РУССКИЙ  |  O'ZBEKCHA  |  ENGLISH                          

       O'zbekiston Respublikasi Moliya Vazirligi

"Xalqaro moliyaviy hisobot standartlariga o'tish: muammo va afzalliklari" mavzusida seminar

10
Okt 2019
110 marta ko'rildi

"Xalqaro moliyaviy hisobot standartlariga o'tish: muammo va afzalliklari" mavzusida seminar

Concrete

2019 yil 8 oktabr kuni Moliya vazirligi tomonidan Ernst & Young xalqaro auditorlik kompaniyasi ekspertlari ishtirokida "Xalqaro moliyaviy hisobot standartlariga o'tish: muammo va afzalliklari" mavzusida seminar bo'lib o'tdi.

Ushbu seminardan asosiy maqsad moliyaviy hisobotning xalqaro standartlarini (MHXS) qo'llash bilan bog'liq dolzarb muammolarni muhokama qilish, shuningdek ularni hal qilish bo'yicha aniq takliflarni ishlab chiqish uchun MHXSga o'tishning oqibatlarini o'rganishdir.

Seminarning asosiy ishtirokchilari Markaziy bank, Davlat soliq qo'mitasi, Davlat aktivlarni boshqarish agentligi, kapital bozorini rivojlantirish agentligi mutaxassislari va respublika jamoat buxgalterlari uyushmalarining vakillari bo'ldi.

Concrete

Moliya vaziri o'rinbosari Dilshod Sultonov MHXSni keng joriy etish orqali mamlakat iqtisodiy rivojlanishining hozirgi bosqichida xorijiy investorlar uchun qulay axborot muhitini yaratadigan va natijada iqtisodiyot tarmoqlarining investitsiya va eksport salohiyatini oshiradigan, raqobatbardosh bozor iqtisodiyotiga o'tishni jadallashtirish muhim ahamiyatga ega ekanligini ta'kidladi.

Concrete

Seminar davomida “Ernst & Young” auditorlik kompaniyasining xalqaro ekspertlari MHXS va MHXSga o'tishda yuzaga kelishi mumkin bo'lgan qiyinchiliklarni va ushbu jarayonni tartibga solish bo'yicha turli mamlakatlar tajribasini ko'rib chiqdilar.

MHXS va buxgalteriya hisobining milliy standartlari o'rtasidagi asosiy farqlar, biznes jarayonlarining shaffofligini oshirish va moliyaviy ko'rsatkichlarni xalqaro miqyosda taqqoslash zarurligi muhokama qilindi.

Ta'kidlash joizki, Respublikada iqtisodiyotni liberallashtirish va rivojlantirish, ishbilarmonlik muhitini yaxshilash bo'yicha ko'rilayotgan chora-tadbirlar tadbirkorlik faoliyatini faol rivojlantirish uchun qulay shart-sharoitlar shuningdek, iqtisodiy islohotlarni yanada ilgari surish va mamlakatimizning jahon miqyosidagi o'rnini oshirish uchun zamin yaratdi.

Iqtisodiy salohiyatni kengaytirish va buxgalteriya hisobi va hisobotlarni yuritish milliy tizimini yangi bosqichga ko'tarish bo'yicha chora-tadbirlarni izchil amalga oshirish maqsadida Moliya vazirligi tomonidan "Xalqaro moliyaviy hisobot standartlariga bosqichma-bosqich o'tish bo'yicha qo'shimcha chora-tadbirlar to'g'risida" hukumat qarori loyihasi tayyorlandi.

Seminar yakunida ishtirokchilar buxgalteriya hisobining milliy standartlarini xalqaro standartlar asosida yanada uyg'unlashtirish bo'yicha qator oqilona takliflarni taqdim etdilar.

 Moliya vazirligi, buxgalterlar va auditorlarning hamjamiyati, shuningdek, buxgalteriya hisobi sohasi mutaxassislari bilan buxgalteriya hisobi tizimini MHXS asosida yanada rivojlantirish bo'yicha yaqin hamkorlik olib borishga qiziqish bildirdilar.

 

Oxirgi o'zgartirish Payshanba, 10 Oktyabr 2019 16:31

Izoh qoldiring

Make sure you enter the (*) required information where indicated. HTML code is not allowed.

Biz ijtimoiy tarmoqlarda

Ishonch telefoni bo'yicha murojaatlar statistikasi

Paris

Vazirlikka kelgan xatlar holatini ko'rish

Yangiliklar taqvimi

« Dekabr 2019 »
Dush Sesh Chor Pay Jum Shan Yak
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Axborot-hisoblash markazining tezkor aloqa raqami (0-371) 202 03 02

Moliya vazirligi Axborot-hisoblash markazining "UzASBO va "DMBAT" dasturiy majmualari bo'yicha "Tezkor aloqasi"

Statistika

Hozir birgina mehmon va ro'yxatdan o'tgan foydalanuvchi yo'q saytda

Arxiv

Ishonch telefonlariga bo'lgan qo'ng'iroqlarni baholash statistikasi

Agar siz matnda xatoliklarni aniqlasangiz, sichqoncha bilan belgilab, administratorni xabardor qilish uchun Ctrl+Enter tugmalarini bosing

© 2019 O'zbekiston Respublikasi Moliya vazirligi. Barcha huquqlar himoyalangan. Saytdan olingan
ma'lumotlardan foydalanilganda O'zbekiston Respublikasi Moliya vazirligining rasmiy veb sayti 
www.mf.uz ko‘rsatilishi shart. Saytni ishlab chiqish va qo'llab-quvvatlash Moliya vazirligi AHM tomonidan amalga oshiriladi

Our website is protected by DMC Firewall!