РУССКИЙ  |  O'ZBEKCHA  |  ENGLISH                          

       O'zbekiston Respublikasi Moliya Vazirligi

O’ZBEKISTON RESPUBLIKASI PREZIDENTINING FARMONIGA ASOSAN 2019 YIL 1 AVGUSTDAN AHOLINING IJTIMOIY HIMOYAGA MUHTOJ QATLAMLARI MODDIY QO’LLAB-QUVVATLANADI

19
Iyul 2019
223 marta ko'rildi

O’ZBEKISTON RESPUBLIKASI PREZIDENTINING FARMONIGA ASOSAN 2019 YIL 1 AVGUSTDAN AHOLINING IJTIMOIY HIMOYAGA MUHTOJ QATLAMLARI MODDIY QO’LLAB-QUVVATLANADI

Mamlakatimizda aholi daromadlari va turmush darajasini oshirib borish, aholining ijtimoiy zaif qatlamlarini yanada ijtimoiy qo’llab-quvvatlash uchun qulay shart-sharoit yaratish hamda fuqarolarning ijtimoiy himoyasini kuchaytirish siyosati bosqichma-bosqich olib borilmoqda. Aholining ehtiyojmand qatlamlarini manzilli ijtimoiy himoya qilish davlat siyosatining ustuvor yo’nalishlaridan biri sifatida belgilangan.

Ushbu sayi xarakatlar davomi sifatida, O’zbekiston Respublikasi Prezidentining 2019 yil 12 iyulda imzolangan Farmoniga muvofiq, 2019 yil 1 avgustdan pensiya va ijtimoiy nafaqalarning miqdori 1,1 baravarga oshirilishi natijasida 3,5 mln. nafardan ortiq pensiya va ijtimoiy nafaqa oluvchilarning moddiy ta’minoti yanada yaxshilanadi.

Shuningdek, Farmonda 2019 yil 1 avgustdan boshlab nogironlar va imkoniyati cheklangan bolalarga, shu jumladan ijtimoiy himoyaga muhtoj aholi qatlamlarini yanada qo’llab-quvvatlashga alohida e’tibor qaratildi. Xususan:

II-guruh nogironligi bo’lgan shaxslarning nogironlik pensiyasi eng kam miqdorini belgilashga nisbatan yondashuv tubdan qayta ko’rib chiqildi. Yangi tartibga muvofiq II-guruh nogironligi bo’lgan shaxslar pensiyasining eng kam miqdori hozirgi yoshga doir eng kam pensiyaning 50 foizidan 75 foiziga oshiriladi. Ushbu o’zgartirish qariyib 50 ming nafarga yaqin nogirinligi bo’lgan shaxslarning pensiya miqdorini o’rtacha 145 foizga oshirishni ta’minlaydi.

II-guruh nogironligi bo’lgan yolg’iz shaxslarning pensiyasiga ustama miqdori hozirgi eng kam ish haqining 50 foizidan 75 foiziga oshirildi. Ya’ni, har oylik pensiyasi miqdoriga yana qo’shimcha ravishda 55,8 ming so’m qo’shiladi. 

E’tiborli jihati shundaki, shu vaqtga qadar pensiya tayinlash uchun etarlicha ish stajiga ega bo’lmagan nafaqa oluvchilarining nafaqa miqdorlariga qo’shimchalar umuman belgilanmagan bo’lib, joriy yilning 1 avgustidan boshlab ilk bor I-guruh nogironlik nafaqasi oluvchi, shu jumladan 16 yoshdan katta bolalikdan I-guruh nogironlariga, 23 mingdan ortiq shaxslarga eng kam ish haqining 25 foizi miqdorida, ya’ni 55 750 so’m miqdorda oylik qo’shimcha to’lovlar joriy qilinadi.

Boquvchisini yo’qotganlik nafaqalari oila a’zolarining soniga nisbatan amaldagi foiz hisobida yoshga doir eng kam pensiya miqdoridan kelib chiqib hisoblanadi.

Masalan, hozirgi kunda ikki nafar mehnatga layoqatsiz oila a’zosi uchun har oyda 182,5 ming so’m nafaqa olayotgan oila, joriy yil avgustdan boshlab har oyda 327,1 ming so’m yoki 144,6 ming so’mdan (79,2%) ko’p nafaqa olishadi.

Mazkur tadbirlar natijasida respublikamiz bo’yicha 100 mingdan ortiq pensiya va nafaqa oluvchilar hamda boquvchisini yo’qotgan oilalar moddiy jihatdan qo’llab-quvvatlanadilar.


 

Oxirgi o'zgartirish Juma, 19 Iyul 2019 16:11

Izoh qoldiring

Make sure you enter the (*) required information where indicated. HTML code is not allowed.

Biz ijtimoiy tarmoqlarda

Ishonch telefoni bo'yicha murojaatlar statistikasi

Paris

Vazirlikka kelgan xatlar holatini ko'rish

Yangiliklar taqvimi

« Dekabr 2019 »
Dush Sesh Chor Pay Jum Shan Yak
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Axborot-hisoblash markazining tezkor aloqa raqami (0-371) 202 03 02

Moliya vazirligi Axborot-hisoblash markazining "UzASBO va "DMBAT" dasturiy majmualari bo'yicha "Tezkor aloqasi"

Statistika

Hozir 337 mehmonlar va ro'yxatdan o'tgan foydalanuvchi yo'q saytda

Arxiv

Ishonch telefonlariga bo'lgan qo'ng'iroqlarni baholash statistikasi

Agar siz matnda xatoliklarni aniqlasangiz, sichqoncha bilan belgilab, administratorni xabardor qilish uchun Ctrl+Enter tugmalarini bosing

© 2019 O'zbekiston Respublikasi Moliya vazirligi. Barcha huquqlar himoyalangan. Saytdan olingan
ma'lumotlardan foydalanilganda O'zbekiston Respublikasi Moliya vazirligining rasmiy veb sayti 
www.mf.uz ko‘rsatilishi shart. Saytni ishlab chiqish va qo'llab-quvvatlash Moliya vazirligi AHM tomonidan amalga oshiriladi

DMC Firewall is developed by Dean Marshall Consultancy Ltd