshirish, korxonalarning xorijiy hamkorlar topishiga ko‘maklashish va eksport faoliyatini yanada rivojlantirish borasidagi ishlarni yangi bosqichda davom ettirishga xizmat qilmoqda. 

Mazkur hujjatga muvofiq, Qoraqalpog‘iston Respublikasi va Xorazm viloyatida ro‘yxatdan o‘tgan hamda farmatsevtika, elektrotexnika (kabel mahsulotlaridan tashqari), qurilish materiallari ishlab chiqarishga ixtisoslashgan korxonalar mol-mulk, yer solig‘i, infratuzilmani rivojlantirish solig‘i, Respublika yo‘l jamg‘armasiga majburiy to‘lovlardan ozod etilgan. 

Xorazm viloyatida 2017-yil 1-aprel holatiga ko‘ra, 11 ming 156 kichik biznes va xususiy tadbirkorlik subyekti davlat ro‘yxatidan o‘tgan. Iqtisodiyot tarmoqlarida band bo‘lgan 700 mingdan ortiq aholining 82,3 foizi kichik biznes subyektlari hissasiga to‘g‘ri keladi. 

Viloyatda oziq-ovqat, yengil sanoat va boshqa yo‘nalishlarda 19 yirik sanoat korxonasi faoliyat ko‘rsatmoqda. Ushbu korxonalar tomonidan 2016-yili 1 trillion 416,2 milliard so‘mlik mahsulot ishlab chiqarildi. Bu yirik korxonalarda 11 mingdan ortiq aholi mehnat qilmoqda. Joriy yilning o‘tgan davrida hududiy eksportyor korxonalar tomonidan 5 million dollarga yaqin qiymatdagi sanoat va meva-sabzavot mahsulotlari eksporti amalga oshirildi. 

Oxirgi o'zgartirish Chorshanba, 26 Aprel 2017 10:05

O‘zaro kelishuvga muvofiq O‘zbekiston Respublikasi Prezidenti Shavkat Mirziyoyev bilan Qozog‘iston Respublikasi Prezidenti Nursulton Nazarboyev o‘rtasida 24-aprel kuni telefon orqali muloqot bo‘lib o‘tdi. 

Davlat rahbarlari siyosiy, savdo-iqtisodiy, transport-kommunikatsiya, ilmiy-texnik, madaniy-gumanitar va boshqa sohalarda o‘zaro manfaatli hamkorlik faollashganini mamnuniyat bilan qayd etdilar. 

2017-yilning 22-23-mart kunlari Ostona shahrida bo‘lib o‘tgan oliy darajadagi samarali muzokaralar O‘zbekiston – Qozog‘iston o‘rtasidagi strategik sheriklik munosabatlarini amaliy mazmun bilan boyitdi va o‘zaro hamkorlikning yangi istiqbollarini belgilab berdi. 

Tomonlar yaqin yillarda qulay sharoitlar yaratish, biznes subyektlari o‘rtasida bevosita va uzoq muddatli sheriklik aloqalarini o‘rnatishga ko‘maklashish, transport-kommunikatsiya va tranzit salohiyatini oshirish hisobidan o‘zaro tovar ayirboshlash hajmini 5 milliard dollarga yetkazish haqidagi mo‘ljalni tasdiqladilar. Hududlararo, avvalambor, chegaraoldi hududlar o‘rtasida aloqalarni yanada kengaytirish, madaniy-gumanitar munosabatlarni faollashtirish qo‘llab-quvvatlandi. 

Oxirgi o'zgartirish Seshanba, 25 Aprel 2017 12:47

O‘zbekiston Respublikasi Prezidenti Shavkat Mirziyoyev poytaxtimizda amalga oshirilayotgan bunyodkorlik ishlari, ijtimoiy-iqtisodiy loyihalar bilan tanishish, xalq bilan muloqot qilish maqsadida 21-aprel kuni Olmazor tumanida bo‘ldi. 

Xalq bilan muloqot va inson manfaatlari yili mazmun-mohiyati har jabhada namoyon bo‘lmoqda. Davlatimiz rahbari viloyatlar, poytaxtimiz tumanlariga tashrif buyurib, odamlar bilan muloqot qilmoqda, masalalarni joyida o‘rganib, ijtimoiy-iqtisodiy taraqqiyotga doir ustuvor vazifalarni belgilab bermoqda. 

Mamlakatimizning barcha hududlari kabi Olmazor tumanida ham ishlab chiqarishni rivojlantirish, ijtimoiy obyektlar bunyod etish, mahalla va turar joylarni obod qilish borasida keng ko‘lamli ishlar amalga oshirilmoqda. 

Prezidentimiz Shavkat Mirziyoyev mazkur tumanda barpo etiladigan yangi savdo markazi va ko‘p qavatli uylar loyihalari bilan tanishdi. 

Nurafshon va Forobiy ko‘chalari kesishgan joyda uch qavatli “Eski shahar” savdo markazi barpo etiladi. Bu yerda xaridorlarga qulayliklar yaratish maqsadida kafe, galereya, bolalar o‘yin maydonchalari, avtomobillar to‘xtash joyi va boshqa obyektlar quriladi. Markaz ishga tushgach, 250 kishi ish bilan ta’minlanadi. 

Oxirgi o'zgartirish Dushanba, 24 Aprel 2017 10:28

Navoiyda hududiy sanoat yarmarkasi va kooperatsiya birjasi o‘tkazildi. 

O‘zbekiston Respublikasi Vazirlar Mahkamasining 2017-yilda Xalqaro sanoat yarmarkasi va Kooperatsiya birjasini tashkil etish va o‘tkazish chora-tadbirlari to‘g‘risidagi qarori ijrosi doirasida tashkil etilgan tadbirda 250 ishlab chiqarish korxonasi o‘z mahsulotlari bilan qatnashdi. 

An’anaviy tarzda o‘tkazib kelinayotgan mazkur yarmarka raqobatbardosh, eksportbop va import o‘rnini bosuvchi mahsulotlar, butlovchi va ehtiyot qismlar ishlab chiqarayotgan kichik biznes va xususiy tadbirkorlik subyektlari bilan yirik sanoat korxonalarining o‘zaro hamkorligini mustahkamlashda muhim omil bo‘layotir. 

Poytaxtimizdagi Xalqaro hamkorlik markazida O‘zbekiston Respublikasi va Xitoy Xalq Respublikasi ishbilarmon doiralari ishtirokida biznes-forum va kooperatsiya birjasi bo‘lib o‘tdi. 

O‘zaro savdo-iqtisodiy va investitsiyaviy hamkorlikni yanada rivojlantirish masalalariga bag‘ishlangan mazkur tadbirda ikki mamlakatning tashqi iqtisodiy aloqalar, savdo, sarmoya, neft-gaz, geologiya va mineral resurslar, qurilish materiallari ishlab chiqarish, avtomobilsozlik, farmatsevtika, transport va transport kommunikatsiyalari, logistika, axborot texnologiyalari, elektrotexnika kabi sohalar uchun mas’ul vazirlik va idoralari, kompaniya va konsernlari rahbarlari ishtirok etdi. 

O‘zbekiston Respublikasi Bosh vazirining o‘rinbosari Ulug‘bek Rozuqulov, O‘zbekiston Respublikasi Investitsiyalar bo‘yicha davlat qo‘mitasi raisi Azim Ahmadxo‘jayev, Xitoy Xalq Respublikasining O‘zbekistondagi Favqulodda va muxtor elchisi Sun Litsze, «China National Cable Engineering» korporatsiyasi boshqaruvi a’zosi, bosh menejeri Li Hay Tao va boshqalar mamlakatlarimiz o‘rtasidagi hamkorlik barcha sohalarda izchil rivojlanib borayotgani, bunda ikki davlat rahbarlarining o‘zaro muzokaralarida erishilgan kelishuvlar muhim huquqiy asos bo‘layotganini alohida ta’kidladi. 

Do‘stlik va hamkorlik to‘g‘risidagi shartnoma, Strategik sheriklik o‘rnatish to‘g‘risidagi qo‘shma deklaratsiya O‘zbekiston – Xitoy aloqalari rivojiga xizmat qilmoqda. Xitoy Xalq Respublikasi Raisi Si Szinpinning 2016 yil iyun oyida O‘zbekistonga davlat tashrifi natijasida mamlakatlarimiz o‘rtasidagi munosabatlar har tomonlama strategik sheriklik darajasiga ko‘tarildi. 

Oxirgi o'zgartirish Payshanba, 20 Aprel 2017 14:40

2017-yil 18-aprelda Vazirlar Mahkamasining joriy yilning I choragida respublikani ijtimoiy-iqtisodiy rivojlantirish yakunlariga va O‘zbekiston Respublikasi Prezidenti Shavkat Mirziyoyev tomonidan joriy yilning 14-yanvarida respublika Hukumati majlisida belgilab berilgan 2017-yilgi iqtisodiy dasturning ustuvor vazifalari bajarilishini so‘zsiz ta’minlash bo‘yicha qo‘shimcha amaliy chora-tadbirlarni ishlab chiqishga bag‘ishlangan majlisi bo‘lib o‘tdi. 

Majlisda mamlakatni rivojlantirishning asosiy iqtisodiy ko‘rsatkichlari, tarmoqlar va hududlarni yanada kompleks rivojlantirish, iqtisodiyotni modernizatsiya va diversifikatsiya qilishni chuqurlashtirish, ishlab chiqarish korxonalari va mintaqalarning eksport salohiyatini rivojlantirish, xususiy mulk va tadbirkorlikning roli va ahamiyatini kuchaytirish, aholining daromadlari va turmush darajasini yanada oshirishga qaratilgan dasturiy choralar har tomonlama va mufassal ko‘rib chiqildi. 

Qayd etib o‘tildiki, qabul qilingan O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini tizimli amalga oshirish, jismoniy va yuridik shaxslarning murojaatlari bilan ishlashning sifat jihatidan yangi tizimi joriy etilishi, shuningdek, respublikaning barcha hududlarida O‘zbekiston Respublikasi Prezidentining Xalq qabulxonalari faoliyat ko‘rsatishi “Inson manfaati – har narsadan ulug‘” degan ezgu g‘oyaning hayotga izchil va samarali joriy etilishini ta’minladi. 

Avval xabar qilinganidek, O‘zbekiston Respublikasi Prezidenti Shavkat Mirziyoyev joylarda amalga oshirilayotgan ijtimoiy-iqtisodiy islohotlar, keng ko‘lamli bunyodkorlik va obodonlashtirish ishlari, yirik loyihalar bilan yaqindan tanishish, xalq bilan muloqot qilish maqsadida 14-15-aprel kunlari Samarqand viloyatida bo‘ldi. 

Prezidentimiz viloyatga tashrifining ikkinchi kuni Samarqand shahridagi “Alpomish” mas’uliyati cheklangan jamiyatiga tashrif buyurdi. Bu yerda viloyatni ijtimoiy-iqtisodiy rivojlantirishga qaratilgan qator istiqbolli loyihalar taqdimotlari o‘tkazildi. 

Samarqand viloyati ulkan sayyohlik salohiyatiga ega. Turizmni rivojlantirish, sayyohlik xizmati ko‘rsatish sifatini oshirish va yo‘nalishlarini kengaytirish yuzasidan izchil ishlar olib borilmoqda. Bu boradagi salohiyatni yanada oshirish va sayyohlar oqimini ko‘paytirish maqsadida Samarqand shahrida erkin turistik hudud barpo etish bo‘yicha 2017-2019-yillarga mo‘ljallangan loyihalar ishlab chiqilgan. Ushbu loyihalarga ko‘ra shaharning Amir Temur ko‘chasida sayyohlik-ko‘ngilochar mehmonxona kompleksi, Samarqand eshkak eshish kanali bo‘yida qishki dam olish maskani barpo etish mo‘ljallanmoqda. 

Davlatimiz rahbariga mazkur yangi sayyohlik markazlarining imkoniyatlari, sayyohlarga ko‘rsatiladigan xizmatlar, ko‘ngilochar maskanlarda xalqimizning milliy an’ana va qadriyatlarini namoyish etish bo‘yicha tashkil etiladigan loyihalar haqida ma’lumot berildi. 

Prezidentimiz Shavkat Mirziyoyev Samarqand shahridagi “Alpomish” mas’uliyati cheklangan jamiyatiga tashrif buyurdi. 

Viloyatni ijtimoiy-iqtisodiy rivojlantirishga qaratilgan qator istiqbolli loyihalar taqdimotlari o‘tkazildi. 

Samarqand viloyati ulkan sayyohlik salohiyatiga ega. Turizmni rivojlantirish, sayyohlik xizmati ko‘rsatish sifatini oshirish va yo‘nalishlarini kengaytirish yuzasidan izchil ishlar olib borilmoqda. Bu boradagi salohiyatni yanada oshirish va sayyohlar oqimini ko‘paytirish maqsadida Samarqand shahrida erkin turistik hududni barpo etish bo‘yicha 2017-2019-yillarga mo‘ljallangan loyihalar ishlab chiqilgan. Ushbu loyihalarga ko‘ra shaharning Amir Temur ko‘chasida sayyohlik-ko‘ngilochar mehmonxona kompleksi, Samarqand eshkak eshish kanali bo‘yida qishki dam olish maskani barpo etish mo‘ljallanmoqda. 

Oxirgi o'zgartirish Dushanba, 17 Aprel 2017 15:37

O‘zbekiston Respublikasi Prezidenti Shavkat Mirziyoyev joylarda amalga oshirilayotgan bunyodkorlik va obodonlashtirish ishlari, ijtimoiy-iqtisodiy islohotlarning borishi bilan yaqindan tanishish, xalq bilan muloqot qilish maqsadida 14-aprel kuni Samarqand viloyatiga tashrif buyurdi. 

Samarqand viloyati rivojlangan sanoati va qishloq xo‘jaligi, tabiiy boyliklari, ulkan sayyohlik salohiyati bilan mamlakatimizning iqtisodiy, ijtimoiy va madaniy hayotida muhim o‘rin tutadi. 

Jahondagi eng yuksak standartlar asosida jihozlangan Samarqand avtomobil zavodi, “JV Man Auto Uzbekistan” qo‘shma korxonasida o‘nlab turdagi mashinalar ishlab chiqarilmoqda. “British-Amerikan tobakko”, “Sam Antep Gilam”, "UrgGazKarpet", “Amin Invest”, "Daka Teks", “Agromir Samarqand” qo‘shma korxonalari, "Sino", "Samarqandkimyo" aksiyadorlik jamiyatlari, “Sharq sanoati” xususiy konserni singari yirik ishlab chiqarish quvvatlari viloyatning iqtisodiy rivojiga muhim hissa qo‘shmoqda. 

2016-yilda yana 19 qo‘shma korxona tashkil etilgan va viloyat bo‘yicha ularning soni 263 taga yetgan. Viloyatning tashqi savdo aylanmasi 1 milliard 195 million dollarni tashkil etgan. Eksport hajmi 2015-yilga nisbatan qariyb 1,5 barobar oshgan. 

Bu ko‘rsatkichlar Samarqandning iqtisodiy-ijtimoiy taraqqiyotida ham namoyon bo‘lmoqda. 2016-yilda yalpi hududiy mahsulot 8,7 foiz o‘sgani shundan dalolat beradi.

Prezidentimiz Shavkat Mirziyoyev 12-aprel kuni poytaxtimizda amalga oshirilayotgan bunyodkorlik ishlari, ijtimoiy-iqtisodiy loyihalar ijrosi, ijtimoiy obyektlar faoliyati bilan tanishdi. 

Mamlakatimizning barcha hududlari kabi poytaxtimizda ham sanoatni jadal rivojlantirish, kichik biznes va xususiy tadbirkorlikni qo‘llab-quvvatlash borasida keng ko‘lamli ishlar amalga oshirilmoqda. 2017-2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasining uchinchi yo‘nalishida erkin iqtisodiy zonalar, texnoparklar va kichik sanoat zonalari samaradorligini oshirish, yangilarini tashkil etish, ishlab chiqarishni modernizatsiya qilish, tarmoqlararo sanoat kooperatsiyasini kengaytirish bo‘yicha ulkan maqsad va vazifalar belgilangan. Prezidentimiz rahnamoligida bu boradagi ishlar izchil davom ettirilmoqda. 

Shavkat Mirziyoyev 3-fevral va 25-mart kunlari Toshkent shahridagi sanoat obyektlariga tashrif buyurib, ulardan samarali foydalanish, korxona va tadbirkorlarning samarali faoliyat yuritishi uchun zarur shart-sharoit yaratish bo‘yicha ko‘rsatmalar berdi. Bugungi kunda ushbu obyektlarda yangi ishlab chiqarish quvvatlari tashkil etilmoqda. 

Oxirgi o'zgartirish Payshanba, 13 Aprel 2017 09:54

O‘zbekiston Respublikasi Prezidenti Shavkat Mirziyoyev rahbarligida shu yil 11-aprel kuni kengaytirilgan videoselektor yig‘ilishi bo‘lib o‘tdi. Unda O‘zbekiston Respublikasi Oliy Majlisi palatalari rahbarlari, Prezidentning Davlat maslahatchilari, Vazirlar Mahkamasi, vazirlik va idoralar, kompaniya va uyushmalar rahbarlari, Qoraqalpog‘iston Respublikasi Jo‘qorg‘i Kengesi Raisi, viloyatlar, Toshkent shahar, mamlakatimiz shahar va tumanlari hokimlari,  jamoatchilik vakillari ishtirok etdi.  

Selektor yig‘ilishida dastlab hayotiy muhim masalalar bo‘yicha fuqarolarning murojaatlarini ko‘rib chiqish borasidagi ishlarning ahvoli muhokama qilindi. 

Yig‘ilishda Qoraqalpog‘iston Respublikasi, viloyatlar va Toshkent shahrida, mamlakatimizning barcha shahar va tumanlarida O‘zbekiston Respublikasi Prezidentining Xalq qabulxonalari hamda davlatimiz rahbarining Virtual qabulxonasi tashkil etilib, o‘z faoliyatini boshlagani xalq manfaatlarini ta’minlash, mamlakatni yangilash va demokratlashtirish yo‘lidagi ulkan amaliy qadam bo‘lgani alohida ta’kidlandi. 

Joriy yil boshidan buyon Virtual qabulxonaga 315 mingta murojaat kelib tushgan. Joylardagi Xalq qabulxonalarida 47 mingdan ortiq fuqaro qabul qilingan va ularni qiynayotgan muammolarni hal etish bo‘yicha amaliy yordam ko‘rsatilgan. 

O‘zbekiston Respublikasi Vazirlar Mahkamasining Ta’lim va ilm-fan, yoshlar siyosati, madaniyat, axborot tizimlari va telekommunikatsiyalar masalalari kompleksi sohalarining 2017-yilning birinchi choragida ijtimoiy-iqtisodiy rivojlantirish yakunlari va iqtisodiy islohotlarning bajarilishiga bag‘ishlangan yig‘ilishi bo‘lib o‘tdi. 

Yig‘ilishda O‘zbekiston Respublikasi Prezidenti Shavkat Mirziyoyevning mamlakatimizni 2016-yilda ijtimoiy-iqtisodiy rivojlantirishning asosiy yakunlari va 2017-yilga mo‘ljallangan iqtisodiy dasturning eng muhim ustuvor yo‘nalishlariga bag‘ishlangan Vazirlar Mahkamasining kengaytirilgan majlisidagi ma’ruzasida belgilab berilgan vazifalar ijrosini ta’minlash borasida kompleks tarkibiga kiruvchi vazirlik va idoralarda amalga oshirilgan ishlar natijalari va kelgusidagi vazifalar muhokama qilindi. 

Joriy yilning birinchi choragida kompleks bo‘yicha jami 1 trillion 637 milliard so‘mlik mahsulot ishlab chiqarildi va xizmatlar ko‘rsatildi. 2016-yilning shu davriga nisbatan o‘sish sur’ati 118 foizni tashkil etdi. 

Kompleks sohalarida 30 million 800 ming dollarlik xizmatlar va mahsulotlar eksport qilindi. 59 million 300 ming dollarga teng investitsiyalar jalb qilindi va reja ko‘rsatkichi 175 foizga bajarildi. 

Oxirgi o'zgartirish Seshanba, 11 Aprel 2017 10:11

Toshkent shahrida 2017-yil 7-aprel kuni Markaziy Osiyoning besh davlati tashqi siyosat idoralari rahbarlarining uchrashuvi bo‘lib o‘tdi. 

O‘zbekiston Respublikasi tashqi ishlar vaziri Abdulaziz Komilov, Qozog‘iston Respublikasi tashqi ishlar vaziri Kayrat Abdraxmanov, Qirg‘iziston Respublikasi tashqi ishlar vaziri Erlan Abdildayev, Tojikiston Respublikasi tashqi ishlar vaziri Sirojiddin Aslov, Turkmaniston tashqi ishlar vaziri o‘rinbosari Vepa Xajiyev Markaziy Osiyo mintaqasidagi holat, aloqalarning dolzarb yo‘nalishlari bo‘yicha, shu jumladan, xalqaro va mintaqaviy tashkilotlar doirasida hamkorlik hamda mavjud umumiy muammolar yechimlarini birgalikda ishlab chiqish yuzasidan fikr almashdi. 

Uchrashuvni O‘zbekiston Respublikasi tashqi ishlar vaziri Abdulaziz Komilov ochdi, Qozog‘iston, Qirg‘iziston, Tojikiston va Turkmaniston delegatsiyalari rahbarlari so‘zga chiqdi. 

O‘zbekiston Respublikasi Prezidenti Shavkat Mirziyoyev 6-aprel kuni Mustaqil Davlatlar Hamdo‘stligi Tashqi ishlar vazirlari kengashining navbatdagi majlisida ishtirok etish uchun mamlakatimizga kelgan MDH Ijroiya qo‘mitasi raisi – Ijrochi kotibi Sergey Lebedevni qabul qildi. 

Davlatimiz rahbari mehmonni qutlar ekan, Hamdo‘stlik doirasida o‘zaro manfaatli hamkorlikni kengaytirish va mustahkamlash masalasiga muhim ahamiyat qaratilayotganini alohida ta’kidladi. Bugungi kunda MDH ko‘p tomonlama hamkorlik, iqtisodiyotning turli tarmoqlarida qo‘shma dastur va loyihalarni amalga oshirishning dolzarb masalalari yuzasidan fikr almashish va muhokama etish uchun o‘ziga xos maydon hisoblanadi. 

Suhbat chog‘ida MDH doirasida erkin savdo zonasining to‘laqonli faoliyat yuritishini ta’minlash, shuningdek, transport-kommunikatsiya tarmoqlarini jadal rivojlantirish va butun mintaqaning tranzit salohiyatini yuksaltirishga yo‘naltirilgan istiqbolli loyihalarni amalga oshirish masalalariga alohida e’tibor qaratildi. 

Avval xabar qilinganidek, O‘zbekiston Respublikasi Prezidenti Shavkat Mirziyoyev Rossiya Federatsiyasi Prezidenti Vladimir Putinning taklifiga binoan 4-5-aprel kunlari davlat tashrifi bilan ushbu mamlakatda bo‘ldi. 

Davlat tashrifining asosiy tadbirlari 5-aprel kuni bo‘lib o‘tdi. Prezidentimiz Shavkat Mirziyoyev Moskva shahrining Aleksandr bog‘idagi “Noma’lum askar” yodgorligiga gulchambar qo‘ydi. 

Shu yilning 3-aprel kuni Sankt-Peterburg metrosida terrorizm harakati sodir etilib, insonlar halok bo‘ldi. Davlatimiz rahbari ular xotirasini yodga olib, shu yerdagi "Leningrad – qahramon shahar" yodgorligi poyiga gul qo‘ydi. 

Kremlda O‘zbekiston Respublikasi Prezidenti Shavkat Mirziyoyevni rasmiy kutib olish marosimi bo‘ldi. Oliy martabali mehmon sharafiga faxriy qorovul saf tortdi. O‘zbekiston va Rossiya davlat madhiyalari yangradi. Prezidentlar Shavkat Mirziyoyev va Vladimir Putin faxriy qorovul safi oldidan o‘tdilar. 

Prezidentlarning tor doiradagi uchrashuvida O‘zbekiston va Rossiya o‘rtasidagi hamkorlikni yanada rivojlantirish, tinchlik va xavfsizlikni mustahkamlash masalalari, tomonlarni qiziqtirgan mintaqaviy va xalqaro muammolar muhokama qilindi. 

Oxirgi o'zgartirish Payshanba, 06 Aprel 2017 10:09

O‘zbekiston Respublikasi Prezidenti Shavkat Mirziyoyev Rossiya Federatsiyasi Prezidenti Vladimir Putinning taklifiga binoan 4-aprel kuni davlat tashrifi bilan Moskvaga keldi. 

Ikki davlat bayroqlari bilan bezatilgan “Vnukovo-2” aeroportida oliy martabali mehmon sharafiga faxriy qorovul saf tortdi. Davlatimiz rahbarini Rossiya Federatsiyasi hukumati a’zolari kutib oldi. 

Shavkat Mirziyoyev va Vladimir Putin O‘zbekiston bilan Rossiya o‘rtasidagi strategik sheriklik va ittifoqchilik munosabatlarini mustahkamlash, siyosiy, savdo-iqtisodiy, investitsiyaviy, transport-kommunikatsiya, ilmiy-texnik, madaniy-gumanitar va boshqa sohalardagi o‘zaro manfaatli hamkorlikni rivojlantirish masalalarini muhokama qiladilar, tomonlarni qiziqtirgan mintaqaviy va xalqaro ahamiyatga molik muammolar yuzasidan fikr almashadilar. 

Oxirgi o'zgartirish Chorshanba, 05 Aprel 2017 10:25

O‘zbekiston Respublikasi Prezidentining qarori

Sog‘liqni saqlash sohasida xususiy sektorni rivojlantirishga har tomonlama ko‘maklashishni kuchaytirish, xususiy tibbiyot muassasalarining aholiga yuqori texnologiyali sifatli tibbiy xizmatlar ko‘rsatishi uchun zarur sharoitlar yaratish, xususiy tibbiyot sohasiga xorijdan investitsiyalar va yuqori malakali mutaxassislar jalb etishni kengaytirish, shuningdek, tibbiy turizm va tibbiy xizmatlar eksportini rivojlantirish maqsadida: 

1. Quyidagilar sog‘liqni saqlash sohasida xususiy sektorni yanada rivojlantirishning asosiy yo‘nalish va vazifalari etib belgilansin: 

mamlakatimizning barcha hududlarida xususiy tibbiyot muassasalari tarmog‘i faoliyatini faollashtirish va kengaytirish uchun qulay sharoitlar yaratish, ularning faoliyatini tartibga solish va litsenziyalash tizimini takomillashtirish, sog‘liqni saqlash sohasida xususiy sektorning barqaror rivojlanishiga to‘sqinlik qilayotgan masalalarni tizimli hal etish; 

xususiy tibbiyot muassasalarining tashxis qo‘yish va davolash bo‘yicha zamonaviy yuqori texnologiyali usullarni keng qo‘llagan holda, keng aholi qatlamlari, jumladan, ijtimoiy himoyaga muhtoj fuqarolarga yuqori malakali tibbiy yordam ko‘rsatishga qaratilgan xizmatlar ko‘lami va turlarini kengaytirishni har tomonlama rag‘batlantirish; 

xususiy tibbiyot muassasalarining moddiy-texnik bazasini mustahkamlash, ularni zamonaviy tibbiyot uskunalari, maxsus inventar va asboblar bilan jihozlash, tibbiyot ixtisosliklari turiga mos keladigan va sanitariya norma hamda qoidalari talablariga javob beradigan bino va xonalar bilan ta’minlash; 

qulay kredit va lizing mexanizmlarini faol jalb etish orqali xususiy tibbiyot muassasalarini moliyaviy qo‘llab-quvvatlash ko‘lami va hajmini tubdan oshirish, xususiy tibbiyot sohasiga xorijiy investitsiyalar jalb qilishni kengaytirish, yetakchi xorijiy klinika hamda tibbiyot markazlari bilan hamkorlikda davolash-tashxis muassasalarini tashkil etish; 

tibbiy sug‘urta tizimini keng joriy etgan holda, aholiga davlat tomonidan ko‘rsatiladigan kafolatli bepul tibbiy yordam bilan birga sifatli va arzon maslahat-tashxis, davolash, sog‘lomlashtirish va boshqa turdagi tibbiy xizmatlardan foydalanish uchun qo‘shimcha imkoniyatlar yaratadigan pulli tibbiy xizmatlar bozorini jadal rivojlantirish; 

Oxirgi o'zgartirish Seshanba, 04 Aprel 2017 09:35

O‘zbekiston Respublikasi Prezidentining farmoni

O‘zbekiston Respublikasining investitsiya salohiyatini to‘liq ro‘yobga chiqarish, investitsiya muhitini yanada takomillashtirish, yillik investitsiya dasturlarini sifatli ishlab chiqish, xorijiy investitsiyalarni jalb etish uchun qulay sharoitlar yaratish, xalqaro moliya institutlari, xorijiy hukumatlarning moliya institutlari, yetakchi chet el kompaniyalari va bank tuzilmalari bilan hamkorlikni kengaytirish, shuningdek, jalb etiladigan chet el investitsiyalari samaradorligini oshirish maqsadida: 

1. O‘zbekiston Respublikasi Investitsiyalar bo‘yicha davlat qo‘mitasi va Qoraqalpog‘iston Respublikasi, viloyatlar va Toshkent shahrida uning hududiy bo‘limlari tashkil etilsin. 

Belgilab qo‘yilsinki, O‘zbekiston Respublikasi Investitsiyalar bo‘yicha davlat qo‘mitasi yagona davlat investitsiya siyosatini shakllantirish va amalga oshirishni muvofiqlashtirish hamda xorijiy investitsiyalarni jalb etish uchun mas’ul vakolatli davlat organi hisoblanadi. 

Tadbirkorlar va ishbilarmonlar harakati – O‘zbekiston Liberal-demokratik partiyasi Sirdaryo viloyati kengashi tomonidan “Innovatsion texnologiyalar – kichik va oilaviy biznesni rivojlantirish uchun imkoniyatlar” mavzusida o‘quv- seminari o‘tkazildi. 

Viloyat hokimi o‘rinbosari, xotin-qizlar qo‘mitasi raisi D.O‘rolova va boshqalar mamlakatimizda kichik biznes va xususiy tadbirkorlikni rivojlantirish orqali aholi farovonligini yuksaltirish, xotin-qizlar va yoshlar bandligini ta’minlash, oilalar daromadini oshirishga alohida e’tibor qaratilayotganini ta’kidladi. 

O‘zbekiston Respublikasi Prezidenti Shavkat Mirziyoyev 29-mart kuni mamlakatimizga amaliy tashrif bilan kelgan Rossiyaning «Gazprom» kompaniyasi boshqaruvi raisi Aleksey Millerni qabul qildi. 

Davlatimiz rahbari mehmonni qutlar ekan, mamlakatlarimiz o‘rtasida neft-gaz sohasida uzoq muddatli va o‘zaro manfaatli hamkorlik yuksak darajada rivojlanayotganini mamnuniyat bilan qayd etdi. 

Bugungi kunda dunyodagi yetakchi energetika kompaniyalaridan biri bo‘lgan «Gazprom» O‘zbekistonda geologiya-qidiruv ishlarini olib borish va istiqbolli uglevodorod konlarini o‘zlashtirish bo‘yicha yirik loyihalarni amalga oshirishda, shuningdek, tabiiy gazni eksportga yetkazib berishda faol ishtirok etmoqda. 

Rossiyaning ushbu kompaniyasi bilan hamkorlikda Ustyurtda o‘tkazilgan keng ko‘lamli geologiya-qidiruv tadqiqotlari natijasida "Jel" gaz kondensati koni ochildi. "Shaxpaxti" koni birgalikda o‘zlashtirilmoqda. Hozirgacha u yerdan 3,5 milliard kub metr gaz qazib olingan. 

Oxirgi o'zgartirish Payshanba, 30 Mart 2017 10:59

O‘zbekiston Respublikasi Prezidenti Shavkat Mirziyoyev joylarda amalga oshirilayotgan bunyodkorlik ishlari, olib borilayotgan islohotlar jarayoni, yirik loyihalar bilan tanishish va xalq bilan muloqot qilish maqsadida 28-mart kuni Navoiy viloyatida bo‘ldi. 

Mustaqillik yillarida Birinchi Prezidentimiz rahnamoligida Navoiy viloyatida ulkan bunyodkorlik ishlari amalga oshirildi. Navoiy viloyati haqida gap ketganda, avvalo, uning mehnatkash xalqi, yer osti va yer usti boyliklari, ulkan iqtisodiy salohiyati ko‘z oldimizda namoyon bo‘ladi. Mamlakatimizning yirik sanoat hududi hisoblangan ushbu viloyatda konchilik, metallurgiya, kimyo, energetika, qurilish materiallari, paxta tozalash, oziq-ovqat sanoati izchil rivojlanmoqda. 

Hozirgi kunda viloyatda 17 yirik sanoat korxonasi faoliyat ko‘rsatmoqda. Navoiy kon-metallurgiya kombinati, “Navoiyazot”, “Qizilqumsement”, “Navoiy issiqlik elektr stansiyasi” aksiyadorlik jamiyatlari va “Elektrkimyozavodi” qo‘shma korxonasi shular jumlasidandir. “Navoiy” erkin iqtisodiy zonasidagi 18 korxona tomonidan 100 dan ortiq turdagi raqobatbardosh mahsulotlar ishlab chiqarilmoqda. 

2016-yilda viloyatni ijtimoiy-iqtisodiy rivojlantirish borasida amalga oshirilgan izchil ishlar samarasida yalpi hududiy mahsulot hajmi 10 trillion 5 milliard so‘mni tashkil etdi. Sanoat mahsulotlari ishlab chiqarish 2015-yilga nisbatan 5,9 foiz, xalq iste’moli mollari 12, qishloq xo‘jaligi mahsulotlari yetishtirish 7,1, qurilish ishlari 9,3, umumiy xizmatlar 15,5 foiz oshdi. 

Oxirgi o'zgartirish Chorshanba, 29 Mart 2017 10:12

Ostona shahrida O‘zbekiston Milliy sanoat ko‘rgazmasi bo‘lib o‘tdi. Unda mamlakatimiz sanoat korxona va kompaniyalari o‘z mahsulot va xizmatlarini taqdim etdi. 

Mamlakatimizda sanoat korxonalarini tashkil etish, xususiy tadbirkorlik subyektlari mahsulotlarini eksport qilishga ko‘maklashish va ularni har tomonlama qo‘llab-quvvatlash borasida amalga oshirilayotgan keng ko‘lamli ishlar iqtisodiyotimizni barqaror rivojlantirish, yurtimiz eksport salohiyatini muttasil oshirish imkonini berayotir. 

O‘zbekiston sanoat mahsulotlari jahon bozorlarida mustahkam o‘rin egallamoqda. Mamlakatimiz korxonalarida oziq-ovqat mahsulotlari, kiyim-kechak, qurilish materiallari, yuqori texnologiyali zamonaviy texnika va boshqa tovarlar ishlab chiqarilmoqda. Xalqaro standartlarga muvofiq tayyorlanayotgan ushbu mahsulotlarga xorijiy davlatlarda talab katta. 

Kichik biznes va xususiy tadbirkorlik subyektlarining eksportini qo‘llab-quvvatlash jamg‘armasidan ma’lum qilishlaricha, o‘tkazilgan mazkur sanoat ko‘rgazmasida mamlakatimiz tadbirkorlari jamg‘arma ko‘magida Qozog‘istonga to‘qimachilik, meva-sabzavot, oziq-ovqat, mebel va qurilish materiallari yetkazib berish bo‘yicha qiymati 24 million dollardan ziyod qariyb yigirmaga yaqin eksport shartnomasi tuzgan. Ko‘rgazmaga kelganlar savdo, iqtisodiyot sohasida mamlakatimiz imkoniyati va salohiyati, biznes yuritish uchun yaratilgan sharoitlar, shuningdek, jamg‘armaning kichik biznes va xususiy tadbirkorlik subyektlarining eksport salohiyatini oshirish, eksport faoliyatini har tomonlama qo‘llab-quvvatlashga qaratilgan faoliyati hamda xizmatlari bilan tanishtirildi. 

Oxirgi o'zgartirish Seshanba, 28 Mart 2017 10:10

Prezidentimiz Shavkat Mirziyoyev Bektemir tumanidagi Toshkent motor zavodiga tashrif buyurdi.  

Davlatimiz rahbarining 2016-yil 5-oktabrdagi “Tadbirkorlik faoliyatining jadal rivojlanishini ta’minlashga, xususiy mulkni har tomonlama himoya qilishga va ishbilarmonlik muhitini sifat jihatidan yaxshilashga doir qo‘shimcha chora-tadbirlar to‘g‘risida”gi farmoni mamlakatimizda ishbilarmonlik harakatini jadal rivojlantirish uchun yangi imkoniyatlar ochmoqda. 

Toshkent shahrining Yunusobod, Sergeli va Yakkasaroy tumanlarida 3 texnopark tashkil etilgan bo‘lib, ular mavjud bino va quvvatlardan samarali foydalanish, tayyor mahsulotlar ishlab chiqarishni kengaytirish va yangi ish o‘rinlari yaratishga xizmat qilmoqda.  

Bektemir tumanidagi Toshkent motor zavodining umumiy yer maydoni  5 gektar, bino va inshootlar maydoni 3 gektar. Hozir foydalanilmayotgan ushbu hududda ishlab chiqarishni tashkil etish uchun yaxshi imkoniyat, zarur infratuzilma bor. 

Prezidentimiz ko‘rsatmasiga muvofiq zavod binolari korxona va tadbirkorlarga imtiyozli tarzda ijaraga berilmoqda. To‘lovlar boshqa joylardagiga nisbatan bir necha barobar arzonlashtirilgan. Bunday imtiyozlar tadbirkorlarda katta qiziqish uyg‘otmoqda. 

Oxirgi o'zgartirish Dushanba, 27 Mart 2017 10:18

Avval xabar qilinganidek, O‘zbekiston Respublikasi Prezidenti Shavkat Mirziyoyev Qozog‘iston Respublikasi Prezidenti Nursulton Nazarboyevning taklifiga binoan 22-23-mart kunlari davlat tashrifi bilan ushbu mamlakatda bo‘ldi. 

Oliy darajadagi mazkur uchrashuv do‘stlik, ahillik va mehr-oqibat ayyomi Navro‘z kunlariga to‘g‘ri kelganida ramziy ma’no bor. Zero, bu jihatlar O‘zbekiston va Qozog‘iston munosabatlariga ham xosdir. 

Tashrifning asosiy tadbirlari 23-mart kuni Ostona shahrida bo‘lib o‘tdi. 

O‘zbekiston Respublikasi Prezidenti Shavkat Mirziyoyev Qozog‘iston poytaxtidagi “Vatan himoyachilari” monumentiga gul qo‘ydi. 

Ushbu monument Prezident Nursulton Nazarboyev tashabbusi bilan 2001-yili Ikkinchi jahon urushida halok bo‘lgan qozog‘istonlik Vatan himoyachilari xotirasiga bag‘ishlab bunyod etilgan. 

Oxirgi o'zgartirish Juma, 24 Mart 2017 09:59

2017-yil 22-mart kuni O‘zbekiston Respublikasi Oliy Majlisi Senati Kengashining majlisi bo‘lib o‘tdi. 

Majlisni Oliy Majlis Senati Raisi N.Yo‘ldoshev boshqardi. 

Kengash O‘zbekiston Respublikasi Oliy Majlisi Senatining to‘qqizinchi yalpi majlisini shu yilning 28-29-mart kunlari Toshkent shahrida chaqirish to‘g‘risida qaror qabul qildi. 

Senatning to‘qqizinchi yalpi majlisi kun tartibiga mamlakat ijtimoiy-siyosiy va sotsial-iqtisodiy hayotining barcha sohalarini bosqichma-bosqich isloh qilishga hamda erkinlashtirishga, 2017-2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini ro‘yobga chiqarishga doir Davlat dasturini Xalq bilan muloqot va inson manfaatlari yilida ijro etishga qaratilgan O‘zbekiston Respublikasining bir qator qonunlari kiritilmoqda. 

Farg‘onada o‘tkazilgan innovatsion g‘oyalar, texnologiyalar va loyihalar hududiy yarmarkasida 150 dan ortiq ishlanmalar namoyish etildi. Ilmiy muassasalar va tadbirkorlik subyektlari o‘rtasida 1 milliard 748 million so‘mlikdan ziyod shartnomalar imzolandi. 

An’anaviy o‘tkazib kelinayotgan mazkur ko‘rgazma iqtisodiyotning turli soha va tarmoqlarida mavjud talabni innovatsiya sohasidagi takliflar bilan uyg‘unlashtirish, innovatorlar va innovatsiya loyihalari investorlari o‘rtasida aloqalarni yanada mustahkamlashga xizmat qilmoqda. Oliy ta’lim muassasalari, ilmiy-tadqiqot, tajriba-konstruktorlik tashkilotlarining texnologiya va ishlanmalarini namoyish etish, bu borada amalga oshirilayotgan ishlar bo‘yicha tajriba almashish, istiqboldagi vazifalarni belgilash hamda xaridorlar bilan to‘g‘ridan-to‘g‘ri muloqot qilish imkonini bermoqda. Ko‘rgazma davomida imzolanayotgan kelishuvlar natijasida sanoat, qishloq xo‘jaligi, xizmat ko‘rsatish va servis sohalariga ixcham va zamonaviy texnologiyalar joriy etilib, yuqori samaradorlikka erishilmoqda. 

Farg‘ona viloyatida ham ilmiy ishlanmalarni rag‘batlantirish va amaliyotga tatbiq etishga alohida e’tibor qaratilayotir. Viloyat hududiy innovatsiya faoliyati va texnologiyalar transferi markazi oliy ta’lim muassasalari bilan hamkorlikda ilm-fanning ustuvor yo‘nalishlarida olib borilayotgan ilmiy izlanishlar natijasida o‘ndan ortiq ilmiy innovatsion loyihalarni amalga oshirmoqda. Farg‘ona davlat universiteti, Farg‘ona politexnika instituti, Muhammad al-Xorazmiy nomidagi Toshkent axborot texnololgiyalari universiteti Farg‘ona filialining professor-o‘qituvchilari, yosh olimlari va talabalar tomonidan yangi ishlanmalar ustida ish olib borilmoqda. 

Oxirgi o'zgartirish Chorshanba, 22 Mart 2017 10:12

O‘zbekiston Respublikasi Prezidenti Shavkat Mirziyoyev Qozog‘iston Respublikasi Prezidenti Nursulton Nazarboyevning taklifiga binoan 2017-yil 22-23-mart kunlari davlat tashrifi bilan Qozog‘istonda bo‘ladi. 

Oliy darajadagi uchrashuv va muzokaralarda O‘zbekiston va Qozog‘iston o‘rtasidagi siyosiy, savdo-iqtisodiy, investitsiyaviy, transport-kommunikatsiya, madaniy-gumanitar va boshqa sohalardagi hamkorlikning bugungi holati va uni rivojlantirish istiqbollari, shuningdek, mintaqaviy va xalqaro siyosatning dolzarb masalalari muhokama qilinadi. 

Oxirgi o'zgartirish Shanba, 18 Mart 2017 09:58

O‘zbekiston Respublikasi Prezidenti Shavkat Mirziyoyev 16-mart kuni tashrif bilan mamlakatimizda bo‘lib turgan Yevropa tiklanish va taraqqiyot bankining (ETTB) prezidenti Suma Chakrabartini qabul qildi. 

Davlatimiz rahbari mehmonni qutlar ekan, O‘zbekiston va YeTTB o‘rtasida o‘zaro manfaatli va uzoq muddatli hamkorlikni rivojlantirish muhimligini alohida qayd etdi. 

Kichik biznes va tadbirkorlikni qo‘llab-quvvatlash, bank-moliya sektori, infratuzilmani, ayniqsa, qishloq joylarda modernizatsiya qilish, shuningdek, agrosanoat kompleksi, kimyo va neft-kimyo, metallurgiya sanoatida zamonaviy ishlab chiqarishlarni tashkil etish, elektrotexnika mahsulotlari ishlab chiqarish va boshqa sohalardagi istiqbolli dastur hamda loyihalar hamkorlikning ustuvor yo‘nalishlari etib belgilandi. 

Oxirgi o'zgartirish Shanba, 18 Mart 2017 10:13

Mamlakatimizda yaratilgan qulay biznes muhiti samarasida turli sohalarda, jumladan, teri xomashyosini tayyorlash va uni qayta ishlash, raqobatdosh poyabzal hamda charm-attorlik mollari ishlab chiqarishga ixtisoslashtirilgan ko‘plab tadbirkorlik subyektlari faoliyati yo‘lga qo‘yildi. 

Prezidentimiz Shavkat Mirziyoyevning 2016-yil 15-sentabrdagi “2016-2020-yillar davrida charm-poyabzal sanoatini yanada rivojlantirish bo‘yicha chora-tadbirlar dasturi to‘g‘risida”gi qarori bu borada muhim dasturilamal bo‘layotir. 

Oxirgi o'zgartirish Payshanba, 16 Mart 2017 10:44

O‘zbekiston Respublikasi Tashqi ishlar vazirligida O‘zbekiston – Eron vazirliklararo siyosiy maslahatlashuvlarining beshinchi raundi bo‘lib o‘tdi. Unda Eron Islom Respublikasi tashqi ishlar vaziri o‘rinbosari Ibrohim Rahimpur rahbarligidagi delegatsiya ishtirok etdi. 

Uchrashuvda O‘zbekiston bilan Eron o‘rtasidagi hamkorlikning bugungi holati va istiqbollari muhokama qilindi. Savdo-iqtisodiy, investitsiyaviy, transport-kommunikatsiya sohalaridagi aloqalarni yanada chuqurlashtirishdan ikki tomon ham birdek manfaatdor ekani ta’kidlandi. Davlatlararo munosabatlar, shuningdek, Birlashgan Millatlar Tashkiloti, Shanxay hamkorlik tashkiloti, Islom hamkorlik tashkiloti doirasidagi aloqalar rivojida ijobiy tendensiyalar kuzatilayotgani qayd etildi. 

Muzokarada vazirliklararo siyosiy maslahatlashuvlarni muntazam o‘tkazish ikki tomonlama munosabatlarga oid dolzarb masalalarni muhokama qilish, hamkorlikning O‘zbekiston va Eron manfaatlariga mos keluvchi yo‘nalishlarini birgalikda ishlab chiqish va amalga oshirish imkonini berishi ta’kidlandi. Mintaqaviy va xalqaro masalalar yuzasidan fikr almashildi. 

Eron delegatsiyasi O‘zbekiston Respublikasi Tashqi iqtisodiy aloqalar, investitsiyalar va savdo vazirligida ham muzokara o‘tkazdi. 

Biz ijtimoiy tarmoqlarda

Ishonch telefoni bo'yicha murojaatlar statistikasi

O'zbekiston Respublikasi Moliya vazirligi ishonch telefoni orqali 2018 yil I yarim yilligida jismoniy va yuridik shaxslardan kelib tushgan murojaatlarni ko'rib chiqish yuzasidan ma'lumot

Ishonch telefonlariga bo'lgan qo'ng'iroqlarni baholash statistikasi

Axborot-hisoblash markazining tezkor aloqa raqami (0-371) 239 15 62

Moliya vazirligi Axborot-hisoblash markazining "UzASBO va "DMBAT" dasturiy majmualari bo'yicha "Tezkor aloqasi"

Yangiliklar taqvimi

« Oktyabr 2018 »
Dush Sesh Chor Pay Jum Shan Yak
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Obuna bo'lish

Statistika

Hozir 1079 mehmonlar va ro'yxatdan o'tgan foydalanuvchi yo'q saytda

Arxiv

Agar siz matnda xatoliklarni aniqlasangiz, sichqoncha bilan belgilab, administratorni xabardor qilish uchun Ctrl+Enter tugmalarini bosing

© 2018 O'zbekiston Respublikasi Moliya vazirligi. Barcha huquqlar himoyalangan. Saytdan olingan
ma'lumotlardan foydalanilganda O'zbekiston Respublikasi Moliya vazirligining rasmiy veb sayti 
www.mf.uz ko‘rsatilishi shart. Saytni ishlab chiqish va qo'llab-quvvatlash Moliya vazirligi AHM tomonidan amalga oshiriladi

Our website is protected by DMC Firewall!