РУССКИЙ  |  O'ZBEKCHA  |  ENGLISH                          

       O'zbekiston Respublikasi Moliya Vazirligi

Diana Gardanova

Diana Gardanova

Concrete

Oʻzbekiston Respublikasi Prezidenti Shavkat Mirziyoyev 20 yanvar kuni rasmiy tashrif bilan Germaniya poytaxti Berlin shahriga keldi. Bu haqida prezident matbuot xizmati xabar bermoqda.

Tegel xalqaro aeroportida oliy martabali mehmon sharafiga faxriy qorovul saf tortdi. Davlatimiz rahbarini Germaniya rasmiy shaxslari kutib oldi.

Concrete

Oʻzbekiston Respublikasi Prezidenti Shavkat Mirziyoyev Hindiston Respublikasi Bosh vaziri Narendra Modining taklifiga binoan 17 yanvar kuni amaliy tashrif bilan Hindistonning Ahmadobod shahriga keldi.

Davlatimiz rahbarini Ahmadobod xalqaro aeroportida Hindiston Respublikasi rasmiy doiralari vakillari kutib oldi.

Prezidentimiz 18 yanvar kuni Gujarat shtati markazi Gandinagar shahrida “Joʻshqin Gujarat – 2019” IX xalqaro investitsiya sammitida ishtirok etadi.

Concrete

2019 yil 15 yanvar kuni Toshkent shahrida O'zbekiston Respublikasi Moliya vazirligi huzuridagi Davlat-xususiy sherikchiligini rivojlantirish agentligi  va Xalqaro moliya korporatsiyasi (IFC) tomonidan tashkil etilgan "Energetika va transport sohasidagi Davlat-xususiy sherikchiligi (DXSH)" mavzusidagi ikki kunlik davra suhbati o'z ishini boshladi.

O'zbekiston Respublikasi Moliya vazirligining maslahatchisi Remir Mukumov, IFCning O'zbekistondagi vakolatxonasi rahbari Zafar Xashimov, Yevropa va Markaziy Osiyoda DXSH maslahat xizmatlari menejeri Georgi Petrov va Shveytsariya elchixonasining vakili tadbirning kirish qismida so'zga chiqishdi. Tadbirda soha vazirliklarining mas'ul mutaxassislari ishtirok etdilar.

Davra suhbatida davlat va xususiy sektor hamkorligining mexanizmlari va investitsiya vositalariga asoslangan holda energetika va transport sohasiga investitsiyalarni jalb qilish imkoniyatlari muhokama qilindi. Mahalliy mutaxassislar havo transporti, yo'llar va energiya sohasida DXSH loyihalarini rejalashtirish va amalga oshirishda jahon tajribasining eng yaxshi misollari bilan tanishish imkoniga ega bo'ldilar. Buning uchun huquqiy asoslar, turli xil loyihalarni ishlab chiqish va amalga oshirish sohasida keng tajribaga ega bo'lgan mutaxassislar taklif etilgan.

Concrete

Oʻzbekiston Respublikasi Prezidenti Shavkat Mirziyoyev 17 yanvar kuni “Joʻshqin Gujarat – 2019” IX xalqaro investitsiya sammitida ishtirok etish uchun Hindistonga joʻnab ketdi.

Sammitning asosiy tadbirlari ertaga, 18 yanvar kuni boʻlib oʻtadi.

Davlatimiz rahbari sammit yalpi sessiyasida nutq soʻzlaydi, shuningdek, Hindiston Bosh vaziri Narendra Modi bilan muzokara oʻtkazadi.

“Dori-darmon” aksiyadorlik kompaniyasida Moliya vazirligi, O’zbekiston soliq maslahatchilari palatasi, “Dori-darmon” AK tarkibiga kiradigan korxonalar va tashkilotlar ishtirokida soliq va byudjet siyosatining 2019 yilga mo’ljallangan asosiy yo’nalishlari qabul qilinganligi munosabati bilan O’zbekiston Respublikasining Soliq kodeksiga kiritilgan o’zgartirish va qo’shimchalarning mazmun va mohiyatiga bag’ishlangan seminar o’tkazildi. 

Seminarning asosiy maqsadi 2019 yil uchun belgilangan soliq qonunchiligining yangi normalarini amaliyotda qo’llashni muhokama qilish bo’ldi.

Seminarda soliq siyosatining 2019 yilga mo’ljallangan asosiy yo’nalishlari va soliq qonunchiligiga kiritilgan o’zgartirishlar to’g’risida Moliya vaziri o’rinbosari D.Sultanov, hamda soliqlarni buxgalteriya hisobida aks ettirish masalalari va buxgalteriya hisobi to’g’risidagi qonun hujjatlaridagi o’zgarishlar bo’yicha Moliya vazirligining Buxgalteriya hisobi va audit uslubiyoti boshqarmasi bo’lim boshlig’i Sh.Haydarov ma’ruza qildi. 

Concrete

 

Oʻzbekiston Respublikasi Prezidenti Shavkat Mirziyoyev 2019 yil 20-22 yanvar kunlari rasmiy tashrif bilan Germaniya Federativ Respublikasida boʻladi.

Germaniya poytaxti Berlin shahrida Federal Prezident Frank-Valter Shtaynmayer, Federal kansler Angela Merkel va Bundestag Raisi Volfgang Shoyble bilan muzokaralar oʻtkaziladi.

Kun tartibidan siyosiy muloqotni yanada mustahkamlash, savdo-iqtisodiy, investitsiyaviy va moliyaviy hamkorlikni rivojlantirish, qoʻshma dastur va loyihalarni amalga oshirish, madaniy-gumanitar, fan-taʼlim va turizm sohalaridagi aloqalarni faollashtirish kabi masalalar oʻrin olgan.
 

Davlat moliyaviy nazorati bosh boshqarmasi va uning hududiy boshqarmalari tomonidan 2018 yilning 4-choragida Hukumat va huquqni muhofaza qiluvchi organlarning topshiriqlari, jismoniy shaxslarning murojaatlari hamda reja asosida byudjet tashkilotlarida jami 1 969 ta davlat moliyaviy nazorati tadbirlari o’tkazildi. 

O’tkazilgan nazorat tadbirlaridan 1 717 tasida moliyaviy intizomga rioya qilinmay sarflangan mablag’lar 29 mlrd.so’mni, shundan kamomad va o’zlashtirishlar 6 mlrd.so’mni, noqonuniy xarajatlar 23 mlrd.so’mni tashkil etdi.

Nazorat tadbirlarini o’tkazish jarayonida va uning natijalari yuzasidan berilgan ko’rsatmalarga asosan aniqlangan 18,5 mlrd.so’m miqdoridagi noto’g’ri sarflangan mablag’larni belgilangan tartibda tiklanishi ta’minlandi hamda 871 ta nazorat tadbirlari hujjatlari huquqiy baho berish uchun huquqni muhofaza qilish organlariga yuborildi.

Shuningdek, hisobot davrida byudjet intizomini buzgan byudjet tashkilotlarining 91 nafar rahbar va mansabdor shaxslari 59,8 mln.so’m miqdorida ma’muriy javobgarlikka tortildi.

Concrete

Oʻzbekiston Respublikasi Prezidenti Shavkat Mirziyoyev 10 yanvar kuni Toshkent shahri Yunusobod tumanidagi 7-ichki ishlar boʻlimiga tashrif buyurdi. 

Mamlakatimizda tinchlik-osoyishtalikni mustahkamlash, jamoat tartibini saqlash va jinoyatchilikning barvaqt oldini olishga qaratilgan tizimli ishlar amalga oshirilmoqda. Sohani takomillashtirish maqsadida keyingi ikki yilda 100 dan ortiq qonunchilik hujjatlari qabul qilindi. 

Davlatimiz rahbarining 2018 yil 14 fevraldagi qaroriga muvofiq, Toshkent shahrida jamoat tartibini saqlash, huquqbuzarliklar profilaktikasi va jinoyatchilikka qarshi kurashishning sifat jihatdan yangi tizimi joriy etildi. Ichki ishlar organlari barcha boʻgʻinlarining tuzilmasi va vakolatlari qayta koʻrib chiqilib, poytaxtimizda tajriba tariqasida 73 ta ichki ishlar boʻlimi tashkil etildi. Xodimlarning 65 foizi aholiga yaqin boʻlishi uchun quyi boʻgʻindagi ichki ishlar boʻlimlariga oʻtkazildi. Ularning bevosita joylarda samarali xizmat oʻtashi uchun munosib ijtimoiy-maishiy sharoit yaratib berildi.

Auditor malaka sertifikatini olish (uzaytirish) uchun navbatdagi malaka imtihoni Moliya vazirligining 2019 yil 8 yanvardagi buyrug’iga asosan 2019 yilning 6-7 fevral kunlarida (imtihon boshlanishi 2019 yil 6 fevral, soat 10:00da) Buxgalterlar va auditorlar milliy assotsiatsiyasi binosida (manzil: Toshkent shahri, Bodomzor yuli ko’chasi, 1A-uy) o’tkaziladi.

Malaka imtihonini topshirishga quyidagi da’vogarlar qo’yildi:

I.F. I.F.
1. Petrova Mariya 20. Nasirdinov Mirzoxid
2. Murodov Faxriddin 21. Usmonov Maxamadali
3. Kasimova Anora 22. Muydinov Giyosidin
4. Tilavov Ulashboy 23. Pak Oleg
5. Axmedov Ibraximjon 24. Toshboltaev Azim
6. Xujakulov Azamat 25. Volosina Nadejda
7. Raxmanov Kamoliddin 26. Badina Raisa
8. Abdukarimova Rumiya 27. Allayarov Azat
9. Ten Din Xo’n 28. Baxromov Sherxon
10. Suyundikova Gulnora 29. Xasanov Bobirmirzo
11. Kozimjonov Komiljon 30. Isomuxamedov Akbarjon
12. Perepelova Marina 31. Muxammadiev Abduvaxob
13. Nuraliev Raxim 32. Muxitdinov Xusnitdin
14. Agafonova Irina 33. Norkobilov Abdigaffar
15. Shergoziev Asror 34. Yulchiev Nodirjon
16. Ovsyanikova Natalya 35. Golosova Svetlana
17. Tsoy Oleg 36. Xakimov Faxriddin
18. Abduraxmonova Toxira 37. Mirzakarimova Dildora
19. Yuldasheva Sevara 38. Sattorov Nodirbek

Biz ijtimoiy tarmoqlarda

Ishonch telefoni bo'yicha murojaatlar statistikasi

O'zbekiston Respublikasi Moliya vazirligi ishonch telefoni orqali 2018 yil davomida jismoniy va yuridik shaxslardan kelib tushgan murojaatlarni ko'rib chiqish yuzasidan ma'lumot

Yangiliklar taqvimi

« Yanvar 2019 »
Dush Sesh Chor Pay Jum Shan Yak
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Axborot-hisoblash markazining tezkor aloqa raqami (0-371) 239 15 62

Moliya vazirligi Axborot-hisoblash markazining "UzASBO va "DMBAT" dasturiy majmualari bo'yicha "Tezkor aloqasi"

Obuna bo'lish

Statistika

Hozir 579 mehmonlar va ro'yxatdan o'tgan foydalanuvchi yo'q saytda

Arxiv

Ishonch telefonlariga bo'lgan qo'ng'iroqlarni baholash statistikasi

Agar siz matnda xatoliklarni aniqlasangiz, sichqoncha bilan belgilab, administratorni xabardor qilish uchun Ctrl+Enter tugmalarini bosing

© 2019 O'zbekiston Respublikasi Moliya vazirligi. Barcha huquqlar himoyalangan. Saytdan olingan
ma'lumotlardan foydalanilganda O'zbekiston Respublikasi Moliya vazirligining rasmiy veb sayti 
www.mf.uz ko‘rsatilishi shart. Saytni ishlab chiqish va qo'llab-quvvatlash Moliya vazirligi AHM tomonidan amalga oshiriladi

Our website is protected by DMC Firewall!