Diana Gardanova
29
Iyul 2020
274 marta ko'rildi

O‘zbekiston Respublikasi Moliya vaziri o‘rinbosari Tursunov Yorqin Ergashevich olamdan o‘tdi

Concrete

Бугун, 55 ёшида Ўзбекистон Республикаси Молия вазири ўринбосари -Турсунов Ёрқин Эргашевич оламдан ўтди.

Ёрқин Турсунов Ватан равнақи, ўз иши учун ўзини оҳирги сонияларини бағишлаган улкан қалбли шахс эди.

20 йилдан ортиқ вақт мобайнида Ёрқин Эргашевич Молия вазирлиги тизимида ишлаган, у ерда ҳар доим ўзининг меҳнатсеварлиги, хар бир ишга юқори маъсулият ва пухталик билан ёндашиши, ҳар кимни тушуниш қобилияти билан ажралиб турар эди.

Ёрқин Эргашевич доимо мавжуд бўлган барча камчиликларни ўрганишга ҳаракат қилар эди, ҳар доим инсонлар билан мулокотга очиқ эди. Унинг бутун фаолияти ҳудудлар ва бутун мамлакатни ривожлантириш учун хизматга бағишланди. Ҳудудлар билан ишлаш мобайнида Республикнинг ташриф этмаган ягона минтақа, туман қолмади.

Ёрқин Эргашевич ҳеч қачон ўз тажрибалари, билимлари ва кўникмаларини ҳамкасблари ва шогирдлари билан бўлишишдан чарчамас эди. Кўп йиллик самарали меҳнати доирасида устоз-шогирд тамойиллари асосида кўплаб салоҳиятли кадрларни етказиб чиқаришда катта ҳисса қўшган раҳбар.

Зийрак раҳбар, олийжаноб ҳамкасб, намунали оила бошлиги, содиқ дўст ва улкан қалбли шахс. "Ватанга ҳалоллик ва садоқат билан хизмат қилиш" шиори билан яшаган ўз ишининг устаси ва мамлакат ватанпарвари, шижоатли ҳамда фидоий инсон бўлиб хотирланади, ва доимо қалбларимизда ажойиб инсон бўлиб қолади.

Ушбу оғир йўқотиш муносабати билан, Ё.Турсуновнинг оила аъзоларига таъзия билдириб, сабр тилаб қоламиз. 

Ёрқин Турсунов 1965 йилда Самарқанд вилоятинг Хатирчи туманида туғилган. 1990 йилда Тошкент халқ хўжалиги институтини бакалаврини тамомлаган. Мутахассислиги молиячи. 

Меҳнат фаолиятини 1990 йилда Самарқанд вилояти Каттақўрғон шаҳри ҳокимияти молия бўлими аҳолини ижтимоий ҳимоялашни молиялаштириш бўйича назоратчи инспектори, бюджет инспекцияси I тоифали иқтисодчиси лавозимидан бошлаган. 

1993- 2002 йилларда Самарқанд вилояти Каттақўрғон шаҳри ҳокимияти молия бўлими мудири ўринбосари – бюджет инспекцияси бошлиғи, кейинчалик бўлим мудири бўлган. 

2002-2006 йилларда Навоий вилояти ҳокимияти молия бошқармаси бошлиғи бўлиб ишлаган. 

2006-2012 ва 2016-2018 йилларда Молия вазири ўринбосари лавозимида фаолият юритган.

2012-2016 йилларда Ўзбекистон Республикаси Ички ишлар вазирининг ўринбосари – Ижтимоий ва молиявий таъминот хизмати бошлиғи

Молия вазири ўринбосари лавозимига қадар, Ёрқин Турсунов Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси ижро этувчи директори лавозимини эгаллаган.

Ҳудудларни комплекс ривожлантириш дастурлари, уларни молиялаштириш бўйича самарали фаолият олиб борган.

 

Молия вазирлиги

Ахборот хизмати

Oxirgi o'zgartirish Chorshanba, 29 Iyul 2020 14:42

Izoh qoldiring

Make sure you enter the (*) required information where indicated. HTML code is not allowed.

VALYUTA KURSLARI INFORMATORI

Ishonch telefoni reytingi

1 - ball -57 foydalanuvchi
2 - ball -18 foydalanuvchi
3 - ball -25 foydalanuvchi
4 - ball -22 foydalanuvchi
5 - ball -374 foydalanuvchi

© 2020 O'zbekiston Respublikasi Moliya vazirligi..Barcha huquqlar himoyalangan.

Saytdan olingan ma'lumotlardan foydalanilganda Moliya vazirligining veb sayti www.mf.uz ko‘rsatilishi shart.

Saytni ishlab chiqish va qo'llab-quvvatlash Moliya vazirligi  AHM tomonidan amalga oshiriladi