Diana Gardanova
17
Avg 2020
1701 marta ko'rildi

Moliya vazirligining axborot tizimida elektron hisobvaraq-faktura orqali to‘lovlarni amalga oshirish mexanizmi amaliyotga tadbiq etilmoqda

Concrete

Ўзбекистон Республикаси Президентининг 2020 йил 27 июлда “Яширин иқтисодиётни қисқартириш ва коррупциянинг олдини олиш” масалалари муҳокама қилиниб ўтказилган йиғилишида белгиланган вазифалар ҳамда Ўзбекистон Республикаси Вазирлар Маҳкамасининг 2019 йил

25 июндаги “Ўзаро ҳисоб-китоблар тизимида электрон шаклдаги ҳисобварақ-фактуралардан фойдаланишни такомиллаштириш чора-тадбирлари тўғрисида”ги 522-сонли қарори ижросини сўзсиз таъминлаш мақсадида Молия вазирлиги томонидан бир қанча ишлар амалга оширилмоқда.

Юқоридаги қарор талабларига мувофиқ республика ҳудудида 2019 йил 1 июлдан бошлаб ихтиёрий равишда, 2020 йил 1 январдан бошлаб барча хўжалик юритувчи субъектлар учун ҳисобварақ-фактураларни электрон шаклда расмийлаштириш, сақлаш ва ҳисобини юритиш тизимини мажбурий тартибда жорий этиши белгиланган. Шундан келиб чиқиб, Ҳозирги кунда вазирлик томонидан “UzASBO Faktura” электрон ҳужжат алмашиш тизими (https://invoice.uzasbo.uz) ишга туширилган бўлиб, у Давлат Солиқ қўмитаси расмий оператори ҳисобланади.

Мазкур тизим орқали Давлат харидлари тартиб-тамойилларига асосан бюджет ташкилотлари ҳамда бюджет маблағлари олувчилар товар (иш, хизмат) етказиб берувчилари билан товар(иш, хизмат)лар учун харажатларни амалга оширишда инсон омилисиз, электрон ҳисобварақ-фактуралар орқали ўзаро ҳисоб-китоб қилиш механизми автоматлаштирилган ҳолда амалга оширилиши йўлга қўйилди.

Ушбу тизим энг замонавий талабларга жавоб берадиган даражада мукаммал ишлаб чиқилган бўлиб, фойдаланувчилар учун жуда осон ва бир қанча қулайликларга эга жумладан, унда:

1) Ташкилотлараро электрон ҳисобварақ-фактураларни ўзаро алмашиш

2) Электрон далолатномаларни (актлар) ўзаро алмашиш

3) Электрон ишончномаларни ўзаро алмашиш

4) Махсус бот орқали электрон ҳужжатларни Telegram мессенджерида ҳолатини билиб туриш

5) Тизимдаги ҳужжатлар устида бажарилган амалиётлар юзасидан фойдаланувчининг турли ҳисоботларни олиш имконияти

6) Excel кенгайтмали ҳужжатларни тизимга импорт қилиш

7)      Электрон ҳужжатларни чоп қилиш ва қатор бошқа имконият ҳамда қулайликлар мавжуд.

Бугунги кунда ушбу тизимда ташкилотлараро электрон ҳисобварақ-фактуралар юбориш орқали тўловларни амалга ошириш йўлга қўйилди. Истиқболда ушбу тизимни Молия вазирлигининг давлат молиясини бошқариш ахборот тизимига интеграция    қилиш ҳамда барча бюджет тизими бюджетлари томонидан махсулот (иш, хизмат) етказиб берувчилар билан юқоридаги Қарорга мувофиқ фақат электрон ҳисобварақ-фактура орқали тўловларни амалга ошириш ва қоғоз шаклда тақдим қилинадиган ҳисобварақ-фактураларни қабул қилмаслик режалаштирилган.

Тизим ҳозирги кунда долзарб ҳисобланиб, бюджет ижроси жараёнида инсон омилини камайтириш, назоратни кучайтириш, шаффофликни ошириш ва ходимларнинг оғирини енгил қилишини ҳамда ҳар бир операциянинг тезкор равишда бажарилишини таъминлашга хизмат қилади. Тизимда бухгалтерлар орасида оммалашган 1С тизими учун ҳам плагин мавжуд.

Ҳозирда “UzASBO Faktura” электрон ҳужжат алмашиш тизимига рўйхатдан ўтиш жараёни кетмоқда.  Бюджет ташкилотлари, бюджет маблағлари олувчилар ҳамда товар(иш, хизмат) етказиб берувчилари ўз саволлари билан Молия Вазирлиги Ахборот Ҳисоблаш марказига ва Молия вазирлиги Ғазначилигига мурожаат қилишлари мумкин.

 

Oxirgi o'zgartirish Dushanba, 17 Avgust 2020 10:09

Izoh qoldiring

Make sure you enter the (*) required information where indicated. HTML code is not allowed.

VALYUTA KURSLARI INFORMATORI

Ishonch telefoni reytingi

1 - ball -63 foydalanuvchi
2 - ball -19 foydalanuvchi
3 - ball -28 foydalanuvchi
4 - ball -25 foydalanuvchi
5 - ball -408 foydalanuvchi

© 2020 O'zbekiston Respublikasi Moliya vazirligi..Barcha huquqlar himoyalangan.

Saytdan olingan ma'lumotlardan foydalanilganda Moliya vazirligining veb sayti www.mf.uz ko‘rsatilishi shart.

Saytni ishlab chiqish va qo'llab-quvvatlash Moliya vazirligi  AHM tomonidan amalga oshiriladi