Print this page
20
Fev 2019
311 marta ko'rildi

MUOMALA DAVRI 12 OY BO’LGAN DAVLAT QIMMATLI QOG’OZLARNI JOYLASHTIRISH BO’YICHA 2019 YIL 19 FEVRALDA O’TKAZILGAN AUKTSION NATIJALARI HAQIDA MA’LUMOT

Joriy yilning 19 fevral kuni Markaziy bank tomonidan Moliya vazirligi bilan birgalikda O’zbekiston Respublika valyuta birjasida muomala davri 12 oy bo’lgan 1 mln.so’m nominal qiymatga ega, umumiy hajmi 60 mlrd.so’mlik 60 ming dona davlat qimmatli qog’ozlarini joylashtirish bo’yicha auktsion savdolari o’tkazildi. Qimmatli qog’ozlar bo’yicha foiz to’lovlari xar chorak amalga oshiriladi.

Auktsionda 8ta diler ishtirok etib, ular tomonidan 123,3 mlrd.so’m hajmidagi 122 039 dona obligatsiyani sotib olish uchun raqobatli buyurtmanomalar taklif etildi.

Auktsion davomida 60 000 dona qimmatli qog’ozlar 60,9 mlrd.so’m qiymatida joylashtirildi (chiqarilish umumiy hajmining 100 foizi).

Qimmatli qog’ozlarni so’ndirish kuni (2020 yil 19 fevral) auktsionda joylashtirilgan davlat qimmatli qog’ozlarning so’ndiriladigan umumiy hajmi 69 mlrd.so’mni tashkil etadi.

Qimmatli qog’ozlarning o’rtacha tortilgan daromadliligi yillik 13,33 foizni tashkil etdi, bunda minimal daromadlilik darajasi - 12,20 foizni va chegirish narx bo’yicha maksimal daromadlilik darajasi - 13,81 foizni tashkil etdi. 

Oxirgi o'zgartirish Chorshanba, 20 Fevral 2019 16:19
DMC Firewall is developed by Dean Marshall Consultancy Ltd