РУССКИЙ  |  O'ZBEKCHA  |  ENGLISH                          

       O'zbekiston Respublikasi Moliya Vazirligi

“DAVLAT XARIDLARI – TADBIRKOR BIZNESI RIVOJI UCHUN KENG IMKONIYATLAR POYDEVORI” MAVZUDAGI FORUMI PRESS RELIZI

26
Iyul 2019
2458 marta ko'rildi

“DAVLAT XARIDLARI – TADBIRKOR BIZNESI RIVOJI UCHUN KENG IMKONIYATLAR POYDEVORI” MAVZUDAGI FORUMI PRESS RELIZI

Concrete

O‘zbekiston Respublikasi Moliya vazirligi tomonidan joriy yilning 26 iyul kuni “Davlat xaridlari – tadbirkor biznesi rivoji uchun keng imkoniyatlar poydevori” forumi o‘tkazildi.

Forumda tadbirkorlik sub’ektlari bilan bir qatorda Jahon banki, Islom taraqqiyot banki vakillari, halqaro ekspertlar, O‘zbekiston Respublikasi Oliy Majlis Senati va Qonunchilik palatasi a’zolari, O‘zbekiston Respublikasi Prezidenti huzuridagi Tadbirkorlik sub’ektlarining huquqlari va qonuniy manfaatlarini himoya qilish bo‘yicha vakil o‘rinbosari, Bosh prokuratura, iqtisodiyot va sanoat, Qurilish va Adliya vazirliklari hamda manfaatdor vazirlik va idoralar vakillari, OAVlari ishtirok etdi. Forumni o‘tkazishdan ko‘zlangan asosiy maqsad davlat xaridlari jarayonida tadbirkorlik sub’ektlarining keng qamrovini ta’minlash bo‘yicha dolzarb muammolar yuzasidan fikrlar almashish, tahlil qilish, ularni amaldagi qonunchilik va ilg‘or xorijiy tajribani tahlil qilish orqali samarali hal etish yo‘llarini izlash hamda asosli tavsiya va takliflarni ishlab chiqish orqali davlat xaridlari samaradorligini yanada oshirish.

Ma’lumot uchun: Davlat xaridlari – davlat buyurtmachilarining tovarlar, ishlar va xizmatlarga asoslangan ehtiyojlarini ta’minlash jarayonidir.

Concrete

Xorijiy mamlakatlar tajribasi shuni ko‘rsatadiki, davlat xaridi byudjetning xarajatlar qismida katta salmoqni egallaydi, shu bilan birga u iqtisodiyotni boshqarishning muhim vositasi hisoblanadi. Hozirgi kunda dunyodagi ko‘plab mamlakatlar singari O‘zbekiston Respublikasida ham davlat xaridlari tizimini isloh etishga katta e’tibor qaratilmoqda. Hukumat tomonidan xarid jarayonlarining ochiq-oydinligi, shaffofligi va samaradorligini ta’minlash maqsadida elektron savdo jarayonlaridan foydalanish, davlat xaridlari jarayoniga tadbirkorlik sub’ektlarini keng jalb qilish orqali savdolarda sog‘lom raqobatni kuchaytirish bo‘yicha qator tadbirlar amaliyotga tatbiq etilmoqda. O‘zbekiston Respublikasida so‘ngi yillarda iqtisodiyotni modernizatsiya qilish, investitson muhit jozibadorligini oshirish maqsadida turli sohalar qatorida davlat xaridlari tizimida ham yangiliklar va keng qulayliklar yaratilmoqda. Xozirgi kunda Respublikamizda elektron do‘kon, boshlang‘ich narxini pasaytirish uchun auktsion, tender, tanlov va yagona yetkazib beruvchi bilan amalga oshiriladigan davlat xaridlari kabi besh usuldan foydlanilmoqda. Bu jarayonda eng avvalo tizimda yaxlitlik, ochiqlik va shaffoflik, raqobat va xolislik kabi printsiplarni keng ommalashtirish dolzarb vazifadir. Bu esa, o‘z navbatida mamlakatga xususiy sektor investitsiyalarini jalb etishda hamda investorlarni ichki bozorga bo‘lgan ishonchini oshirishda muhim omil sanaladi.

Concrete

Davlat xaridlari sohasidagi qonunchilik asoslarini takomillashtirish bilan birga xaridlarda raqobat muhitini rivojlantirish, oqilona xaridlarni amalga oshirishda tadbirkorlik sub’ektlarini davlat xaridlari jarayoniga keng jalb qilish bugungi kunning dolzarb masalasi hisoblanadi. Davlat xaridlari mablag‘lardan samarali foydalanishni ta’minlash barobarida iqtisodiyotda ishlab chiqarish salohiyatini kengaytirish, mavjud imkoniyat va xom ashyo resurslaridan oqilona foydalanish natijasida mahalliy ishlab chiqaruvchilarni qo‘llab-quvvatlashni yanada rivojlantirish imkonini yaratadi. Forum plenar sessiyalarga bo‘lingan holda o‘z ishini davom ettirdi. Qayd etish kerak, har bir plenar sessiyada bugungi kunda tadbirkorlik sub’ektlarini o‘ylantirib kelayotgan masalalar soha mutaxassislari bilan ochiq muhokama qilindi. Xususan, kichik biznes va xususiy sektor vakillari Davlat xaridlariga oid me’yoriy xujjatlarni takomillashtirish yo‘nalishlari sessiyasida tadbirkorlik sub’ektlari uchun sohadagi normativ-xuquqiy xujjatlarni takomilashtirish va bu borada aynan biznes vakillarining takliflarini o‘rganib tahlil qilish masalasi muhokamalar markazida bo‘ldi.

Concrete

Tadbirkorlik sub’ektlarini davlat xaridlariga keng jalb etish, raqobat muhitini oshirish masalalari mavzuidagi plenar sessiyada tadbirokrlikni yanada rivojlantirish uchun qulay sharoitlarni yaratish, tadbirkorlarini sanoat faoliyatiga keng jalb etish, tovarlar (ishlar, xizmatlar)ni standartlashtirish va sertifikatlashtirish tizimini takomillashtirish masalalari ko‘rib chiqildi. Tadbirkorlik sub’ektlariga yaratilayotgan imkoniyatlar, loyihalar va texnik topshiriqlarni ekspertizadan o‘tkazish, davlat-xususiy sheriklik masalalari plenar sessiyasida sog‘liqni saqlash tizimi, qurilish, arxitektura va shaharsozlikda amalga oshirilayotgan asosiy islohotlar va bunda tadbirkorlik sub’ektlarini qo‘llab-quvvatlash masalalari, davlat xaridlarini yanada takomillashtirish bo‘yicha taklif va tavsiyalar, kelgusidagi vazifalar to‘g‘risida tadbirkorlarga keng tushunchalar berildi. Ochiq va konstruktiv ruhda o‘tgan forumda tadbirkorlik sub’ektlari ham sohada yuzaga kelayotgan masalalar, echimini kutayotgan muammolar yuzasidan soha mutasaddilariga savollar bilan yuzalanishdi. Mazkur forum joylardagi barcha tadbirkorlik sub’ektlariga qulayliklar yaratish maqsadida onlayn muloqot tarzda respublikaning barcha hududlarini qamrab olgan tarzda tashkil etildi.

Oxirgi o'zgartirish Dushanba, 29 Iyul 2019 10:02

Izoh qoldiring

Make sure you enter the (*) required information where indicated. HTML code is not allowed.

Biz ijtimoiy tarmoqlarda

Ishonch telefoni bo'yicha murojaatlar statistikasi

O'zbekiston Respublikasi Moliya vazirligi ishonch telefoni orqali 2019 yil I chorak davomida jismoniy va yuridik shaxslardan kelib tushgan murojaatlarni ko'rib chiqish yuzasidan ma'lumot

Paris

Vazirlikka kelgan xatlar holatini ko'rish

Yangiliklar taqvimi

« Oktyabr 2019 »
Dush Sesh Chor Pay Jum Shan Yak
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Axborot-hisoblash markazining tezkor aloqa raqami (0-371) 239 15 62

Moliya vazirligi Axborot-hisoblash markazining "UzASBO va "DMBAT" dasturiy majmualari bo'yicha "Tezkor aloqasi"

Statistika

Hozir 948 mehmonlar va ro'yxatdan o'tgan foydalanuvchi yo'q saytda

Arxiv

Ishonch telefonlariga bo'lgan qo'ng'iroqlarni baholash statistikasi

Agar siz matnda xatoliklarni aniqlasangiz, sichqoncha bilan belgilab, administratorni xabardor qilish uchun Ctrl+Enter tugmalarini bosing

© 2019 O'zbekiston Respublikasi Moliya vazirligi. Barcha huquqlar himoyalangan. Saytdan olingan
ma'lumotlardan foydalanilganda O'zbekiston Respublikasi Moliya vazirligining rasmiy veb sayti 
www.mf.uz ko‘rsatilishi shart. Saytni ishlab chiqish va qo'llab-quvvatlash Moliya vazirligi AHM tomonidan amalga oshiriladi

DMC Firewall is developed by Dean Marshall Consultancy Ltd