РУССКИЙ  |  O'ZBEKCHA  |  ENGLISH                          

       O'zbekiston Respublikasi Moliya Vazirligi

O'zbekiston yangiliklari

Concrete

Prezident Shavkat Mirziyoyev 10-iyul kuni sugʻurta xizmatlari bozorini rivojlantirish masalalari boʻyicha yigʻilish oʻtkazdi. 

Sugʻurta xizmatlari iqtisodiyotni turli xil moliyaviy xatarlardan himoya qiluvchi vositalardan biridir. Biroq mamlakatimiz moliya bozorida bu xizmatlarning oʻrni hozircha yetarli emas. 

Joriy yilning olti oyida sugʻurta tashkilotlari tomonidan yigʻilgan sugʻurta mukofoti oʻtgan yilning shu davriga nisbatan 1,5 barobar oshgan boʻlsa-da, sugʻurta tushumi aholi jon boshiga 50 ming soʻmdan toʻgʻri kelgan. 

Concrete

Oʻzbekiston Respublikasi Prezidenti Shavkat Mirziyoyev 28 iyun kuni Yashnobod va Qibray tumanlarida amalga oshirilayotgan bunyodkorlik ishlari, yirik loyihalar bilan tanishdi.

Davlatimiz rahbari dastlab Toshkent mexanika zavodiga tashrif buyurdi.

Toshkentning sanoat, tranzit-logistika, infratuzilma borasidagi imkoniyatlaridan unumli foydalanib, yuqori qoʻshimcha qiymatga ega boʻlgan ilgʻor texnologiyali mahsulotlar ishlab chiqarish va ularning eksportini kengaytirish poytaxtimizni ijtimoiy-iqtisodiy rivojlantirishda muhim ahamiyat kasb etadi.

Oxirgi o'zgartirish Dushanba, 01 Iyul 2019 10:24

Concrete

Oʻzbekiston Respublikasi Prezidenti Shavkat Mirziyoyev 17-iyun kuni neft-gaz, kimyo va elektr energetikasi sohalaridagi investitsiya loyihalari ijrosini yanada jadallashtirish masalalari boʻyicha yigʻilish oʻtkazdi.

Concrete

Xitoyda 2001-yil 15-iyunda Shanxay hamkorlik tashkiloti deklaratsiyasi qabul qilindi va dunyo siyosiy tarixida yangi mintaqaviy tuzilmaga asos solindi.

Oʻzbekiston tashkilot aʼzosi va asoschilaridan biri sifatida SHHT doirasida oʻzaro manfaatli hamkorlikni rivojlantirish tarafdoridir. Mamlakatimiz bugungi kunda SHHTning koʻp tomonlama savdo-iqtisodiy va madaniy-gumanitar hamkorlik, terrorizm, ekstremizm, narkotik moddalarning noqonuniy savdosi, transmilliy uyushgan jinoyatchilikka qarshi kurashish sohalaridagi saʼy-harakatlarini qoʻllab-quvvatlab kelmoqda.

Bugungi kunda tashkilotning salmoqli shartnomaviy-huquqiy bazasi shakllantirilgan, 30 ga yaqin ishchi organi faoliyat koʻrsatib kelmoqda. SHHT Yevroosiyo mintaqasi umumiy hududining 60 foizini tashkil qiladi. Unga aʼzo davlatlar hududida 3 milliardga yaqin aholi istiqomat qiladi. Bu esa uning asosiy faoliyat yoʻnalishlari – iqtisodiy hamkorlikni rivojlantirish va mintaqaviy xavfsizlikni mustahkamlashdagi salohiyatini oshirishga xizmat qilmoqda. Buni SHHTga aʼzo davlatlar iqtisodiyoti dunyo iqtisodiyotining 20 foizini tashkil qilayotgani ham tasdiqlaydi.

Concrete

Nurafshon shahrida 3-iyun kuni Oʻzbekiston Respublikasi Prezidenti Shavkat Mirziyoyev raisligida Toshkent viloyati faollari, hokimlar va sektorlar rahbarlari, vazirlik va idoralar mutasaddilari ishtirokida yigʻilish boʻlib oʻtdi.

Davlatimiz rahbari oʻzi bevosita joylarga borib, rahbarlarni yuborib, eng dolzarb masalalar hal qilinayotgani, hamma joyda oʻzgarish boʻlayotgani, lekin Toshkent viloyati “uygʻonmayotgani”ni taʼkidladi.

Vaqt shiddat bilan oʻtyapti. Har bir kun, har bir daqiqa gʻanimat. Biz siyosatni belgilab, yangi-yangi imkoniyatlar yaratyapmiz. Mutasaddilar qattiq talab qilib, quyi tizimdagi rahbarlar jon kuydirib ishlab, natijani taʼminlashi kerak. Odamlar quruq gapni koʻtarmaydi. Toshkent viloyatida esa jonlanish kuzatilmayapti. Qani raqobat, qani ilm, qani natija, qani tashabbus, deya murojaat qildi Shavkat Mirziyoyev yigʻilish ishtirokchilariga.

Concrete

Rossiya Federatsiyasi Hukumati rahbari Dmitriy Medvedev boshchiligidagi delegatsiya 29-may kuni mamlakatimizga tashrif buyurdi.

Islom Karimov nomidagi Toshkent xalqaro aeroportida yuqori martabali mehmonni Oʻzbekiston Respublikasi Bosh vaziri Abdulla Aripov kutib oldi.

Qisqa suhbatdan soʻng Rossiya delegatsiyasi oʻzi uchun ajratilgan qarorgohga yoʻl oldi.

Oxirgi o'zgartirish Payshanba, 30 May 2019 11:07

Concrete

Oʻzbekiston Respublikasi Prezidenti Shavkat Mirziyoyevning taklifiga binoan Germaniya Federativ Respublikasi Federal Prezidenti Frank-Valter Shtaynmayer 27-may kuni rasmiy tashrif bilan mamlakatimizga keldi.

Islom Karimov nomidagi Toshkent xalqaro aeroportida oliy martabali mehmonni Oʻzbekiston Respublikasi Bosh vaziri Abdulla Aripov kutib oldi.

Frank-Valter Shtaynmayer shu kuni oʻzi uchun ajratilgan qarorgohda mamlakatimizda faoliyat yuritayotgan Germaniya xalqaro hamkorlik jamiyati (GIZ), Toshkentdagi Gyote instituti, Konrad Adenauer va Fridrix Ebert nomidagi jamgʻarmalar, Germaniya akademik almashuvlar xizmati (DAAD) kabi institutlar vakillari bilan uchrashdi.

Concrete

Oʻzbekiston Respublikasi Prezidenti Shavkat Mirziyoyevning taklifiga binoan Germaniya Federativ Respublikasi Prezidenti Frank-Valter Shtaynmayer joriy yil 27-29-may kunlari rasmiy tashrif bilan mamlakatimizda boʻladi.

Prezidentlar davlatimiz rahbarining joriy yil 20-22-yanvar kunlari Germaniyaga amalga oshirgan tashrifi davomida boʻlib oʻtgan oliy darajadagi muloqotni davom ettirib, siyosiy, savdo-iqtisodiy, investitsiyaviy, moliyaviy-texnik va madaniy-gumanitar sohalardagi ikki tomonlama hamkorlikni kengaytirish istiqbollarini, shuningdek, Oʻzbekiston – Yevropa Ittifoqi formati doirasidagi aloqalarni muhokama qiladilar.

Concrete

Oʻzbekiston Respublikasi Prezidenti Shavkat Mirziyoyev 20 may kuni Toshkent shahrida amalga oshirilishi rejalashtirilgan istiqbolli investitsiya loyihalari taqdimoti bilan tanishdi. 

Xalq deputatlari Toshkent shahar Kengashining 2018 yil 21 dekabr kuni boʻlib oʻtgan navbatdan tashqari sessiyasida poytaxtimizni yirik ishbilarmonlik markaziga aylantirish, investitsiyalarni faol jalb qilib, zamonaviy korxonalar tashkil etish boʻyicha vazifalar belgilangan edi. Shunga muvofiq, joriy yil 4 yanvarda Oʻzbekiston Respublikasi Vazirlar Mahkamasining “Toshkent shahrini infratuzilmaviy rivojlantirishga toʻgʻridan-toʻgʻri xorijiy investitsiyalarni jalb qilishga doir qoʻshimcha chora-tadbirlar toʻgʻrisida”gi qarori qabul qilindi. 

Concrete

Oʻzbekiston Respublikasi Prezidenti Shavkat Mirziyoyev 13 may kuni xorijiy investitsiyalar ishtirokidagi ustuvor loyihalarni amalga oshirishni jadallashtirish masalalariga bagʻishlangan yigʻilish oʻtkazdi.

Mamlakatimizda faol investitsiya siyosati olib borilmoqda. Investitsiya muhiti tobora yaxshilanib, ishbilarmon doiralar yurtimizdagi loyihalarga katta qiziqish bildirmoqda. Xalqaro moliya institutlari, rivojlangan davlatlar va yirik kompaniyalar iqtisodiy-ijtimoiy sohalarga sarmoya kiritmoqda.

Birgina joriy yilning oʻzida Germaniya Federativ Respublikasi, Birlashgan Arab Amirliklari, Xitoy Xalq Respublikasi, Koreya Respublikasi va boshqa davlatlar rahbarlari bilan oliy darajada muloqotlar boʻlib oʻtdi. Ular doirasida sanoat, energetika, infratuzilma, qurilish, transport, qishloq xoʻjaligi, sogʻliqni saqlash, taʼlim kabi sohalarda muhim kelishuvlarga erishildi. Har bir davlat bilan qoʻshma loyihalar ijrosini taʼminlash uchun Prezident qarorlari asosida “yoʻl xaritalari” tasdiqlandi.

Oxirgi o'zgartirish Seshanba, 14 May 2019 09:43

Concrete

O‘zbekiston Respublikasi Prezidenti Shavkat Mirziyoyev 6-may kuni Farg‘ona tumanidagi «Komiljon ota Mamajonov» fermer xo‘jaligi dalasida viloyat dehqonlari bilan suhbatlashdi.

Mirishkorlar bu mavsum yog‘ingarchilik ko‘p bo‘lgani, shunga qaramay barcha ekinlardan yaxshi hosil kutilayotganini qayd etdi. Davlat xaridi uchun paxta va g‘alla narxlari keskin oshirilgani fermer va ishchilarning daromadini ko‘paytirib, mehnatga munosabatini o‘zgartirganini ta’kidlashdi.

- Hamma iqtisodiy sohalarda asosiy mezon - daromad, - dedi Shavkat Mirziyoyev. - Manfaatdorlik bo‘lsa, ish, natija bo‘ladi. Bozor talabini o‘rganib, aql bilan ish tutilsa, daromad ko‘payadi.

Concrete

O‘zbekiston Respublikasi Prezidenti Shavkat Mirziyoev hududlarni ijtimoiy-iqtisodiy rivojlantirish borasidagi islohotlar, amalga oshirilayotgan bunyodkorlik ishlari hamda avval berilgan topshiriqlar ijrosi bilan tanishish va istiqboldagi rejalarni belgilab olish maqsadida 30 aprel kuni Surxondaryo viloyatiga keldi.

Davlatimiz rahbari 2018 yil 19-20 yanvar kunlari Surxondaryo viloyatiga tashrifi chog‘ida ko‘plab istiqbolli loyihalar bilan tanishib, tuman va shaharlarda qurilish-bunyodkorlik ishlari ko‘lamini sifat jihatdan kengaytirish, sanoat, qishloq xo‘jaligi, turizm, xizmat ko‘rsatish va servis sohalarini jadal rivojlantirish, aholi uchun munosib turmush sharoiti yaratish yuzasidan tegishli vazifalarni belgilab bergan edi.

O‘tgan davr mobaynida mazkur topshiriqlar ijrosi yuzasidan bir muncha ishlar amalga oshirildi. Sanoat, qishloq xo‘jaligi hamda xizmat ko‘rsatish va servis yo‘nalishlarida umumiy qiymati 3 trillion 12 milliard 994 so‘mlik 423 ta loyiha ishga tushirilib, 7 mingga yaqin yangi ish o‘rni yaratildi.

Concrete

Oʻzbekiston Respublikasi Prezidenti Shavkat Mirziyoyev amaliy tashrif bilan Pekinga keldi.

“Shoudu” xalqaro aeroportida davlatimiz rahbarini Xitoy rasmiy shaxslari kutib oldi.

Birinchi “Bir makon, bir yoʻl” xalqaro forumi 2017 yilda oʻtkazilgan, unda ham davlatimiz rahbari qatnashgan edi. Bu galgi sammitda 40 dan ziyod mamlakat, xalqaro va mintaqaviy tashkilotlar rahbarlari ishtirok etishi kutilmoqda.

Anjuman kun tartibidan mintaqadagi iqtisodiy hamkorlikni yanada mustahkamlash, uzoq muddatli taraqqiyotning yangi manbalarini izlab topish borasidagi sheriklikni faollashtirish, “yashil” iqtisodiyot va innovatsiyalarni ilgari surish, ustuvor infratuzilmaviy loyihalarni amalga oshirish masalalari oʻrin olgan.

Concrete

Mamlakatimizda davlat tashrifi bilan bo‘lib turgan Koreya Respublikasi Prezidenti Mun Chje In Samarqand shahriga keldi. 

Prezident Shavkat Mirziyoyev va Prezident Mun Chje In rafiqalari bilan Samarqanddagi tarixiy obidalarni ko‘zdan kechirdi.
Davlat rahbarlari dastlab Mirzo Ulug‘bek rasadxonasi va muzeyini borib ko‘rdi. Amir Temurning suyukli nabirasi bo‘lgan Muhammad Tarag‘ay Mirzo Ulug‘bek buyuk astronom olim va hukmdor sifatida ilm-fan va madaniyat rivojiga katta hissa qo‘shgan. O‘rta asrlardayoq noyob rasadxona kashf qilib, osmon jismlarini juda aniq o‘rgangan. Uning “Ziji jadidi Ko‘ragoniy” asari dunyo astronomiyasida muhim qo‘llanma bo‘lib xizmat qilgan. 

Mirzo Ulug‘bek haqida koreyaliklar ham ma’lumotga ega ekani, bu yerga kelgan kishi uning zehni, ilm-fan rivojiga qo‘shgan hissasi kattaligiga yana bir bor ishonch hosil qilishi ta’kidlandi.

Concrete

Oʻzbekiston Respublikasi Prezidenti Shavkat Mirziyoyev “Masdar City” texnoparkiga tashrif buyurdi.

“Masdar City” zamonaviy texnologiyalar va muhandislik yutuqlari asosida bunyod etilgan innovatsion shaharchadir. 600 gektarni egallagan texnopark ekologik toza hudud hisoblanib, bu yerda faqatgina muqobil energiya – quyosh batareyalari va fotoelektr qurilmalaridan foydalaniladi. Hududga avtomobillar kirishi taqiqlangan. Manzillarga haydovchisiz boshqariladigan elektr transportlarida boriladi.

Oxirgi o'zgartirish Payshanba, 28 Mart 2019 10:19

Concrete

Abu-Dabi shahridagi “Qasr al-Vatan” saroyida Oʻzbekiston Respublikasi Prezidentini rasmiy kutib olish marosimi boʻldi.

Oliy martabali mehmon sharafiga faxriy qorovul saf tortdi. Oʻzbekiston va Birlashgan Arab Amirliklari davlat madhiyalari yangradi.

Shundan so’ng ikki davlat rasmiy delegatsiyalarining kengaytirilgan tarkibdagi muzokaralari boshlandi.

Oxirgi o'zgartirish Seshanba, 26 Mart 2019 09:31

Concrete

Birlashgan Arab Amirliklari poytaxti Abu-Dabi xalqaro aeroportida davlatimiz rahbarini BAA Bosh vaziri oʻrinbosari, Prezident ishlari boʻyicha vazir Shayx Mansur bin Zoid Ol Nahayon kutib oldi.

Aeroportda tomonlarning qisqa suhbati boʻlib oʻtdi. Unda oliy darajadagi uchrashuvlar kun tartibiga kiritilgan ikki tomonlama hamkorlikka oid dolzarb masalalar koʻrib chiqildi.

Concrete

Bugun Toshkent shahrida “Humo Arena” koʻp tarmoqli muz saroyining tantanali ochilish marosimi boʻldi.

Tadbirda Oʻzbekiston Respublikasi Prezidenti Shavkat Mirziyoyev ishtirok etib, barchani ushbu qutlugʻ voqea bilan tabrikladi.

Davlatimiz rahbari mamlakatimizda olib borilayotgan keng miqyosli islohotlarda sogʻlom va barkamol yosh avlodni tarbiyalash, jismoniy tarbiya va sportni rivojlantirishga alohida ahamiyat qaratilayotganini taʼkidladi.

– Yurtimizning barcha hududlarida, hatto olis tumanlarda zamonaviy va ommabop sport infratuzilmasi yaratilmoqda. Jismoniy tarbiya va sport bilan shugʻullanuvchilar soni oshib bormoqda. Keyingi ikki yilda Oʻzbekiston sportchilari xalqaro musobaqalarda mingdan ziyod, shu jumladan, 400 dan ortiq oltin medallarni qoʻlga kiritdi,dedi Shavkat Mirziyoyev.

Concrete

Toshkentda 8-mart – Xalqaro xotin-qizlar kuni munosabati bilan tantanali bayram tadbiri boʻlib oʻtdi.

Oʻzbekiston Respublikasi Prezidenti Shavkat Mirziyoyev mamlakatimiz xotin-qizlarini bayram bilan tabriklab, ularga chuqur hurmat-ehtirom va eng ezgu tilaklarini bildirdi.

– Bugungi quvonchli ayyomda dunyoda “fidoyi” degan soʻzga eng munosib boʻlgan Ona siymosi oldida taʼzim qilamiz. Hayotimiz quvonchi, xonadonlarimiz koʻrki boʻlmish aziz ayollarimiz shaʼniga eng goʻzal tilaklarimizni izhor etamiz. Ayol siymosi Yaratganning tengsiz moʻjizasi boʻlib kelgan va hamisha shunday boʻlib qoladi, – dedi davlatimiz rahbari.

Concrete

Oʻzbekiston Respublikasi Prezidenti Shavkat Mirziyoyev 7-mart kuni Iqtisodiy hamkorlik boʻyicha Oʻzbekiston-Rossiya hukumatlararo komissiyasi hamraisi, Rossiya Federatsiyasi iqtisodiy rivojlanish vaziri Maksim Oreshkinni qabul qildi.

Davlatimiz rahbari mehmonni samimiy qutlar ekan, Oʻzbekiston bilan Rossiya oʻrtasidagi doʻstlik, strategik sheriklik va ittifoqchilik munosabatlari, shuningdek, koʻp qirrali amaliy hamkorlik jadal rivojlanib, izchil mustahkamlanib borayotganini katta mamnuniyat bilan qayd etdi.

Oxirgi o'zgartirish Dushanba, 11 Mart 2019 10:45

Concrete

Oʻzbekiston Respublikasi Prezidenti Shavkat Mirziyoyev 5 mart kuni koʻmir qazib olish tarmogʻini barqaror rivojlantirish masalalari boʻyicha yigʻilish oʻtkazdi. 

Koʻmirchilik yoqilgʻi-energetika taʼminotining ajralmas qismi boʻlib, iqtisodiyot tarmoqlari, aholining ijtimoiy hayoti bilan bogʻliq muhim sohalardan biridir. 

Oxirgi o'zgartirish Chorshanba, 06 Mart 2019 10:56

Concrete

Oʻzbekiston Respublikasi Prezidenti Shavkat Mirziyoyev joylarda amalga oshirilayotgan bunyodkorlik ishlari, yirik loyihalar bilan tanishish, xalq bilan muloqot qilish maqsadida 28 fevral – 1 mart kunlari Namangan viloyatida boʻldi.

Bahorning ilk kunini namanganliklar katta quvonch va ezgu orzu-umidlar bilan kutib oldi. Ana shunday qutlugʻ kunlarda davlatimiz rahbarining viloyatga tashrifi yoshu qarini yanada ruhlantirib yubordi.

Tashrifning ikkinchi kuni Prezident Shavkat Mirziyoyev Namangan shahrida viloyat iqtisodiyotini rivojlantirish, aholi turmush sharoitini yanada yaxshilash masalalariga bagʻishlangan yigʻilish oʻtkazdi. Videokonferensaloqa shaklida oʻtgan yigʻilishda viloyat faollari, deputatlar, davlat va jamoat tashkilotlari rahbarlari, shaharlar va tumanlar hokimlari, nuroniylar, yosh tadbirkorlar, keng jamoatchilik vakillari ishtirok etdi.

Oxirgi o'zgartirish Seshanba, 05 Mart 2019 17:28

Concrete

Oʻzbekiston Respublikasi Prezidenti Shavkat Mirziyoyev joylarda amalga oshirilayotgan bunyodkorlik ishlari, yirik loyihalar bilan tanishish, xalq bilan muloqot qilish maqsadida 28 fevral kuni Namangan viloyatiga tashrif buyurdi. 

Davlatimiz rahbarining 2018 yil 2-3 may kunlari viloyatga tashrifi chogʻida bergan topshiriqlari ijrosini taʼminlash borasida muayyan ishlar amalga oshirildi. Sanoat, transport, qurilish, qishloq xoʻjaligi, xizmat koʻrsatish kabi tarmoqlarni izchil rivojlantirish, uy-joylar barpo etish, aholi farovonligini yuksaltirishga alohida eʼtibor qaratildi.

Prezidentimiz Namangan viloyatiga bu galgi tashrifini Toʻraqoʻrgʻon issiqlik elektr stansiyasi qurilishi bilan tanishishdan boshladi.

Concrete

Oʻzbekiston Respublikasi Prezidenti Shavkat Mirziyoyev 27 fevral kuni Jahon bankining Yevropa va Markaziy Osiyo mintaqasi boʻyicha vitse-prezidenti Siril Myuller boshchiligidagi delegatsiyani qabul qildi.

Davlatimiz rahbari mehmonlarni samimiy qutlar ekan, Oʻzbekiston Respublikasi bilan Jahon banki guruhlari oʻrtasidagi samarali sheriklik jadal rivojlanayotganini alohida taʼkidladi.

Keyingi yillardagi izchil aloqalar va konstruktiv muloqot ikki tomonlama hamkorlikni kengaytirish, uni yangi istiqbolli dasturlar bilan boyitishga xizmat qilayotgani qayd etildi. Ushbu nufuzli xalqaro moliyaviy institut bilan hamkorlik samaradorligi va uning investitsiyalari hajmi salmoqli darajada oshdi.

Oxirgi o'zgartirish Payshanba, 28 Fevral 2019 12:30

Concrete

Oʻzbekiston Respublikasi Prezidenti Shavkat Mirziyoyev 26 fevral kuni Oʻzbekiston – AQSH siyosiy maslahatlashuvlarining navbatdagi uchrashuvida ishtirok etish uchun mamlakatimizga kelgan AQSH Davlat kotibining Janubiy va Markaziy Osiyo masalalari boʻyicha yordamchisi vazifasini bajaruvchi Elis Uellsni qabul qildi. Bu haqda Oʻzbekiston Respublikasi Prezidenti Matbuot xizmati xabar bermoqda.

Davlatimiz rahbari mehmonni qutlab, oʻzaro ishonch va hurmatga asoslangan ikki tomonlama munosabatlar izchil rivojlanib borayotganini yuksak baholadi.

Oʻzbekiston Respublikasi Prezidentining 2018 yil may oyida Amerika Qoʻshma Shtatlariga rasmiy tashrifi strategik sheriklikning yangi davrini boshlab bergan tarixiy voqea boʻlgani qayd etildi.

Oxirgi o'zgartirish Payshanba, 28 Fevral 2019 12:31

Concrete

Oʻzbekiston Respublikasi Prezidenti Shavkat Mirziyoyev 21 fevral kuni neft-gaz va kimyo sanoatida olib borilayotgan islohotlar natijadorligini tahlil qilish, ushbu tarmoqlarni tizimli rivojlantirish masalalariga bagʻishlangan yigʻilish oʻtkazdi. 

Mamlakatimizda yoqilgʻi-energetika sohalarini uygʻun rivojlantirish va energiya manbalarini diversifikatsiya qilish boʻyicha izchil ishlar amalga oshirilmoqda. Bu iqtisodiyot tarmoqlari va aholining energiya resurslariga ortib borayotgan ehtiyojini qondirishda muhim omil boʻlmoqda. 

Joriy yilgi Investitsiya dasturiga mazkur soha boʻyicha umumiy qiymati 27,8 milliard dollarlik 26 ta loyiha kiritilgan. Prezidentimiz ushbu loyihalar bilan har kuni shugʻullanish, ularning oʻz muddatida va sifatli amalga oshirilishini taʼminlash zarurligini taʼkidladi. 

Oxirgi o'zgartirish Juma, 22 Fevral 2019 09:48

Concrete

Oʻzbekiston Respublikasi Prezidenti Shavkat Mirziyoyev joylarda amalga oshirilayotgan islohotlar jarayoni, bunyodkorlik ishlari, yirik loyihalar bilan tanishish, xalq bilan muloqot qilish maqsadida 19 fevral kuni Sirdaryo viloyatiga tashrif buyurdi.

Davlatimiz rahbarining 2018 yil 13 aprelda Sirdaryoga tashrifi davomida berilgan topshiriqlar va Sayxunobod tumanida oʻtgan yigʻilish yakuniga asosan viloyatni 2018-2019yillarda ijtimoiy-iqtisodiy rivojlantirish dasturi doirasida xizmat koʻrsatish va servis, qishloq xoʻjaligi tarmoqlarida qiymati 6,3 trillion soʻmlik 302 ta loyiha amalga oshirilib, 15 ming 458 yangi ish oʻrni tashkil etish belgilangan edi.

Prezidentimiz viloyatga bu galgi tashrifini Sirdaryo tumanidagi “Sirdaryo universal oyna” masʼuliyati cheklangan jamiyati faoliyati bilan tanishishdan boshladi. “Sirdaryo” erkin iqtisodiy zonasi hududida tashkil etilgan mazkur korxonada farmatsevtika va oziq-ovqat sanoati uchun shisha idishlar ishlab chiqariladi. Oʻtgan yil iyun oyida faoliyat boshlagan korxonada qiymati 50,1 million dollarlik loyiha amalga oshirilib, import oʻrnini bosuvchi mahsulotlar ishlab chiqarish yoʻlga qoʻyildi.

Oxirgi o'zgartirish Chorshanba, 20 Fevral 2019 09:48

Concrete

Oʻzbekiston Respublikasi Prezidenti Shavkat Mirziyoyev raisligida 6 fevral kuni iqtisodiyot tarmoqlari va hududlarda eksport hajmini oshirish borasidagi eng muhim vazifalarga bagʻishlangan videoselektor yigʻilishi boʻlib oʻtdi. 

Unda Bosh vazir va uning oʻrinbosarlari, vazirlik va idoralar rahbarlari, videokonferensaloqa orqali Qoraqalpogʻiston Respublikasi, viloyatlar, Toshkent shahar rahbariyati, yirik kompaniyalar vakillari, elchilar ishtirok etdi. 

Eksport – iqtisodiyot barqarorligining asosiy omili. Valyuta zaxiralarini koʻpaytirishning yagona yoʻli ham eksport hajmini keskin oshirishdir. 

Oxirgi o'zgartirish Payshanba, 07 Fevral 2019 09:32

Concrete

Oʻzbekiston Respublikasi Prezidenti Shavkat Mirziyoyev 4 fevral kuni Germaniya, Fransiya, Hindiston va Birlashgan Arab Amirliklari bilan ikki tomonlama hamkorlikni yanada kengaytirish, jumladan, qabul qilingan “yoʻl xaritalari” ijrosini soʻzsiz taʼminlash masalalariga bagʻishlangan yigʻilish oʻtkazdi. 

Investitsiya iqtisodiy taraqqiyotning asosiy harakatlantiruvchi kuchidir. Shu bois, bu masala davlatimiz rahbarining doimiy eʼtiborida boʻlib kelmoqda. 2019 yil mamlakatimizda “Faol investitsiyalar va ijtimoiy rivojlanish yili” deb eʼlon qilindi. Bu yoʻnalishdagi ishlar samaradorligini oshirish maqsadida Oʻzbekiston Respublikasi Investitsiyalar va tashqi savdo vazirligi tashkil etildi. 

Yigʻilishda mamlakatimiz iqtisodiyotiga investitsiyalarni jalb etish orqali biznesni rivojlantirish, ish oʻrinlari yaratish boʻyicha muayyan ishlar amalga oshirilayotgani, lekin bu hali yetarli emasligi taʼkidlandi. 

Investitsiya bilan shugʻullanuvchi kadrlar yetishmaydi. Investorlar bilan ishlash tizimini takomillashtirish, mavjud infratuzilmani rivojlantirish zarur. Shu bois, bu soha boʻyicha hali yana koʻp ishlashimiz, izlanishimiz kerak. Xorijdan investitsiya kirmasa, mamlakat rivojlanmaydi, dedi Shavkat Mirziyoyev.

Concrete

Oʻzbekiston Respublikasi Prezidenti Shavkat Mirziyoyev joylarda ijtimoiy-iqtisodiy islohotlarning borishi, amalga oshirilayotgan bunyodkorlik ishlari, yirik loyihalar bilan tanishish maqsadida 30 yanvar kuni Jizzax viloyatiga keldi. 

Xalqimiz davlatimiz rahbarining viloyatlarga tashrifini alohida qiziqish bilan kuzatib boradi. Zero, bu kabi tashriflar chogʻida oddiy odamlar dilidagi gaplar aytiladi, hayotiy muammolarga yechim topiladi, yangi tashabbuslar, gʻoyalar amalga oshishiga turtki beriladi. 

Prezidentimizning Jizzax viloyatiga bu galgi tashrifi ham ana shunday koʻtarinki ruhda boshlandi. 

Oxirgi o'zgartirish Payshanba, 31 Yanvar 2019 09:43

Concrete

Oʻzbekiston Respublikasi Prezidenti Shavkat Mirziyoyev 29 yanvar kuni valyuta siyosati va tashqi savdo faoliyati sohasini takomillashtirish boʻyicha amalga oshirilayotgan chora-tadbirlar natijadorligi tahliliga bagʻishlangan yigʻilish oʻtkazdi. 

Yigʻilishda qayd etilganidek, iqtisodiyot rivojlanishi va tadbirkorlar faoliyati uchun katta toʻsiq boʻlib kelgan valyutani erkin sotib olish va sotish borasidagi cheklov va muammolar bartaraf etildi. Eʼtiborlisi shundaki, oldingi yillarda eksport tushumlari boʻyicha majburiy sotuv talabi bor paytda eksportdan tushgan valyuta tushumlarining ichki bozorga ishlatilishi 30 foizni tashkil etgan boʻlsa, bunday cheklov va talablar olib tashlanganidan keyin ushbu koʻrsatkich 61 foizga yetdi. 

Buning natijasida tashkilotlar oʻzlari uchun zarur xom ashyo va asbob-uskunalarni xarid qilish, joriy va investitsiya ehtiyojlarini qoplash imkoniyatiga ega boʻldi, shuningdek, oʻtgan yili sanoat hajmi 14,4 foiz, eksport tushumi 19 foiz oʻsdi va eksportyorlarning banklarga sotgan valyutasi miqdori 1,9 barobar oshishiga erishildi. 

Oxirgi o'zgartirish Payshanba, 31 Yanvar 2019 10:01

Concrete

Oʻzbekiston Respublikasi Prezidenti Shavkat Mirziyoyev 24 yanvar kuni 2019 yilda Toshkent shahrida amalga oshiriladigan investitsiya loyihalariga oid maʼlumotlar bilan tanishdi. 

Davlatimiz rahbari 2018 yil 21 dekabr kuni xalq deputatlari Toshkent shahar Kengashining navbatdan tashqari sessiyasida poytaxtimizga yirik biznes vakillari va salohiyatli investorlarni jalb qilish, shaharda eng qulay investitsiya muhitini yaratish zarurligini taʼkidlagan edi. 

Shunga muvofiq, joriy yil 4 yanvar kuni Oʻzbekiston Respublikasi Vazirlar Mahkamasining “Toshkent shahrini infratuzilmaviy rivojlantirishga toʻgʻridan-toʻgʻri xorijiy investitsiyalarni jalb qilishga doir qoʻshimcha chora-tadbirlar toʻgʻrisida”gi qarori qabul qilindi. Mazkur qarorga koʻra, 2019 yilda Toshkent shahri iqtisodiyotiga 2 milliard 700 million dollar miqdorida toʻgʻridan-toʻgʻri xorijiy investitsiyalar jalb etish, buning evaziga 273 ta loyihani amalga oshirish belgilangan. 

Concrete

Oʻzbekiston Respublikasi Prezidenti Shavkat Mirziyoyev rasmiy tashrif bilan Germaniya Federativ Respublikasida boʻlib turibdi. 

Tashrifning ikkinchi kuni Oʻzbekiston Prezidenti Shavkat Mirziyoyev Myunxen shahrida Bavariya Bosh vaziri Markus Zyoder bilan uchrashdi. 

Davlatimiz rahbari faxriy mehmonlar kitobiga dastxat qoʻydi.

Oxirgi o'zgartirish Chorshanba, 23 Yanvar 2019 11:52

Concrete

Oʻzbekiston Respublikasi Prezidenti Shavkat Mirziyoyev Germaniya Federativ Respublikasi Federal kansleri Angela Merkelning taklifiga binoan 2019 yil 20 yanvar kuni rasmiy tashrif bilan ushbu mamlakatga keldi. 

21 yanvar kuni Berlin shahridagi Belvyu saroyida Oʻzbekiston Respublikasi Prezidentini rasmiy kutib olish marosimi boʻldi. Shavkat Mirziyoyevni Germaniya Federativ Respublikasi Prezidenti Frank-Valter Shtaynmayer kutib oldi. 

Davlatimiz rahbari faxriy mehmonlar kitobiga imzo qoʻydi. Oliy martabali mehmon sharafiga faxriy qorovul saf tortdi. Oʻzbekiston va Germaniya davlat madhiyalari yangradi. Prezidentlar faxriy qorovul safi oldidan oʻtdi. 

Concrete

Oʻzbekiston Respublikasi Prezidenti Shavkat Mirziyoyev 20 yanvar kuni rasmiy tashrif bilan Germaniya poytaxti Berlin shahriga keldi. Bu haqida prezident matbuot xizmati xabar bermoqda.

Tegel xalqaro aeroportida oliy martabali mehmon sharafiga faxriy qorovul saf tortdi. Davlatimiz rahbarini Germaniya rasmiy shaxslari kutib oldi.

Concrete

Oʻzbekiston Respublikasi Prezidenti Shavkat Mirziyoyev Hindiston Respublikasi Bosh vaziri Narendra Modining taklifiga binoan 17 yanvar kuni amaliy tashrif bilan Hindistonning Ahmadobod shahriga keldi.

Davlatimiz rahbarini Ahmadobod xalqaro aeroportida Hindiston Respublikasi rasmiy doiralari vakillari kutib oldi.

Prezidentimiz 18 yanvar kuni Gujarat shtati markazi Gandinagar shahrida “Joʻshqin Gujarat – 2019” IX xalqaro investitsiya sammitida ishtirok etadi.

Oxirgi o'zgartirish Juma, 18 Yanvar 2019 09:30

Concrete

Oʻzbekiston Respublikasi Prezidenti Shavkat Mirziyoyev 17 yanvar kuni “Joʻshqin Gujarat – 2019” IX xalqaro investitsiya sammitida ishtirok etish uchun Hindistonga joʻnab ketdi.

Sammitning asosiy tadbirlari ertaga, 18 yanvar kuni boʻlib oʻtadi.

Davlatimiz rahbari sammit yalpi sessiyasida nutq soʻzlaydi, shuningdek, Hindiston Bosh vaziri Narendra Modi bilan muzokara oʻtkazadi.

Oxirgi o'zgartirish Payshanba, 17 Yanvar 2019 16:07

Concrete

 

Oʻzbekiston Respublikasi Prezidenti Shavkat Mirziyoyev 2019 yil 20-22 yanvar kunlari rasmiy tashrif bilan Germaniya Federativ Respublikasida boʻladi.

Germaniya poytaxti Berlin shahrida Federal Prezident Frank-Valter Shtaynmayer, Federal kansler Angela Merkel va Bundestag Raisi Volfgang Shoyble bilan muzokaralar oʻtkaziladi.

Kun tartibidan siyosiy muloqotni yanada mustahkamlash, savdo-iqtisodiy, investitsiyaviy va moliyaviy hamkorlikni rivojlantirish, qoʻshma dastur va loyihalarni amalga oshirish, madaniy-gumanitar, fan-taʼlim va turizm sohalaridagi aloqalarni faollashtirish kabi masalalar oʻrin olgan.
 

Oxirgi o'zgartirish Chorshanba, 16 Yanvar 2019 09:46

Concrete

Oʻzbekiston Respublikasi Prezidenti Shavkat Mirziyoyev 10 yanvar kuni Toshkent shahri Yunusobod tumanidagi 7-ichki ishlar boʻlimiga tashrif buyurdi. 

Mamlakatimizda tinchlik-osoyishtalikni mustahkamlash, jamoat tartibini saqlash va jinoyatchilikning barvaqt oldini olishga qaratilgan tizimli ishlar amalga oshirilmoqda. Sohani takomillashtirish maqsadida keyingi ikki yilda 100 dan ortiq qonunchilik hujjatlari qabul qilindi. 

Davlatimiz rahbarining 2018 yil 14 fevraldagi qaroriga muvofiq, Toshkent shahrida jamoat tartibini saqlash, huquqbuzarliklar profilaktikasi va jinoyatchilikka qarshi kurashishning sifat jihatdan yangi tizimi joriy etildi. Ichki ishlar organlari barcha boʻgʻinlarining tuzilmasi va vakolatlari qayta koʻrib chiqilib, poytaxtimizda tajriba tariqasida 73 ta ichki ishlar boʻlimi tashkil etildi. Xodimlarning 65 foizi aholiga yaqin boʻlishi uchun quyi boʻgʻindagi ichki ishlar boʻlimlariga oʻtkazildi. Ularning bevosita joylarda samarali xizmat oʻtashi uchun munosib ijtimoiy-maishiy sharoit yaratib berildi.

Oxirgi o'zgartirish Juma, 11 Yanvar 2019 09:50

Concrete

Oʻzbekiston Respublikasi Prezidenti Shavkat Mirziyoyev raisligida 8 yanvar kuni joriy yilgi investitsiya loyihalarini amalga oshirishni jadallashtirish masalalariga bagʻishlangan videoselektor yigʻilishi boʻlib oʻtdi. 

Unda hukumat aʼzolari, Qoraqalpogʻiston Respublikasi Joʻqorgʻi Kengesi Raisi, viloyatlar va Toshkent shahar hokimlari, mamlakatimizning xorijdagi diplomatik vakolatxonalari rahbarlari ishtirok etdi. 

Faol investitsiya siyosati barqaror iqtisodiy taraqqiyotga erishishning eng muhim shartlaridan biridir. Shu bois davlatimiz rahbari tashabbusi bilan 2019 yil mamlakatimizda “Faol investitsiyalar va ijtimoiy rivojlanish yili”, deb eʼlon qilindi. 

2019 yilgi Investitsiya dasturiga 16,6 milliard dollarlik 3 mingdan ziyod loyiha kiritilgan. Bu 2018 yilga nisbatan 16 foiz koʻpdir. Jumladan, joriy yilgi Investitsiya dasturi doirasida umumiy qiymati 3,2 milliard dollar boʻlgan 140 ta ishlab chiqarish quvvatini foydalanishga topshirish rejalashtirilgan. 

Concrete

Qadrli vatandoshlar!

Muhtaram do’stlar!

Mana shu hayajonli, fayzli damlarda jonajon O’zbekistonimizga 2019 yil kirib kelmoqda.

Siz, azizlarni, ko’p millatli xalqimizni Yangi yil bayrami bilan chin qalbimdan muborakbod etaman.

Barchangizga ulug’ boylik bo’lgan oilaviy baxt va salomatlik tilayman.

Oxirgi o'zgartirish Juma, 04 Yanvar 2019 10:35

Concrete

Oʻzbekiston Respublikasi Prezidenti Shavkat Mirziyoyev raisligida 20 dekabr kuni yangi qabul qilingan soliq siyosati konsepsiyasini amaliyotga toʻliq tatbiq qilish masalalari boʻyicha videoselektor yigʻilishi oʻtkazildi.

Oxirgi o'zgartirish Juma, 21 Dekabr 2018 09:46

Concrete

Oʻzbekiston Respublikasi Prezidenti Shavkat Mirziyoyev 10-dekabr kuni AQSHning Afgʻonistondagi yarashish masalalari boʻyicha maxsus vakili Zalmay Xalilzod va AQSH Prezidenti yordamchisining oʻrinbosari, Milliy xavfsizlik kengashining Janubiy va Markaziy Osiyo boʻyicha katta direktori Liza Kyortisni qabul qildi.

Avval xabar berganimizdek, Chexiya Respublikasi Parlamenti Deputatlar palatasi raisining oʻrinbosari Filip Voytex boshchiligidagi biznes-delegatsiya mamlakatimizda boʻlib turibdi. 

Concrete

Oʻzbekiston Respublikasi Prezidenti Shavkat Mirziyoyev 27-noyabr kuni Birlashgan Millatlar Tashkilotining sobiq Bosh kotibi, bugungi kunda Yashil taraqqiyot global instituti assambleyasi va Xalqaro olimpiya qoʻmitasining Etika boʻyicha komissiyasiga rahbarlik qilayotgan Pan Gi Munni qabul qildi. 

Concrete

Oʻzbekiston Respublikasi Prezidenti Shavkat Mirziyoyev raisligida 22 noyabr kuni bank tizimini isloh qilish va banklarning moliyaviy barqarorligini mustahkamlash, hududlar va tadbirkorlikni rivojlantirishda tijorat banklari rolini oshirish masalalariga bagʻishlangan videoselektor yigʻilishi boʻlib oʻtdi.

Kredit ishlab chiqarish va infratuzilmani rivojlantirish, tadbirkorlik faoliyatini qoʻllab-quvvatlashda zarur manba hisoblanadi. Boʻsh mablagʻlarni jalb qilib, ularni kredit sifatida tadbirkor va investorlarga taqdim etadigan tijorat banklari iqtisodiy jarayonlarda muhim oʻrin tutadi.

Bu borada koʻrilgan tizimli choralar natijasida oxirgi ikki yilda banklar tomonidan investitsiya loyihalarini kreditlash koʻlami sezilarli darajada kengayib, kredit portfeli hajmi 3,2 barobar oshdi. Hududlarni rivojlantirish dasturlari doirasida 6 ming 400 ta loyiha uchun 27 trillion soʻmlik kredit ajratildi.

Concrete

Oʻzbekiston Respublikasi Prezidenti Shavkat Mirziyoyev 21-noyabr kuni Birlashgan Millatlar Tashkiloti Bosh kotibining oʻrinbosari, BMTning Jeneva shahridagi boʻlinmasi bosh direktori Maykl Myollerni qabul qildi. 

Davlatimiz rahbari mehmonni samimiy qutlar ekan, Samarqandda oʻtkaziladigan Inson huquqlari boʻyicha birinchi Osiyo forumi tadbirlarida ishtirok etish uchun Birlashgan Millatlar Tashkilotining nufuzli delegatsiyasi tashrifi Oʻzbekiston va BMT oʻrtasidagi ikki tomonlama hamkorlik izchil mustahkamlanib borayotganining yana bir tasdigʻi ekanini mamnuniyat bilan taʼkidladi. 

Oʻzaro aloqa va tashriflar sezilarli faollashgani mamlakatimizning Tashkilot tuzilma va institutlari bilan konstruktiv muloqotni yoʻlga qoʻyish hamda Barqaror taraqqiyot maqsadlariga erishishga qaratilgan samarali hamkorlikni mustahkamlashga xizmat qilgani qayd etildi. 

Concrete

Oʻzbekiston Respublikasi Prezidenti Shavkat Mirziyoyev 20-noyabr kuni neft-gaz sanoatidagi ishlar holatini muhokama qilish va sohani yanada rivojlantirish masalalariga bagʻishlangan yigʻilish oʻtkazdi. 

Neft-gaz sanoati mamlakatimiz iqtisodiyotida muhim oʻrin egallaydi. Ushbu soha nafaqat energiya ishlab chiqaradi, balki koʻplab tarmoqlar uchun zarur boʻlgan polimerlar, organik kimyoviy moddalar hamda azotli mineral oʻgʻitlar ishlab chiqarishda asosiy xomashyo bazasi hisoblanadi. 

Keyingi ikki yilda sohada amalga oshirilgan islohotlar natijasida gaz qazib chiqarish hajmi 10 foizga ortdi, aholiga tabiiy gaz 15 foiz va suyultirilgan gaz 1,6 barobar koʻp yetkazib berildi. 

Oxirgi o'zgartirish Chorshanba, 21 Noyabr 2018 10:21

Concrete

Oʻzbekiston Respublikasi Prezidenti Shavkat Mirziyoyev 19-noyabr kuni kongressmen Trent Kelli boshchiligidagi AQSH Kongressi delegatsiyasini qabul qildi. 

Davlatimiz rahbari tarkibida AQSH Vakillar palatasi aʼzolari Visente Gonsales, Ronald Estes, Rojer Marshall va Jennifer Gonsales Kolon ham boʻlgan delegatsiyani samimiy qutlar ekan, kongressmenlarni AQSH parlamentiga oraliq saylovning muvaffaqiyatli oʻtgani bilan tabrikladi. 

Keyingi yillarda koʻp qirrali Oʻzbekiston – AQSH hamkorligi jadal rivojlanib borayotgani chuqur mamnuniyat bilan qayd etildi. Joriy yil may oyida Vashingtonda boʻlib oʻtgan oliy darajadagi uchrashuvlar mamlakatlarimiz oʻrtasidagi strategik sheriklikning yangi davrini boshlab bergani taʼkidlandi. 

Concrete

Oʻzbekiston Respublikasi Prezidenti Shavkat Mirziyoyev joylarda amalga oshirilayotgan islohotlar, olib borilayotgan bunyodkorlikishlari, yirikloyihalarbilan tanishish maqsadida 15-noyabr kuni Qoraqalpogʻiston Respublikasiga tashrif buyurdi.

Davlatimiz rahbari Qoraqalpogʻistonga tashriflari chogʻida hudud iqtisodiyotini rivojlantirish, ijtimoiy sharoitlarni yaxshilash boʻyicha tizimli chora-tadbirlarni belgilab bergan edi. Oʻtgan davrda hududda qator loyihalar hayotga tatbiq etildi. “Obod qishloq”, “Obod mahalla” dasturlari doirasida keng koʻlamli obodonlashtirish ishlari muvaffaqiyatli amalga oshirilmoqda.

Prezidentimiz dastlab Nukus xalqaro aeroportida amalga oshirilgan modernizatsiya ishlarini koʻzdan kechirdi. 

Oʻzbekiston Respublikasi Oliy Majlisi Qonunchilik palatasida Mehnat va ijtimoiy masalalar qoʻmitasining kengaytirilgan yigʻilishi boʻlib oʻtdi. Unda mamlakatimiz bosh moliyaviy hujjatining ijrosi hamda 2019 yilga moʻljallangan davlat byudjeti loyihasi muhokama etildi. 

Tadbirda dastlab joriy yilda Oʻzbekiston Respublikasi davlat byudjeti va davlat maqsadli jamgʻarmalari byudjetlarining ijrosiga eʼtibor qaratilib, yil yakuni boʻyicha kutilayotgan prognoz natijalari muhokama qilindi. 

Concrete

Oʻzbekiston Respublikasi Prezidenti Shavkat Mirziyoyev raisligida 9-noyabr kuni sogʻliqni saqlash tizimini rivojlantirish, hududlar aholisini sifatli tibbiy xizmat bilan qamrab olish, tibbiyot muassasalari moddiy-texnik bazasini mustahkamlash borasidagi islohotlar natijalarini tahlil qilish va istiqboldagi ustuvor vazifalarni belgilashga bagʻishlangan videoselektor yigʻilishi oʻtkazildi. 

Davlatimiz rahbari barcha islohotlardan asosiy maqsad odamlar hayotini yaxshilash ekani, sifatli tibbiy xizmat bu borada muhim oʻrin tutishini taʼkidladi. 

Keyingi ikki yilda Prezidentning sohaga oid 50 ta farmon, qaror va farmoyishlari, Vazirlar Mahkamasining 70 dan ziyod qaror va farmoyishlari qabul qilindi. 6 ta yangi ilmiy-amaliy tibbiyot markazi tashkil etilib, ular soni 16 taga yetdi. Aholiga yanada qulaylik yaratish maqsadida hududlarda ularning 10 ta filiali ish boshladi. Tuman va shahar shifoxonalarida 306 ta yangi ixtisoslashgan boʻlim, 1 ming 200 ta tez tibbiy yordam shoxobchasi ochildi. 

Oxirgi o'zgartirish Dushanba, 12 Noyabr 2018 10:19

Concrete

Joriy yilning 3-noyabr kuni Vazirlar Mahkamasida 2018-yilning kutilayotgan yakunlari hamda Oʻzbekiston Respublikasining 2019-yil uchun asosiy makroiqtisodiy koʻrsatkichlari prognozi, soliq va byudjet siyosati konsepsiyasi, Davlat byudjeti loyihasi muhokamasiga bagʻishlangan kengaytirilgan yigʻilish oʻtkazildi. 

2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasining bosqichma-bosqich amalga oshirilishi, iqtisodiyot sohalarini jadal rivojlantirish va modernizatsiya qilish boʻyicha qabul qilingan choralar joriy yil uchun belgilangan makroiqtisodiy koʻrsatkichlarning bajarilishini taʼminlab berayotgani taʼkidlandi. 

Mahalliy hokimiyat organlarining mahalliy byudjet daromadlarini shakllantirishdagi erkinligini oshirish, soliq solinadigan bazani kengaytirish, shuningdek, agrar sektorni isloh qilish va valyuta bozorini liberallashtirish boʻyicha qabul qilingan tadbirlar natijasida 2018-yil yakunlariga koʻra, Davlat byudjetiga daromad tushumlari prognoz koʻrsatkichlarining oshirib bajarilishi kutilmoqda. 

Oxirgi o'zgartirish Seshanba, 06 Noyabr 2018 09:28

Concrete

Oʻzbekiston Respublikasi Prezidenti Shavkat Mirziyoyev raisligida 31-oktyabr kuni qishloq xoʻjaligini kompleks rivojlantirish, sohaga innovatsion texnologiyalarni keng joriy etish, mahsulotlar eksportini oshirish masalalariga bagʻishlangan yigʻilish oʻtkazildi. 

Keyingi ikki yilda qishloq xoʻjaligida tub islohotlar, tarkibiy oʻzgarishlar amalga oshirildi. Sohada bozor munosabatlarini joriy etish, qayta ishlash va eksport infratuzilmasini rivojlantirish boʻyicha juda koʻp ishlar qilindi. Fermer va dehqonlarning daromadini oshirish maqsadida yangicha tizim joriy qilinib, koʻplab dolzarb masalalar hal qilib berildi. Yetarli miqdorda mablagʻ ajratildi. 

Oxirgi o'zgartirish Payshanba, 01 Noyabr 2018 09:48

Concrete

Oʻzbekiston Respublikasi Prezidenti Shavkat Mirziyoyev 30-oktyabr kuni joriy yilda Davlat byudjetining kutilayotgan ijrosi, 2019-yilga moʻljallangan makroiqtisodiy koʻrsatkichlar, byudjet-soliq siyosatining asosiy yoʻnalishlari muhokamasiga bagʻishlangan yigʻilish oʻtkazdi. 

Yigʻilishda joriy yil yakuni boʻyicha Davlat byudjeti daromadlari 74,5 trillion soʻm, xarajatlari esa 78,5 trillion soʻmni tashkil etishi, mahalliy byudjetlar ixtiyorida 5,5 trillion soʻm yoki oʻtgan yilga nisbatan 6 barobar koʻp mablagʻ qolishi kutilayotgani qayd etildi. 

Oxirgi o'zgartirish Chorshanba, 31 Oktyabr 2018 09:36

Concrete

Oʻzbekiston Respublikasi Prezidenti Shavkat Mirziyoyev 26-oktyabr kuni Toshkent shahri Yunusobod tumaniga tashrif buyurib, bu yerda amalga oshirilishi moʻljallangan loyihalar, istiqboldagi rejalar bilan tanishdi. 

Toshkent shahrining 2018-2019 yillardagi investitsiya salohiyatiga oid maʼlumotlarga koʻra, ikki yilda poytaxtimizda 417 ta loyihani amalga oshirish va buning natijasida 25 mingdan ziyod ish oʻrni yaratish rejalashtirilgan. Ularning 264 tasi sanoat, 153 tasi xizmat koʻrsatish sohasiga tegishlidir. Joriy yilning 9 oyida jami loyihalar uchun 257,5 million dollar hajmdagi toʻgʻridan-toʻgʻri xorijiy investitsiyalar oʻzlashtirilgan. 

Concrete

Oʻzbekiston Respublikasi Prezidenti Shavkat Mirziyoyev 24-oktyabr kuni oliy taʼlim sohasini yanada rivojlantirish, kadrlar tayyorlash sifatini oshirish, ilm-fan va ishlab chiqarish integratsiyasini kengaytirish masalalariga bagʻishlangan yigʻilish oʻtkazdi. 

Keyingi yillarda oliy taʼlimni yangi bosqichga koʻtarishga qaratilgan qator muhim hujjatlar qabul qilindi. Zamonaviy taʼlim standartlari, talabalikka qabul qilishning shaffof tizimi joriy etildi. 2018-yilda umumiy qabul kvotalari oʻtgan yilga nisbatan 30 foiz oshdi.

Oxirgi o'zgartirish Payshanba, 25 Oktyabr 2018 14:33

Concrete

Oʻzbekiston Respublikasi Prezidenti Shavkat Mirziyoyev 22-oktyabr kuni Oʻzbekistonda AQSH biznesi haftaligi tadbirlarida ishtirok etish uchun mamlakatimizga kelgan Amerika – Oʻzbekiston savdo palatasi raisi Kerolin Lemm boshchiligidagi delegatsiyani qabul qildi. 

Davlatimiz rahbari mehmonlarni samimiy qutlar ekan, Oʻzbekiston va AQSH oʻrtasidagi koʻp qirrali hamkorlik jadal rivojlanib borayotganini alohida mamnuniyat bilan qayd etdi. Joriy yil may oyida AQSHga amalga oshirilgan oliy darajadagi tashrifning samarali natijalari strategik sheriklikning yangi davrini boshlash imkonini berdi. 

AQSHning “Jeneral Elektrik”, “Boing”, “SiEnEych Indastrial”, “Jon Dir”, “Xanivell”, “Silverlif”, “Uayt end Keys” va boshqa koʻplab kompaniyalari bilan savdo-iqtisodiy, investitsiya va innovatsiya sohalaridagi oʻzaro hamkorlik kengaymoqda. 

Concrete

Oʻzbekiston Respublikasi Prezidenti Shavkat Mirziyoyevning taklifiga binoan Rossiya Federatsiyasi Prezidenti Vladimir Putin davlat tashrifi bilan mamlakatimizda boʻldi. 

Tashrifning asosiy tadbirlari 19 oktyabr kuni boʻlib oʻtdi. 

Koʻksaroy qarorgohida boʻlib oʻtgan muzokaralarda Oʻzbekiston va Rossiya oʻrtasidagi savdo-iqtisodiy, investitsiyaviy hamkorlikni yanada rivojlantirish, transport-kommunikatsiya, energetika, qishloq xoʻjaligi, madaniy-gumanitar va boshqa sohalardagi aloqalarni yanada mustahkamlash masalalari muhokama qilindi. 

Tashrif asnosida jami 20 ta hujjat imzolandi. 

Oxirgi o'zgartirish Dushanba, 22 Oktyabr 2018 12:09

Concrete

Davlat rahbarlarining samarali muzokaralari yakunida salmoqli hujjatlar qabul qilindi.

Oʻzbekiston Respublikasi Prezidenti Shavkat Mirziyoyev va Rossiya Federatsiyasi Prezidenti Vladimir Putin Qoʻshma bayonotni imzoladi.

Bu haqda Oʻzbekiston Respublikasi Prezidenti Matbuot xizmati maʼlum qildi.

Tashrif doirasida imzolangan 2019-2024-yillarda iqtisodiy hamkorlik dasturi, 2019-2021-yillarda madaniy-gumanitar sohalarda hamkorlik dasturi, “Suffa” xalqaro radioastronomik observatoriyasini tashkil etish boʻyicha yoʻl xaritasi, Oʻzbekistonda Rossiyaning yetakchi oliy taʼlim muassasalari filiallarini tashkil etish va faoliyatini taʼminlash toʻgʻrisidagi bitim, Toʻqimachilik sanoatida hamkorlik toʻgʻrisidagi bitim oʻzaro almashildi.

Biz ijtimoiy tarmoqlarda

Ishonch telefoni bo'yicha murojaatlar statistikasi

O'zbekiston Respublikasi Moliya vazirligi ishonch telefoni orqali 2019 yil I chorak davomida jismoniy va yuridik shaxslardan kelib tushgan murojaatlarni ko'rib chiqish yuzasidan ma'lumot

Paris

Vazirlikka kelgan xatlar holatini ko'rish

Yangiliklar taqvimi

« Iyul 2019 »
Dush Sesh Chor Pay Jum Shan Yak
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Axborot-hisoblash markazining tezkor aloqa raqami (0-371) 239 15 62

Moliya vazirligi Axborot-hisoblash markazining "UzASBO va "DMBAT" dasturiy majmualari bo'yicha "Tezkor aloqasi"

Statistika

Hozir 1574 mehmonlar va ro'yxatdan o'tgan foydalanuvchi yo'q saytda

Arxiv

Ishonch telefonlariga bo'lgan qo'ng'iroqlarni baholash statistikasi

Agar siz matnda xatoliklarni aniqlasangiz, sichqoncha bilan belgilab, administratorni xabardor qilish uchun Ctrl+Enter tugmalarini bosing

© 2019 O'zbekiston Respublikasi Moliya vazirligi. Barcha huquqlar himoyalangan. Saytdan olingan
ma'lumotlardan foydalanilganda O'zbekiston Respublikasi Moliya vazirligining rasmiy veb sayti 
www.mf.uz ko‘rsatilishi shart. Saytni ishlab chiqish va qo'llab-quvvatlash Moliya vazirligi AHM tomonidan amalga oshiriladi

DMC Firewall is a Joomla Security extension!